Kanatuumo tepumpudo mia anu mpompe'ala-ala iramo atuu, mpe'asa aroa ira ka mpesintuwu, ka nahina maupo te'asa mia anu motae, nine ba hapa anu hina ndi onae ipe'umbuo asa-asano, onaemo arataa morokoado.
Pepaekompo, lano mempinoboi komiumo ka imaradeka. Sine si mempakeo maradekaa andio gagi pompe'umalu ka imentuwu a laro hala, tendeano imemambepekakaako hangano pompehohawa.
Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.
ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.
Omami asalakono pontarimakasi mpiha ndi Ondae Ue Ala hangano omiu, pepaekompoku luwu-luwu. Ka lano tekona ka ikanandio, hangano pompe'ala-alamiu koteti-tetiangino ka mambe pehohawamiu komoro-morosono i olomiu,
Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.
Tewala asa mia motae, ”Kukekewoi Ira Ue Ala,” ka i'o'aliaakono pepaekompono, onaemo mia megaupi, hangano ba isema nahi pehohawao pepaekompono anu kinitano, nahi ta kumekewoi Ira Ue Ala, anu nahi kita Ira.
