IBARANI 11:16 - Wunta Mempori

¹⁶ Sine kanandio-andio mpongkekewoi ira wita po'iangado anu lalu moiko onaemo aasa po'ianga suruga. Onaemo pu'uno nahi mokoko'ii-Do Ue Ala nineeako Ue Alado, hangano Dopatindaako iramo aasa kota.

IBARANI 11:16 ပူးပေါင်းရင်းမြစ်များ

Tegagia 26:24

Ia wongi atuu Ondae i Ue mepopokita ndi onae saru mepau, ”Ongkuemo Ue Alano i Burahima, amamu. Si doito, hangano Ongkue kumongkomiko. Aku rumonsoko ka weweuo inulemu hadio hangano tetenaa-Ku i Burahima.”

Tegagia 28:13

Mentade Iramo Ue i horino ka mepau, ”Ongkuemo Ue, Ue Alano i Burahima, uempu'umu, ka Ue Alano i Saki. Wita pepomboleamu andio Aku weeakomu ka a inulemu.

Peluarakoa 3:15

Umarino atuu mepau Ira Ue Ala ndi Musa, ”Kanandio pauako ira to Isaraeli: Ondae i Ue, Ue Alado uempu'umiu, Ue Alado i Burahima, i Saki ka i Yako, tumena aku aiwa ndi omiu: onaemo nee-Ku ranta nahina tampulaano ka kanatuumo nee-Ku ranta mapa'api-api inulemiu.

Peluarakoa 3:6

Mepau Ira mbo'u i Ue, ”Ongkuemo Ue Alado uempu'umu, Ue Alado i Burahima, i Saki ka i Yako.” Ka i'amba i Musa tumutuwio rupano, nde doitono kumita Ira Ue Ala.

Peluarakoa 4:5

”Weweuomo atuu ka dompompe'ala-ala, nine Ondae i Ue, Ue Alado uempu'umiu, Ue Alano i Burahima, Ue Alano i Saki ka Ue Alano i Yako, umari Iramo mepopokita ndi omue.”

Yeremia 31:1

”I tempo atuu, kanandiomo pau-Do i Ue, Aku gagi Ue Alado luwuno pepe'etuado to Isaraeli ka ondae gagi bawaa-Ku.

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I MARAKUSU 12:26

Ka mongkona mbo'u pewangudo mia mate, nahi mebasao a wuntano i Musa, a laro ntutulu mongkona ntonga rui, kana'umpe unino pau-Do Ue Ala ndi onae: Ongkuemo Ue Alano i Burahima, Ue Alano i Saki ka Ue Alano i Yako?

I MARAKUSU 8:38

Hangano ba isema anu mokoko'ii hangano Ongkue ka hangano pau-Ku i tonga-tongano mia mentuwu nahi dompetenunu ka ntehala andio, i Ana Manusia mbo'u Ira mokoko'ii hangano mia atuu ba Dohawe te'upua a laro maramba-Do Ama-Do, domentonda Ira mala'eka mempori.”

I LUKASI 12:32

Si medoito, hei omiu bawaa kodei! Hangano Ondae Amamiu Dopemoikomo weeakomiu Poparentaa atuu.

I LUKASI 20:37

Mongkona pewangudo mia mate, ipauomo i Musa a mpau mongkona laro ewo rui, Ondae i Ue pinau Ue Alano i Burahima, Ue Alano i Saki ka Ue Alano i Yako.

I YOHANE 14:2

I raha-Do Ama-Ku hadio po'ianga. Tewala komba kantuu, asalakono Kupauakomiu. Hangano Kulako i tu'ai mompatindaakomiu po'ianga.

WINEWEUDO TINENA 7:32

Ongkuemo Ue Alado uempu'umu, Ue Alano i Burahima, i Saki ka i Yako. Ka mondidi-ndidiomo i Musa, ka nami sapa mbo'u kumitao.

PILIPI 3:20

Hangano ontae palilino Poparentaa suruga, ka inso mbo'u i tu'ai tomensikori Ira i Ue Yesu Kerisituu gagi Puu Pongkadudui,

2 TIMOTIU 4:18

Ka Ondae i Ue Ira motola aku inso a sompo tinoo anu mosa'o. Ira kumadudui aku, ranta ka kupewinso a laro Poparentaa-Do i suruga. Tia-Domo marambaa ranta nahina tampulaano! Ami.

IBARANI 10:34

Lano memarasai komiumo saru mia anu mehinuku ka tempono irinontu arataamiu, mawongko aroamiu mentarimao mongkona atuu, hangano imento'orio, nine hinao arataamiu anu lalu moiko ka anu kongko mpiha.

IBARANI 11:10

Hangano isisikorio kota anu hinao empehino, anu sinongka ka winangu-Do Ue Ala.

IBARANI 11:14

Hangano ondae anu mpotae kanandio mpokomengkaao, nine ntekewoi ira mpo'ungke aasa wita po'iangado.

IBARANI 11:40

Hangano Ondae Ue Ala Dopatindaakitamo aasa anu lalu moiko; Ba nahi saru ontae nahi dompohawe hawe a sompoano.

IBARANI 12:22

Sine me'aiwa komiumo a Pongku Sioni, a ngkota-Do Ue Ala anu tuwu, Yerusale nsuruga ka a sowu-sowuno mala'eka, aasa tepumpua anu maroa,

IBARANI 13:14

Hangano i ndi'ai nahina ta po'iangato mpiha; tome'ungkeo kota anu ta hawe.

IBARANI 2:11

Hangano Ondae anu mompokomempori ka ondae anu mempinokomempori, luwudo tepu'u inso a anu Aasa; onaemo pu'uno nahi makoko'ii-Do moboiako ira pepaekompo,

MENGKAAA 21:2

Ka kukitao kota anu mempori, Yerusale anu wo'ohu, metii inso i suruga, inso ndi Ondae Ue Ala, anu meramba-ramba kana umbu ngkoroi beine anu meparakai tiano tamano.