IBARANI 2:3 - Wunta Mempori

³ kana'umpeke kita mempokotola, tewala nahi tomentuduo tekaduduia anu langkai kanatuu, anu amba-ambano Dopopoto'oriakita i Ue ka ondae anu merongeomo, mesala a anu pinokompe'ala-ala, sekono

IBARANI 2:3 ပူးပေါင်းရင်းမြစ်များ

Yesaya 12:2

Mentee ntu'u, Ondae Ue Ala atuu tekaduduiaku; kupe'ala-ala Ira ka nahi kudoito, hangano Ondae Ue Ala atuu rosoku ka penaniku, Ondae gagi Iramo tekaduduiaku.”

Yesaya 20:6

I tempo atuu palilino wita i wiwino andio ira mpotae: Kitao, kanandiomo teweweudo mia anu pinerorohimami, kahinaano ndi ondae kimpelulu mpepetulungi ka kintekadudui inso ndi mokoledo to Asiuri. Kana'umpe mbo'u ka kami mentola?”

Yesaya 51:5

I larono asa mpiniro tekaduduia inso ndi Ongkue ta umpeda, tolaa anu Kuweeakomiu ta hawe, ka kae pabawa-Ku ta parenta ira tongku; ndi Ongkuemo luwuno togo mpesisikori, wineweuno kae-Ku domperorohio.

Yesaya 51:8

Hangano ondae ta kumaa ira ule-ule kana sangka ka ule-ule ta kumaa ira kana sangka wulu bimba; sine moleoa-Ku ta kongko mpiha ranta nahina tampulaano ka tekaduduia inso ndi Ongkue ta motilalo mpiha ranta a luwuno inule.

Yesaya 62:11

Hangano, onaemo andio anu Dopoporongeomo i Ue hawe a tompano tolino! Pauomo a ana beine Sioni: Menteeano, tekaduduiamu hawe; menteeano, ondae anu gagi tambono pe'i'isei-Do kongko saru Ondae ka ondae anu pinongko'ala-Do mpelempa i aro-Do.

Yehesikieli 17:15

Sine, mia atuu umewa ndi onae saru montena mia lumako i Masiri ka ipinoweeako ngara ka sorodadu anu langkai. Nde ta mehasilike onae? Nde ta mokotolake mia moweweu kanatuu? Nde ta mokotolake mia anu mohapu pedandia?

Yehesikieli 17:18

Onae me'uru-uruo sumpa ka humapuo pedandia. Mentee ntu'u, maupo ipemoikoo mongkona atuu saru mesangkalima, sine luwuno atuu ilimpaio, ka onae nahi ta tola.

I MATIU 23:33

Hei omiu ule, hei omiu inuleno ule me'ipo! Kana'umpeke ka komiu mpokotola inso a mpohukua i naraka?

I MATIU 4:17

Mompu'u tempo atuu Dopaleleo i Yesu, ”Tepidimo, hangano Poparenta Nsuruga rangkuomo!”

I MARAKUSU 1:14

Umarino rinako i Yohane hawe Iramo i Yesu i Galilea paleleo Lele Mawongkoa-Do Ue Ala,

I LUKASI 1:2

kana anu pinohawedo ndi ontae, anu inso a pompu'uano mengkitaakono matado ka anu mompalele pau-Do i Ue.

I LUKASI 1:69

Dopotuwuo aasa tandu tekaduduiato a laro inuleno i Daudi, tetenaa-Do atuu,

I LUKASI 24:19

Dopotaeako ira, ”Hapake atuu?” Sumangki ira, ”Hapa anu gagi mongkona Ondae i Yesu to Nasare. Ondaemo asa nabi, anu pabawa a mpo'anggaa ka pepaua i aroDo Ue Ala ka i arodo luwuno tongkumami.

I YOHANE 15:27

Sine omiu mbo'u asalakono mpesakosii, hangano omiu inso a pompu'uano mperonga saru Ongkue.”

WINEWEUDO TINENA 1:22

onaemo mompu'u inso a mpobahoano i Yohane hawe a oleo Dotetande i Yesu lumako i suruga binta kami, ka igagi sakosii saru omami mongkona pewangu-Do.”

