IBARANI 13:5 - Wunta Mempori

⁵ Si megagi atano doi ka impesompoomo hapa anu hina ndi omiu. Hangano Ondae Ue Ala mepau Iramo, ”Naahi ntu'u Aku mo'ineeko ka naahi ntu'u Aku bintako.”

IBARANI 13:5 ပူးပေါင်းရင်းမြစ်များ

Tegagia 28:15

Menteeano, Aku kumongkomiko ka Aku dumagaiko, maupo isua ulako. Aku wawako mekule i wita andio, hangano nahi Aku bintako, tendeano weweuo mpiha hapa anu Kudandiakomu.”

Tegagia 30:31

Motae i Laba, ”Hapake anu asalakono kupoweeakomu?” Sumangki i Yako, ”Siimo ipoweeakune hapa-hapa. Behe aku pakambi ira mbo'u bawaano bembe bimbamiu ka dumagai ira, poolo ka i'induakune mongkona andio:

Tegagia 31:5

ipotaeako ira, ”Kukitaomo inso a rupado amamiu, nine nami kana mbo'u se'eluno ndi ongkue, sine Ondae Ue Alado amaku kumongkomi aku.

1 Mokole 6:13

nine Aku mo'ia i olodo to Isaraeli ka nahi Aku binta ira bawaa-Ku Isaraeli.”

1 Mokole 8:57

Po'ineeomo Ondae i Ue, Ue Alato, kumongkomi kita kana Dokongkomi iramo uempu'uto. Topomperorohi nahi Dobinta kita ke maupo tumadi kita,

1 Tawarika 28:20

Ka i'amba motae i Daudi ndi Salomo, anano, ”Pokorosoomo aroamu ka weweuomo atuu, siimo doito ka siimo itelusa aroamu, hangano Ondae Ue Ala, Ue Alaku, kumongkomiko. Nahi Ira mo'ineeko ka bintako ranta ka i'umari luwuno anggaa a mpesombaa i raha-Do Ue Ala.

Po'unde-unde 10:3

Hangano mia mosa'o gauno mo'undeakono po'eheno aroano, ka mia modoko mompepaukiako ka tumata Ira i Ue.

Po'unde-unde 119:36

Ipo'aroomo aroaku a luwuno pepopoto'ori-Miu, ka osi'i a modokoa.

Po'unde-unde 37:25

I ndi'ipua ongkue mongura, kanandio-andio gagi akumo mota'u, sine nahi kuhori mongkita mia mentee bininta, ke inuleno mo'ema-ema roti;

Po'unde-unde 37:28

hangano Ondae i Ue kumekewoio songka, ka nahi Dobintao mia anu pinehohawa-Do. Mia moweweu mosa'o ta pinepate ranta nahina tampulaano, ka inuleno mia mosa'o gauno ta pinokotampula.

Peluarakoa 2:21

I Musa inehekoa mo'ia i raha atuu, ka i'amba i Rehueli, mopokombiaakono i Musa, i Sipora, anano.

Peluarakoa 20:17

Si mosisiriakono rahano pe'asa miamu, si mosisiriakono kombiano, atano tama, ke beine, sapino ke kalideno, ke hapamokoa anu hinao a mpe'asa miamu.”

Powadi 23:4

Si pe'isei ka ugagi kaea, bintaomo tinoomu andio.

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 41:17

Mia memarasai ka mia memongkokolaro mpo'ungke uwoi, sine nahina, elodo motu'i mokoranga; sine Ongkue, Ue, Aku sumangki ira, Ongkue, Ue Alado to Isaraeli, nahi Aku binta ira.

Yesaya 42:16

Aku tumaate ira mia memorawu a nsala anu nahi domento'orio, a pesalaa anu nahi domento'orio. Aku wawa ira mpelempa. Aku weweuo wongi-wongi i arodo gagi mewine ka wita anu mpebanga-bangano gagi wita anu merete. Mongkonamo anu kanatuu Aku weweuo ndi ondae, anu asalakono Aku weweuo.

Yeremia 6:13

”Hangano, inso anu lalu kodei hawe anu lalu langkai i olodo, luwuno mpo'ungke me'uraa, moiko nabi maupo sando mpesomba luwuno mpompopo'oo.

Yehesikieli 33:31

Ondae me'aiwa ndi omue kana palili mpehowu ka mpentoro i aromu gagi bawaa-Ku. Ondae merongeo pinaumu, sine nahi domeweweuo. Ngangado bukeako luwuno pau pongkekewoi, sine aroado mpo'ungke me'uraa anu komba tiado.

I MATIU 6:19

”Si popumpu arataa i tolino; i tolino usu ka ta'ilasi ta sumolangio ka mia monako ta kumekeo ka iponakoo.

I MATIU 6:25

”Onaemo pu'uno ka Kupauakomiu: Siimo imesala-laroakono tuwumiu, ba hapa anu komiu mengkaano ke me'inuo, ka siimo imensala-laroakono mbo'u koroimiu, ba hapa ta pesangkamiu. Kombake tuwu atuu mentuduopo sekono kaanga ka koroi atuu mentuduopo sekono sangka?

