IBARANI 2:17 - Wunta Mempori

¹⁷ Onaemo pu'uno, ka a luwuakoano Ondae asalakono pinongkena saru luwuno pepaekompo-Do, ka Dogagi Sando Mpesomba Langkai anu me'aroa ka anu metenunu ndi Ondae Ue Ala mokosintuwuo halano luwuno tongku.

IBARANI 2:17 ပူးပေါင်းရင်းမြစ်များ

2 Tawarika 29:24

Luwuno sando mpesomba sumumbeleo ka mesombaakono reano a wawo meda pontunua pesomba gagi pesomba po'onini hala ka iwineweu pesintuwua tiado luwuno to Isaraeli. Hangano ondae mokole meparenta iramo ka ipinesombaako pesomba tinunu ka pesomba po'onini hala tiado luwuno to Isaraeli.

Yesaya 11:5

Menteea ta gagi peboo ntongano, ka petenunu ta kongko tetanggo a ntongano.

Yehesikieli 45:15

asa mbo'u ana bimba inso a sompo bawaano rua etu bimba pine'uedo to Isaraeli mpepe'etu. Luwuno atuu tiano pesomba kaanga, pesomba tinunu ka pesomba tekaduduia weweua pesintuwuado, kanandiomo pau-Do Ue Ala.

Yehesikieli 45:17

Mokolemo anu tumo'orio pesomba tinunu, pesomba kaanga, pesomba tinawa a oleo langkai, wula wo'ohu, ka oleo Saba, a sompo porame-rameado suku Isaraeli. Onaemo anu ta patindao pesomba po'onini hala, pesomba kaanga, pesomba tinunu, ka pesomba tekaduduia moweweu pesintuwuado suku Isaraeli.”

Yehesikieli 45:20

Kanatuumo asalakono uweweuo a oleo amba-ambano wula ko'opitu hangano luwuno mia anu mpoweweu hala nahi pine'inungako ke hangano nahi domento'orio. Kanatuumo omue moweweu pesintuwuano Raha Mempori.

Danieli 9:24

Pinakosiomo pitu pulu meluka opitu tempo a tongkumu ka a ngkotamu anu mempori, mokotampulao gau mosa'o, mokompenaa-naao hala, pahihio sala, ka ihawe moleoa anu nahina tampulaano, umihiio pongkita ka pinau anu ta gagi, umurapio anu tedoa mempori.

Imama 14:18

Lana anu torea a pelengkaeno asalakono inaao a uluno mia anu ta pinokomanasa nahi mokoburu. Kanandiomo sando mpesomba moweweu pesintuwua tiano mia atuu i aro-Do i Ue.

Imama 16:16

Kanandiomo iweweuo pesintuwua tiano po'ianga mempori atuu hangano luwuno mokoburudo to Isaraeli ka luwuno pe'ewado, maupo hapa halado. Asalakono kai kanandiomo iweweuo a Kema Tepotowoa anu mo'ia mpiha i olodo i tonga-tongano luwuno mokoburudo.

Imama 6:30

Sine sompo pesomba po'onini hala anu asantia reano winawa a Ngkema Tepotowoa kai wineweu pesintuwua a mpo'ianga mempori, si kinaa, tendeano tinunu luwu kai pingko ikaano api.”

Imama 8:15

Sapi atuu sinumbele, ka i'amba i Musa mo'ala reano, ka wunga ngkaeno hahiakono rea atuu a ntandu-tanduno a limbuno meda pontunua pesomba ranta ipokomemporiomo meda pontunua pesomba atuu inso a hala. Toreano rea atuu inuwu i totono meda pontunua pesomba. Kanandiomo ipokomemporio meda pontunua pesomba atuu ka iweweuakono pesintuwuano.

Podoaa 15:25

Sando mpesomba asalakono moweweu pesintuwua tiado luwuno bawaa Isaraeli, ranta ka dompohawe te'oninino hala. Hangano mongkona atuu gagi nahi pine'inungako, ka Ondae mbo'u mpowawa iramo luwuno pesomba gagi pesomba tinunu ndi Ondae i Ue, saru pesomba po'onini hala i aro-Do i Ue hangano anu nahi pine'inungako atuu.

ROMA 15:17

Gaagi ndi Ondae i Kerisituu moiko kumawongkoakono mongkona kupo'anggaako Ira Ue Ala.

ROMA 5:10

Hangano tewala ontae, tempono da me'ewa, mepinokosintuwu saru Ondae Ue Ala hangano mate-Do ana-Do, tamoako ontae, anu kanandio-andio mempinokosintuwu kitamo, manasa kita mengkinadudui hangano tuwu-Do!