WINEWEUDO TINENA 2:22

Hei to Isaraeli, imerongeomo pau andio: Anu tinooku onaemo Ondae i Yesu inso i Nasare, asa mia anu Dopakosiomo Ue Ala ka anu pinokomengkaako roso ka anu mengkinohali-haliako ka luwuno petondoni ndi omiu anu wineweu-Do Ue Ala mesala ndi Ondae i tonga-tongamiu, kana anu tino'orimiu.

WINEWEUDO TINENA 4:12

Ka nahina tekaduduia maupo ndi sema sangkadio ndi Ondae, hangano i totono langi andio nahina nee susua anu wineeako a mia anu mokongkadudui kita.”

ROMA 11:14

onaemo ba kumansa mokontesingkao monsiri i laro aroado pe'asa tongkuku montonda tuwu ntolino ka mokontekaduduio ba opia mia inso ndi ondae.

ROMA 2:3

Ka omue, hei mia, omue anu mokonsala ira anu mpoweweu kanatuu, sekono omue isa'a moweweuko koa mbo'u, nde uko'aro-aroa, nine kotola inso a mpohuku-Do Ue Ala?

1 KORINTI 1:21

Hangano a laro ponto'ori-Do Ue Ala, wawontolino nahi to'ori Ira Ue Ala mesala a ponto'orino, onaemo ka Dopemoikoo Ue Ala kumadudui ira anu mpompe'ala-ala hangano monge-mongea pompalelea Lele Mawongkoa.

1 TESALONIKA 5:3

Tewala mpotae ira: Luwuno sintuwu ka rodo nahina marisua – ka borono i'alu ira masolaa, kana aasa beine anu mentia i'aluo mahaki me'ana – manasa nahi ira mentola.

1 TIMOTIU 1:15

Pau andio mentee ka tekona itinarima luwu, ”Ondae i Kerisituu Yesu hawe i wawontolino mongkadudui mia tehala,” ka i olodo ongkuemo anu tehala ntu'u.

TITU 2:11

Hangano pe'aroa-Do Ue Ala anu kumaduduio luwuno mia mengkaaomo.

IBARANI 1:1

Mansano a tempo i ndi'upua Ondae Ue Ala mararu ka a mperupa-rupa pesalaa-Do mepau a uempu'uto telalo a luwuno nabi,

IBARANI 1:14

Kombake luwudo onaemo luwuno penaa anu mpompekakaako, anu mentinena ka dompekakaako ira anu asalakono mpohawe tekaduduia?

IBARANI 1:2

ka a tempo pokotompa andio mepau Iramo ndi ontae telalo a Ana-Do, anu Dopakosiomo gagi anu tekona tumarimao luwuno anu hina. Hangano Ondae Dopokogagiomo Ue Ala wawontolino saru luwuno ihino.

IBARANI 12:25

Impedagai ka si komba nahi impe'ala-ala Ira, anu mepau. Hangano tewala ondae, anu nahi dompe'ala-ala Ira anu mohaweo pau-Do Ue Ala i tolino, nahi domentola, tamoako ontae, tewala tompebungkui Ira anu mepau inso i suruga?

IBARANI 4:1

Onaemo pu'uno, moikoopo tompetangkoro, ka si hina te'asa mia I olomiu anu tinudu tebinta, maupo pedandia ira mpewinso a mpenaa-naaa-Do napi inihii.

IBARANI 4:11

Onaemo pu'uno moikoomo tompeteahako ka tompewinso a laro mpenaa-naaa atuu, ka si tedonta maupo te'asa mia hangano montonda pandiri nahi pomperorongeako mbo'u atuu.

IBARANI 5:9

ka umari-Do humaweo pokobobotoli-Do, Ondae gagi Pu'uno tekaduduiado luwuno mia anu momperorongeako ndi Ondae anu nahina tampulaano,

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.

1 YOHANE 1:1

Hapa anu hinaomo inso a pompu'uano, anu kimerongeomo, anu kimengkitaakonomo matamami, anu kimensakosiio ka anu kimperareakonomo kaemami mongkona Pau tuwua – onaemo anu binurimami ndi omiu.

YUDASI 1:17

Sine omiu, luwuno pepaekompo anu kinekewoiku, impewowoloomo hapa anu i ndi'upua domempauomo tinena-Do Ueto i Yesu Kerisituu ndi omiu.

MENGKAAA 7:10

Ka saru suara meroku mpebooli ira, ”Tekaduduia ndi Ondae Ue Alamami anu mentoro a wawo ngkadera poparentaa ka ndi Ondae Ana Bimba!”