IBARANI 13:11 - Wunta Mempori

¹¹ Hangano koroido kondehora anu reano iwawao Sando Mpesomba Langkai mewinso a mpo'ianga mempori gagi pesomba po'onini hala, tinunu i bungkuno pekemaa.

IBARANI 13:11 ပူးပေါင်းရင်းမြစ်များ

Peluarakoa 29:14

Sine bauno sapi atuu saru kulino ka ta'ino, tunuomo kai pingko i bungkuno pekemaa. Onaemo pesomba po'onini hala.

Yehesikieli 43:21

Alaomo sapi lakino tiano pesomba po'onini hala atuu ka mia asalakono mentunuo a mpo'ianga anu tinantuimo i horino Raha Mempori, i bungkuno po'ianga mempori.

Imama 16:27

Sapi lakino ka bembe lakino pesomba po'onini hala, anu reano winawaomo mewinso ta wineweu pesintuwua a mpo'ianga mempori, asalakono winawa meluarako inso a mpekemaa. Kulino, bauno, ka ta'ino asalakono tinunu kai pingko.

Imama 6:11

Ka i'amba lumohuo sangkano ka ipompokona sangka susua ka i wawao awu atuu i bungkuno pekemaa i asa po'ianga anu morina.

Imama 6:30

Sine sompo pesomba po'onini hala anu asantia reano winawa a Ngkema Tepotowoa kai wineweu pesintuwua a mpo'ianga mempori, si kinaa, tendeano tinunu luwu kai pingko ikaano api.”

Imama 9:11

Sine bauno ka kulino itunuo kai pingko i bungkuno pekemaa.

Imama 9:9

Luwuno anano i Haruni mewawao reano sapi atuu ndi onae ka i'emoo i Haruni wunga ngkaeno a rea atuu kai hahiakono a ntandu-tanduno meda pontunua pesomba. Toreano inso a rea atuu i'uwuo i totono meda pontunua pesomba.

Podoaa 19:3

Asalakono impeweengakono a sando mpesomba Eleasari. Sapi atuu asalakono winawa i bungkuno pekemaa ka isinumbele i arono sando mpesomba.

Podoaa 19:7

Ka i'amba sando mpesomba asalakono molombo sangkano ka koroino iwo'ohiakono uwoi. Umarino atuu ka ipewinso a mpekemaa, ka sando mpesomba atuu mokoburu hawe sumoo oleo.