I MATIU 6:34

Onaemo pu'uno si mensalalaro mongkona oleo tisomo, hangano oleo tisomo hinao masusano onaeno. Masusaa asa oleo sompoomo tiano asa oleo.”

I MARAKUSU 7:22

ponsosaboa, modokoa, mosa'oa, pe'akala, po'o'aroa mosa'o, mosisiri, pompepaukiako, pompelangka-langkai, monge-mongea.

I LUKASI 3:14

Ka sorodadu mpesikeno ira koa mbo'u ndi onae, ”Ka omami hapake anu asalakono kami mpoweweu?” Isangki ira i Yohane, ”Si mporontu ka si mpodadai ka impesompoomo tambomiu.”

I LUKASI 8:14

Anu tedonta a laro ewo rui onaemo mia anu rumongeomo pau atuu, ka a laro ntumuwudo lembuino tehidiako sala-laro ka kaeaa ka manangaino tumuwu, ranta nahi pewuaako wua anu moiko.

ROMA 1:29

bukeako mperupa-rupa molengkua, wineweu mosa'o, mo'uri ka mokoburu, bukeako kohili, pompepatea, teposisalaa, pompopo'oo ka gau mosa'o.

1 KORINTI 5:11

Sine anu kuburiakomiu onaemo, ka si mpewali-waliako mia, anu maupo ipauo koroino pepaekompo, onaemo mia belesu, modoko, mompesombai lahumoa, puu pomposebe, wela molangu ke wela mompopo'oo; saru mia anu kanandio si koa ntu'u impe'asaako ira mpongkaa.

1 KORINTI 6:10

anu mponako, mia memodoko, mara molangu, anu momposebe ka anu mompopo'oo nahi ira mpohawe tia a laro Poparentaa-Do Ue Ala.

2 KORINTI 4:9

mebinobarasai kami, sine nahi kimebininta, mempinepasiako kami, sine nahi kimemate.

EPESU 5:3

Sine pebelesua ka mperupa-rupa mokoburua ke modoko maupo pinewua i olomiu osi'i, kana pototodo mia memempori.

EPESU 5:5

Hangano impewowoloomo andio temoiko: nahina mia belesu, mia anu mokoburu ke mia modoko, pengkonaano anu mesomba a lahumoa, anu mohawe tia a Poparentaa-Do i Kerisituu ka Ondae Ue Ala.

Winali 31:6

Pokorosoo ka perodoo aroamu, si doito, kasi mondende ndi ondae, hangano Ondae i Ue, Ue Alamu anu melempa kumongkomi komiu. Nahi Ira mo'inee komiu ka nahi Ira binta komiu.”

Winali 31:8

Hangano Ondae i Ue anu melempa i aromu ka Ira kumongkomiko. Nahi Ira mo'ineeko ka nahi Ira bintako. Siimo doito ka siimo salalaro.”

Winali 4:31

Hangano Ondae i Ue, Ue Alamiu, Ondaemo Ue Ala puu Pompehohawa. Nahi Ira binta komiuke rumopu komiu; Nahi Ira kumolupeo pedandia anu pinau-Do saru sumpa ndi ondae uempu'umiu.

KOLOSE 3:5

Onaemo pu'uno impepateomo a laro ngkoroimiu luwuakoano anu po'eheno wawontolino, onaemo pebelesua, mokoburua, po'eheno aroa, pinewowolo mosa'o ka medokoli mbo'u anu mengkena saru mompesombai lahumoa,

1 TIMOTIU 3:3

komba marampo'inu, komba marantekuda tendeano me'aroa, mompokomoiko mia teposisala, komba te'ataako doi,

Yosua 1:5

Isemamokoa nahi ta hina mia moko'ewaiko asa ntinuwumu; kana Kukongkomio i Musa, kanatuu koa mbo'u Kukongkomiko. Nahi Aku mo'ineeko ka bintako.

Yosua 7:21

Kukitao i olono luwuno sangka anu pinomuru atuu lemba anu tekosi, wineweu inso i Sineari ka rua etu salaka ka asa wata wulaa limapulu sika mobeano; tedoa ineheku, ku'alao, ka kuwunio luwu ia kema a laro wita, salaka itotono ntu'u.”

2 PETURU 2:14

Matado buke aroa monsosabo ka nahi dohori nte'osa mpoweweu hala. Domempopandei ira mia anu memolema. Aroado leleoomo a laro modokoa. Ondaemo mia anu mentetotonaa!

2 PETURU 2:3

Ka hangano dokodo guru mpegaupi atuudo ira mpe'usaha mpo'ungke urado inso ndi omiu mesala a luwuno tutulu anu tinutuludo ondaedo. Sine a mpoweweudo atuu pohuku tehineomo tepatinda ka matea nahi ta tepotulu.

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.

1 Samueli 10:7

Tewala luwuno petondoni andio gagi ndi omue, weweuo hapamo koa anu tekona uweweuo, hangano Ondae Ue Ala kumongkomiko.

1 Samueli 12:22

A nee-Do anu langkai, Ondae i Ue nahi Ira bintao bawaa-Do, hangano Ondae i Ue Dobiniki komiumo gagi bawaa-Do.