EPESU 2:16

ka dosintuwu oruano, i laro aasa ngkoroi, saru Ondae Ue Ala hangano keu pinotamba, saru mokotampulao teposisalaa atuu a ngkeu pinotamba atuu.

KOLOSE 1:21

Omiu mbo'u anu i ndi'upua mentuwu olai inso ndi Ondae Ue Ala ka anu mpe'iwaliako Ira i laro aroa ka pinewowolo kana anu mengkaa a mpoweweumiu anu mosa'o,

IBARANI 10:21

ka ontae hinao asa mia Sando Mpesomba Langkai gagi petewawa a Raha-Do Ue Ala.

IBARANI 2:11

Hangano Ondae anu mompokomempori ka ondae anu mempinokomempori, luwudo tepu'u inso a anu Aasa; onaemo pu'uno nahi makoko'ii-Do moboiako ira pepaekompo,

IBARANI 2:14

Hangano nana'ote atuudo onaemo nana'ote inso a rea ka ihi, ka Ondae mbo'u gagi mengkena saru ondae ka mohawe tia a nteweweudo, hangano mate-Do ka Doropuo, onaemo i Mosa'o, anu pabawaio matea;

IBARANI 2:16

Hangano menteeano, komba mala'eka anu Dopehohawa ira, sine inuleno i Burahima anu pinehohawa-Do.

IBARANI 3:1

Onaemo pu'uno, hei luwuno pepaekompo anu mempori, anu mpohawe tia a mpepoboi suruga, imengkita iramo Tinena ka Sando Mpesomba Langkai anu pine'ala-alato, onaemo Ondae i Yesu,

IBARANI 3:2

anu metenunu ndi Ondae anu pakosi Iramo, kana i Musa koa mbo'u metenunu a asa laro raha-Do.

IBARANI 3:5

Ka i Musa lano metenunu a asa laro raha-Do Ue Ala gagi puu pompekakaako sumakosiio mongkona hapa anu ta pinalele lembuino,

IBARANI 4:14

Hangano ontae kanandio-andio hinao Sando Mpesomba Langkai Maramba, anu telaloiomo asa wawo langi, onaemo Ondae i Yesu, Ana-Do Ue Ala, moikoomo tompe'ini moroso a mangakua pompe'ala-alato.

IBARANI 4:15

Hangano Sando Mpesomba Langkaito, komba sando mpesomba anu nahi pokompetonda membasaio luwuno molemato, tendeano mengkena saru ontae, inara-arahako Iramo, butu nahi Dopoweweu hala.

IBARANI 5:1

Hangano sompo sando mpesomba langkai, anu bininiki inso I olodo mia, pinakosiako mia a mpenggoeado saru Ondae Ue Ala, ka ipesombaakono pesomba ka pesomba hangano hala.

IBARANI 5:10

ka Ondae Ue Ala moboi Ira gagi Sando Mpesomba Langkai, montonda atorano i Melekisede.

IBARANI 5:2

Onae asalakono ka ipokonto'ori ira koa mia anu memonge-monge ka mia anu tepopo'oo, hangano onae isa'a bukeako molema,

IBARANI 5:5

Kanandio koa mbo'u Ondae i Kerisituu nahi Dopokomarambao Ondae-Do koroi-Do gagi Sando Mpesomba Langkai, sine Ondae anu mokomaramba Ira anu mepau, ”Ana-Ku Omue! Omue Kupe'anaako-Mu oleo andio.”

IBARANI 6:20

i tu'aimo Dopewinso i Yesu gagi Pese'eluto, tempono Dogagi Sando Mpesomba Langkai ranta nahina tampulaano, montonda atorano i Melekisede.

IBARANI 7:26

Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,

IBARANI 7:28

Hangano songka Taura pakosi ira mia anu ipabawai ira molema gagi Sando Mpesomba Langkai, sine sumpa, anu pinau lembui sekono songka Taura, pakosi Ira Ana, anu gagi Iramo soompo ntu'u ranta nahina tampulaano.

IBARANI 8:1

Pu'uno luwuno anu pinauto atuu onaemo: hinao Sando Mpesomba Langkaito anu kanandio, anu mentoro i koanano kadera poparentaa-Do Anu Tedoa Langkai i Suruga,

IBARANI 8:3

Hangano sompo Sando Mpesomba Langkai pinakosi ka ipompesombaako pesomba ka onaemo pu'uno Ondae i Yesu ka ihina koa Dopesombaakono.

IBARANI 9:11

Sine Ondae i Kerisituu hawe Iramo gagi Sando Mpesomba Langkai tiano luwuno anu moiko anu ta hawe: Dotelaloiomo kema anu lalu langkai ka anu lalu soompo, anu komba wineweuno kaeno mia, – pengkonaano anu nahi tewinso pinokogagi andio, –