20 Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,
Komba kanatuuke somboriku i aro-Do Ue Ala? Hangano moweweu Iramo pedandia anu nahi ta bali saru ongkue, luwuno pinalele ka manasa ta tinonda. Hangano luwuno tekaduduia ka pinerorohiku, komba Ondaeke anu weweuo kai mentumba?
Ka i'amba i Musa umalao rea atuu, ka itawisiako ira bawaa ka ipotae, ”Ndiomo rea pedandia anu pinokoroso-Do i Ue saru omiu, me'empehiako luwuno songka-Do.”
Ta'oomo birimu ka aiwamo ndi Ongkue; perorongeakonomo asalakono komiu mentuwu! Aku mowutu pedandia anu nahi bali saru omiu, montonda pompehohawa-Ku anu moroso ndi Daudi.
Hangano Ongkue, Ue, kumekewoio songka, umo'aliaakono porontua ka molengkua. Aku moweeko tambomiu anu mentee, ka mowutu pedandia anu nahina tampulaano saru omiu.
Ka i'amba nterorambe iramo bawaa-Do a tempo se'eluno, tempono i Musa: Isua Irake anu wawa ira mpewuatako inso a ntahi meronga saru luwuno puu mpopakambi bawaano bembe bimba-Do? Isua Irake anu numaao Penaa-Do anu mempori a laro ngkoroido;
Aku mowutu pedandia nahina tampulaano saru ondae, nine nahi Aku mebungkui ira, tendeano moweweu moiko ndi ondae. Aku numaao i laro aroado dumoitoa-Kune, ka si dome'olai inso ndi Ongkue.
Tetenaa-Ku i Daudi ta gagi mokoledo, ka luwudo ta hinao asa puu mpopakambi. Ira mentuwu montonda luwuno atora-Ku ka mpetenunu meweweuo luwuno pompakosi-Ku.
Aku moweweu pedandia manangai saru ondae, ka atuu ta gagi pedandia anu mo'ia mpiha saru ondae. Aku rumonso ira ka weweu ira mehadio ka meweengakono po'ianga mempori-Ku i tonga-tongado ranta nahina tampulaano.
Hangano Dopakosiomo aasa oleo, a tempo isua Dobitarao temoleo wawontolino anu ta umanggao aasa mia anu Dopakosiomo, umari-Do moweeako ira luwuno mia aasa pompokomanasa mongkona atuu onaemo wangu Ira inso i olodo mia mate.”
ka imento'oriomo luwumiu ka luwuno bawaa Isaraeli, nine a nee-Do i Yesu Kerisituu, to Nasare, anu pinasomiumo a ngkeu pinotamba, sine anu Dowangu Iramo Ue Ala inso i olodo mia mate – nine hangano Ondaemo i Yesu atuu ka ipentade madoo mia andio i aromiu kanandio-andio.
Ka tewala Penaa-Do, anu wangu Iramo i Yesu inso i olodo mia mate, mo'ia i laromiu, asalakono Ondae, anu wangu Iramo i Kerisituu Yesu inso i olodo mia mate, Ira motuwuakono mbo'u Penaa-Do koroimu anu ta mate atuu, anu mo'ia i laromiu.
Ka mbo'u mengkaa mpegaupi kami ndi Ondae Ue Ala, hangano mongkona Ondae pinaumami, nine Dowangu Iramo i Kerisituu – kahinaano nahi Dowangu Ira, tewala mentee, nine mia mate nahi domewinangu.
Pokotompaano, pepaekompoku, impo'undemo, impeteahakomo ka ibobotoli pompe'ala-alamiu. Imentarimaomo luwuno patuduku! Impe'asa aroamo ka mpe'asa pompewowolo, ka imentuwumo a laro rodoa! ka Ondae Ue Ala, pu'uno pompehohawa ka rodoa Ira kumongkomi komiu!
Hangano kimento'orio, nine Ondae, anu wangu Iramo Ue Yesu, Ira koa mbo'u wangu kami meronga saru Ondae i Yesu. Ka Ira wawa kami mpe'aro ndi Ondae meronga saru omiu.
Inso ndi Paulu, asa mia tinena, komba hangano mia, komba mbo'u hangano asa mia, tendeano hangano Ondae i Yesu Kerisituu ka Ondae Ue Ala, Ama, anu wangu Iramo inso i olodo mia mate,
Ka hapa anu impepaguruakonomo ka hapa anu imentarimaomo, ka hapa anu imerongeomo ka hapa anu imengkitaomo ndi ongkue, imeweweuomo atuu. Ka Ondae Ue Ala pu'uno rodoa Ira kumongkomi komiu.
hangano mengkinaburu komiu saru Ondae a mpebahoa, ka ndi Ondae mpetonda komiu mbo'u mewinangu hangano pompe'ala-alamiu a mpo'anggano pabawa-Do Ue Ala, anu wangu Iramo inso a mpo'iangado mia mate.
ka sumikorio hawe-Do ana-Do inso i suruga, anu Dowangu Iramo inso i olodo mia mate, onaemo Ondae i Yesu, anu kumadudui kita inso a pontekudaako anu ta hawe.
Po'ineeomo Ondae Ue Alano rodoa mokomempori komiu luwu ka po'ineeomo penaa, sumanga ka koroimiu sompo itepekaria saru nahina tataano a hawe-Do i Yesu Kerisituu, Ueto.
Onaemo pu'uno aiwamo tompe'aro ndi Ondae Ue Ala saru aroa anu moleo ntu'u ka pompe'ala-ala anu moroso, hangano aroato pinokomorinaomo inso a laro aroa anu mosa'o ka koroito wino'ohiakoomo uwoi anu morina.
Tedoaopo lalu mobea pohuku anu asalakono ipinoweeako, anu lumolanda Ira Ana-Do Ue Ala, anu tumuduo mokoburu rea pedandia anu mokomemporio, ka anu mokongkodei Ira Penaa pe'aroa?
Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.