IBARANI 13:18 - Wunta Mempori

¹⁸ Impekakaiakami mpiha; hangano kimpe'ala-alao, nine pohaweno aroamami moiko, nde a luwuakoano inehemami aasa tuwua anu moiko.

IBARANI 13:18 ပူးပေါင်းရင်းမြစ်များ

WINEWEUDO TINENA 23:1

Kontongaano mengkita a Mpuu Mpobitara Agama, motae i Paulu, ”Hei pepaekompoku, hawe a oleo andio tuwu aku mpiha a laro moputeno aroaku i aro-Do Ue Ala.”

WINEWEUDO TINENA 24:16

Onaemo pu'uno ka kuwela umungkeakono tuwu a aroa anu molino i aro-Do Ue Ala ka mia.

ROMA 12:17

Mosa'oa si pombaloakono mosa'oa; weweuomo hapa anu moiko a luwuno mia!

ROMA 13:13

Aiwamo tomentuwu mponto'ori gau, kana tempono meene, komba a mpogawea nahina sa'uno ka memolangu, komba a mpebelesua ka montonda po'eheno aroa, komba a nteposisalaa ka mengkohili.

ROMA 15:30

Sine hangano Ondae i Kerisituu, Ueto, ka hangano pompehohawa-Do Penaa, kupatudu komiu, pepaekompo, ka impokowali aku pekakaiakune ndi Ondae Ue Ala,

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

PILIPI 4:8

Gaagi poko'ariano, pepaekompo, luwuno anu mentee, luwuno anu maramba, luwuno anu moleo, luwuno anu mempori, luwuno anu mo'ahi, luwuno anu momoiko irinonge, luwuno anu pinau moiko ka tekona inunde-unde, impewowoloomo luwuno atuu.

KOLOSE 4:3

Impekakaiakami koa mbo'u, ka Do'ungkahiakami Ue Ala pewowa a pompaleleamami, ranta ka kimempolio mpepau mongkona rahasia-Do i Kerisituu, anu hangano onae ka kutinorungku.

1 TESALONIKA 4:12

ranta ka imentuwu kana mia anu mponto'ori gau a pongkitado mia i bungkuno ka nahi impomperorohi ndi ondae.

1 TESALONIKA 5:25

Pepaekompoku luwu-luwu, impekakaiakamimo.

2 TESALONIKA 3:1

Ka i'amba, pepaekompo luwu-luwu, impekakaiakami, ka ikotele-teleleno koa pau-Do i Ue ka pinokomaramba, mengkena kana anu gagiomo i olomiu,

1 TIMOTIU 1:5

Tinoono patudu atuu onaemo pompehohawa anu meluarako inso a aroa anu mempori, inso i laro aroa anu moiko ka inso a pompe'ala-ala anu moleo.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 3:16

ka saru ponto'orino aroa anu moiko, ka domegagi mokoko'iiakono pomposebedo atuu anu mposebe komiu hangano tuwumiu anu moleo ndi Ondae i Kerisituu.

1 PETURU 3:21

Omiu mbo'u kanandio-andio ikadudui komiu potundaano, onaemo pebahoa – tinoono komba ka ipokomorinao mokoburuno koroi, tendeano ka ipo'emaakono ponto'orino aroa anu moiko ndi Ondae Ue Ala – hangano pewangu-Do i Kerisituu,