IBARANI 12:2 - Wunta Mempori

² Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

IBARANI 12:2 ပူးပေါင်းရင်းမြစ်များ

Po'unde-unde 110:1

Penani po'unde-undeno i Daudi. Pau-Do i Ue a ueku, ”Pentoromo i koana-Ku, hawe ka Kuweweu ira iwalimu gagi pelandaano karumu.”

Po'unde-unde 138:8

Ondae i Ue Ira moko'umariakune luwuakoano! Oo Ue, pompehohawa-Miu nahi bali ranta nahina tampulaano; si bintao wineweuno kae-Miu!

Yesaya 31:1

Masola ntu'u mia anu lumako mepetulungi i Masiri, anu momperorohi ngara, anu mompe'ala-ala a ngkaretano anu hadio, ka a sorodadu mpengara anu tedoa hadio, sine nahi dompengkita ndi Ondae Anu Tedoa Mempori, Ue Alado to Isaraeli, ka nahi dome'ungke Ira i Ue.

Yesaya 45:22

Impepokulemo ndi Ongkue ka imengkinadudui, hei luwuno tompano tolino! Hangano Ongkuemo Ue Ala ka nahina anu susua.

Yesaya 53:3

Onae tinata ka dome'olaiakono mia, asa mia anu bukeako tebobarasaia ka leleo marasai mompemahaki. Mia mbo'u domentutuwio rupado ba domengkitao; kanatuumo itinata ka ndi ontae nahi tewinso a mporeke.

Yesaya 8:17

Ka aku sumikori Ira i Ue anu wunio rupa-Do te'aro a inuleno i Yako; aku momperorohi ndi Ondae.

Mika 7:7

Sine ongkue andio sumisikori Ira i Ue, momperorohi ndi Ondae Ue Ala anu kumadudui aku; Ondae Ue Alaku Ira rumonge aku!

Sakaria 12:10

”Aku motiio penaa pompehohawa ka po'emano somborino i Daudi ka palilino Yerusale. Ira mengkita Aku anu tinobodo. Ira mensabangio kana mia monsabangi ana anu asa-asa, ka ira mpengeseio a laro masukarano tumuwu kana mia mompengesei ana aka.

Podoaa 21:9

Ka i'amba i Musa moweweu ule mala ka inaao a asa keu pinontade. Tewala asa mia itungkuo ule, sine mengkita a ule mala atuu, manasa ta kongko tuwu.

I MATIU 16:21

Mompu'u i tempo atuu Ondae i Yesu mompu'u mokomengkaao a ana guru-Do nine Ondae asalakono Ira lumako i Yerusale ka montembi hadio marasaia inso a mia memota'u, petewawado sando mpesomba ka guru agama, ka Do'amba pinepate ka winangu a oleo ko'otolu.

I MATIU 20:28

mengkena kana i Ana Manusia aiwa komba ka Dopinekakaako, tendeano ka Dopompekakaako ka meweengakono penaa-Do gagi tolosino hadio mia.”

I MARAKUSU 14:36

Dopotae, ”Oo Aba, oo Ama, nahina anu nahi Ipolio, I'alaomo tonde andio inso ndi Ongkue, sine komba po'ehe-Ku, tendeano po'ehe-Miu.”

I MARAKUSU 15:28

Kanandio inihiiomo pau a Wunta Mempori anu unino, ”Ira tewinso i olodo mia mpe'ewa.”]

I MARAKUSU 16:19

Umari-Do i Yesu mepauako ira kanatuu, tetande Iramo lumako i suruga, ka Do'amba mentoro i koana-Do Ue Ala.

I MARAKUSU 9:12

Sumangki Ira i Yesu, ”Lano i Elia ta hawe se'elu ka mokomoikoo luwuakoano. Butu, kana'umpe anu hinao teburi mongkona i Ana Manusia, nine ta hadio pompemarasai-Do ka Ira pinokongkodei?

I MARAKUSU 9:24

Mompari-pariomo amano nana'ote atuu mebooli, ”Kupe'ala-alao. Itulungi akumo anu nahi pompe'ala-ala andio!”

