IBARANI 11:4 - Wunta Mempori

⁴ Hangano pompe'ala-ala ipesombaakonomo i Habeli ndi Ondae Ue Ala pesomba anu lalu moiko sekonopo pesombano i Kai. Hangano koa atuu ka ipohawe ponsakosii ndi onae, nine onae mentee, hangano Dopemoikoo Ue Ala pesombano atuu ka hangano pompe'ala-ala onae da mepau, umarino mate.

IBARANI 11:4 ပူးပေါင်းရင်းမြစ်များ

Tegagia 4:10

Mepau Ira, ”Hapake anu umari wineweumu andio? Reano uaimu meboo-booli ndi Ongkue inso a wita.

Tegagia 4:15

Mepau Ira i Ue ndi onae, ”Naahi ntu'u, isemamo koa anu mepateo i Kai ta pinombaloako meluka pepintu.” Ka Do'amba i Ue monaakono tondonino i Kai, ka si dompepateo mia isemamo koa anu tepotowoakono.

Tegagia 4:25

I Adama mewowaliakono mbo'u beineno. Ka i'amba beine atuu me'anaakono asa ana ntama ka ineeakono i Seti, hangano ipotae, ”Ondae Ue Ala moweeakunemo asa mia inule anu susua gagi euno i Abeli, hangano ipepateomo i Kai.”

Tegagia 4:8

Motae i Kai ndi Abeli, uaino, ”Aiwa ka tolako a mpada.” Tempono ondae kongko a mpada, borono i Kai sumapoio i Abeli, uaino, ka ipepateo.

1 Mokole 18:38

Ka i'amba metiiomo api-Do i Ue kumaano pesombaa tinunu, keu, watu ka wita atuu, sekonopo uwoi a pangkoro pingko isile'io.

Ayubi 8:10

Komba ondaeke anu asalakono mempaguruko ka mepau ndi omue, saru mpoluarako pau inso a mpinewowolodo anu molino?

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Powadi 21:27

Pesombano mia mosa'o gauno atuu mokoburu, tamoako mbo'u tewala pinesombaako a ntinoo anu mosa'o.

Imama 9:24

Meluarakoomo api inso i aro-Do i Ue kumaano pesomba tinunu ka luwuno taba i wawono meda pontunua pesomba. Mansado luwuno tongku atuu mengkitao, mpeboo-booli iramo ka do'amba mpenggolontu mpesomba.

I MATIU 23:35

ka imensusuruo po'uwua reano mia anu nahina salano mompu'u inso ndi Habeli, mia mentee atuu, hawe ndi Sakaria anano i Berekia, anu pinepatemiu i olono po'ianga mempori ka meda pontunua pesomba.

I LUKASI 11:51

mompu'u inso a reano i Habeli hawe a reano i Sakaria anu pinepateomo i olono meda pontunua pesomba ka Raha-Do Ue Ala. Tendeano Kupauakomiu: Luwuno atuu ta tinuntu inso a mia andiodo.

TITU 1:16

Dompotae domento'ori Ira Ondae Ue Ala, sine a mpoweweudo domehapu Ira. Memokoburu ira ka buunto ka nahi domempolio mpoweweu te'asa anu moiko.

IBARANI 11:2

Nde hangano pompe'ala-ala sinakosiiomo a uempu'uto.

IBARANI 12:1

Hangano ontae hadio sakosii, kana seru anu lumimbu kita, aiwamo ka tobintao luwuno tinembi ka hala anu tedoa rumerenggoti kita, ka tompo'asao mpiha aroato mpegolo a mpegoloa anu tomentinenaako.

IBARANI 12:24

ka ndi Ondae i Yesu, Po'oloti pedandia wo'ohu, ka a rea tinawisi, anu morosoopo ipepau sekono reano i Habeli.

IBARANI 5:1

Hangano sompo sando mpesomba langkai, anu bininiki inso I olodo mia, pinakosiako mia a mpenggoeado saru Ondae Ue Ala, ka ipesombaakono pesomba ka pesomba hangano hala.

IBARANI 9:22

Ka mingki luwuakoano pinokomemporiako rea montonda songka Taura, ka ba nahina po'uwua rea nahina po'ampunia.

2 PETURU 2:8

hangano mia mentee andio mo'ia i tonga-tongado ka sompo oleo kumitao ka rumongeo luwuno wineweudo anu mosa'o atuu, ranta sumangano anu mentee atuu tebobarasai –

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.