I LUKASI 17:5

Ka do'amba mpotae tinena atuudo ndi Ondae i Ue, ”Itiangiakami pompe'ala-alamami!”

I LUKASI 23:11

Ka mompu'uomo i Herode ka sorodaduno tumata Ira ka mopodeu-deu Ira, ipokonaako Ira lemba meloe pompelangkai ka i'amba metena mokule Ira ndi Pilatu.

I LUKASI 24:26

Kombake i Mesia asalakono tebobarasaiako luwuno atuu ka Dopewinso a marambaa-Do?”

I YOHANE 1:29

Tisomono i Yohane kumita Ira i Yesu aiwa ndi onae ka ipotae, ”Kita Iramo Ana bimba-Do Ue Ala, anu umoninio halano wawontolino.

I YOHANE 12:24

Kupauakomiu: Menteeano tewala wuku gandu nahi tedonta a wita ka mate, onae asa wuku koa mpiha; sine tewala onae mate, ta mewua hadio.

I YOHANE 12:32

ka Ongkue, tewala tinande Aku inso i tolino, Aku dumii ira luwu mia me'aiwa ndi Ongkue.”

I YOHANE 13:3

Doto'orio i Yesu, nine luwuakoano Dopeweengakonomo Ama-Do ndi Ondae ka nine Dohawe inso ndi Ondae Ue Ala ka mekule ndi Ondae Ue Ala.

I YOHANE 6:40

Hangano ndiomo po'ehe-Do Ama-Ku, onaemo sompo mia, anu kumita Ira i Ana ka anu me'ala-ala Ira ka dompohawe tuwua anu nahina tampulaano, ka a tampulaano wawontolino ka Kuwanguo.”

I YOHANE 8:56

I Burahima amamiu mo'unde nine ta kumitao oleo-Ku ka ikitaomo ka ipo'unde.”

WINEWEUDO TINENA 2:36

Gagi luwuno suku Isaraeli asalakono mento'orio manasa, nine Dopokogagi Iramo Ue Ala i Yesu, anu pinasomiu atuu a ngkeu pinotamba, gagi Ue ka i Kerisituu.”

WINEWEUDO TINENA 3:15

Kanandiomo Ondae, Petewawa a ntuwua, impepate Iramo, sine Dowangu Iramo Ue Ala inso i olodo mia mate; ka mongkona luwuno atuu omamimo sakosii.

WINEWEUDO TINENA 5:31

Ondaemo anu Dotandeakono kae ngkoana-Do Ue Ala gagi Petewawa ka Puu Pongkadudui, ka dompokontepidi to Isaraeli ka mpontarima po'ampunia hala.

WINEWEUDO TINENA 5:41

Domebintao tinena atuu terisoado Puu Mpobitara Agama saru mawongko aroado, hangano pinetekona iramo mpembasaio mokoko'iia hangano Nee-Do i Yesu.

1 KORINTI 1:18

Hangano pompalele mongkona keu pinotamba onaemo lano monge-mongedo anu ira memate, sine ndi ontae anu mengkinadudui pompalele atuu onaemo moroso-Do Ue Ala.

1 KORINTI 1:23

sine omami mempalele Ira i Kerisituu anu pinaso a ngkeu pinotamba: a nto Yahudi aasa watu tetidua ka a mia komba to Yahudi aasa monge-mongea,

EPESU 2:16

ka dosintuwu oruano, i laro aasa ngkoroi, saru Ondae Ue Ala hangano keu pinotamba, saru mokotampulao teposisalaa atuu a ngkeu pinotamba atuu.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

PILIPI 1:6

Mongkona andio kupe'ala-alao ntu'u, onaemo Ondae, anu pu'uo anggaa anu moiko i olomiu, Ira motilaloakono hawe a pokotompaano a oleo-Do i Kerisituu Yesu.

PILIPI 3:20

Hangano ontae palilino Poparentaa suruga, ka inso mbo'u i tu'ai tomensikori Ira i Ue Yesu Kerisituu gagi Puu Pongkadudui,

2 TIMOTIU 4:8

Kanandio-andio pinatindaako akumo ramba-ramba ulu menteea anu Ira weeakune i Ue, Puu mpobitara anu moleo, a oleo-Do; sine komba butu ndi ongkue, tendeano a luwuno mbo'u mia anu kumekewoio hawea-Do.

IBARANI 1:13

Ka ndi semake i olodo mala'eka atuudo Dohori mepau, ”Pentoromo i koana-Ku, ranta Kuweweu ira iwali-Miu gagi pelandaano karu-Miu?”

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 10:14

Nde hangano aasa koa pesomba Dopokosompo iramo anu pinokomempori-Do ranta nahina tampulaano.

IBARANI 10:33

moiko tempono imempinokogagi kikitaa hangano pompepaukiako ka marasaia, maupo tempono imemarasai saru ondae anu mewineweu kanandio.

IBARANI 11:36

Hinao mbo'u anu pinopodeu-deu ka sinepi, tamoako anu pinongu ka tinorungku.

IBARANI 12:3

Impewowolo Ira koa mpiha, anu mo'asao aroa-Do tumembio pengengedo mia ntehala anu lansara atuu a ngkoroi-Do, ka si megagi molema ka ntelusa.

IBARANI 13:13

Onaemo pu'uno aiwamo ka tomelako ndi Ondae i bungkuno pekemaa ka mentembio tekoko'ii-Do.

IBARANI 5:9

ka umari-Do humaweo pokobobotoli-Do, Ondae gagi Pu'uno tekaduduiado luwuno mia anu momperorongeako ndi Ondae anu nahina tampulaano,

IBARANI 7:19

– hangano songka Taura nahina ntu'u ipowawa sompoano ntu'u – sine kanandio-andio pinosaba pomperorohia anu moikoopo, anu moko'umpeda kita ndi Ondae Ue Ala.

IBARANI 8:1

Pu'uno luwuno anu pinauto atuu onaemo: hinao Sando Mpesomba Langkaito anu kanandio, anu mentoro i koanano kadera poparentaa-Do Anu Tedoa Langkai i Suruga,

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.

YAKOBU 2:1

Luwuno pepaekompoku, kana mia anu mompe'ala-ala ndi Ondae i Yesu Kerisituu, Ueto anu maramba, pompe'ala-ala atuu si mpoweweuako anu moiko pompesusua mia.

1 PETURU 1:11

Ka dompepenteeo tempo anu isua ka anu kana'umpe tinoono Penaa-Do i Kerisituu, anu kongko i larodo, onaemo Penaa anu se'eluno mompowee ponsakosii mongkona luwuno tebobarasaia anu ta umalu Ira i Kerisituu ka mongkona luwuno marambaa anu metonda lembui umarino atuu.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

1 PETURU 3:22

anu mentoro i koana-Do Ue Ala, mansa-Do mewuatako i suruga umarino luwuno mala'eka, pabawa ka roso pinokompetenunu ndi Ondae.

YUDASI 1:21

Impekariaomo koroimiu kanandio a laro pompehohawa-Do Ue Ala saru mensikorio pe'aroa-Do Ueto, i Yesu Kerisituu, tiano tuwua anu nahina tampulaano.

MENGKAAA 1:11

ipotae, ”Hapa anu kinitamu, buriomo a aasa wunta ka oliwiako iramo opitu bawaa andio: i Epesu, i Semirina, i Peregamusu, i Tiatira, i Saradisi, i Piladepia ka i Laodikia.”

MENGKAAA 1:17

Tempono kukita Ira, menggolontu akumo a mpuu karu-Do mengkena kana mia anu mate. Sine Dodampoakune kae ngkoana-Do ka Do'amba mepau, ”Si doito! Ongkuemo Anu Amba-ambano ka Anu Pokotompa,

MENGKAAA 1:8

”Ongkuemo Alfa ka Omega, pau-Do Ue Ala, anu kongko ka anu kongko Iramo ka anu Ira hawe, Anu Tedoa Pabawa.”

MENGKAAA 2:8

”Ka buriakonomo mala'ekado bawaa i Semirina: Ndiomo pau inso Anu Amba-ambano ka Anu Pokotompaano, anu mate Iramo ka wali tuwu: