Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




IBARANI 11:12 - Wunta Mempori

12 Onaemo pu'uno, inso a mia aasa, tendeano mia anu kana mateomo, moluarako hadio inule, kana anano wula i langi ka kana one i wiwi ntahi, anu nahi pinokodoa hadiono.

အခန်းကိုကြည့်ပါ။ ကော်ပီ




IBARANI 11:12
22 ပူးပေါင်းရင်းမြစ်များ  

Ka Do'amba i Ue wawao i Burama meluarako ka Dopepau, ”Pentombumo i langi ka doaomo anano wula, tewala upokodoao.” Mepau Ira mbo'u ndi onae, ”Kanatuumo te'ipua hadiono inulemu.”


manasa Aku rumonsoko tehadio ntu'u ka weweuo inulemu hadio ntu'u kana anano wula i langi ka kana one i wiwi ntahi. Inulemu atuu ira mpentorokio luwuno kotado iwalido.


Aku weweuo inulemu hadio kana anano wula i langi. Aku weeako ira inulemu luwuno wita andio, ka hangano inulemu luwuno tongku i tolino ira mpohawe ronso.


Kombake mepau Komiumo: Manasa Aku moweweu moiko ndi omue ka mokogagio inulemu kana hadiono one a ntahi, anu nahi pinokodoa hangano hadiono.”


Onaemo pu'uno ka kupepatudu kai luwuno to Isaraeli inso i Dani hawe i Bereseba mpempumpu ndi omue, kana hadiono one i wiwi ntahi, ka omue isa'a asalakono lumako metea.


To Yehuda ka to Isaraeli mehadio ira ntu'u kana one i wiwi ntahi. Ondae mpongkaa ka mempo'inu memawongko.


I Daudi nahi doao porokono mia anu tinuwuno napi sompo rua pulu nta'u, hangano medandi Iramo i Ue mokogagi ira to Isaraeli kana hadiono anano wula i langi.


Ipokogagio anado kana hadiono anano wula i langi. Iwawa ira a wita anu Itenaako ira uempu'udo kadompewinsokio ka mpetorokio.


Ipewowolo ira i Burahima, i Saki ka i Isaraeli, ondae tetenaa-Miu atuu. Ndi ondae mesumpa Komiumo ia nee-Miu ka Ipepau, Aku weweuo inulemu kana hadiono anano wula i langi, ka luwuno wita anu Kudandia komu andio Aku weeako ira inulemu, ka dompe'ueo ranta nahina tampulaano.”


Hangano maupo tongkumu, hei Isaraeli, kana one a ntahi hadiono, sine butu anu da tuwu ta mekule. Matea pinakosiomo, anu luluaako moleoa.


Inulemu ta kana one ka ana'uemu ta kana one molaba hadiono; needo nahi ta pinokotampula ke inonini inso i aro-Ku.”


Kana sorodadu langi nahi pinokodoa ka kana oneno tahi nahi pinokosa'u, kanatuumo Aku mokohadioo inuleno tetenaa-Ku i Daudi ka luwuno to Lewi anu mpekakaa-Kune.”


Sine lembuino, hadiodo to Isaraeli ta kana oneno tahi, anu nahi pinokosa'u ka nahi pinokodoa. A mpo'ianga ba isua domempinauako, ”Omiu komba bawaa-Ku,” i tu'ai ira mempinauako, ”Luwuno ana-Do Ue Ala anu tuwu.”


Luwudo me'aiwa mpobobarasai. Ponsapoido sorodadu i arono kana angi i sabaano oleo, ka domepumpu ira tinawa kana hadiono one.


Ka i Yesaya mebooli mongkona Isaraeli, ”Maupo porokono anano i Isaraeli kana one a ntahi, sine butu toreano ta kinadudui.


Ondae i Ue, Ue Alamiu weweu komiumo mehadio. Menteeano, kanandio-andio kana komiumo anano wula i langi hadiono.


Inso ndi omiu butu tedei mia anu ta kongko tuwu, ka hinaano omiu ba i ndi'ipua kana anano wula i langi hadiono, hangano nahi mperorongeakono pau-Do i Ue, Ue Alamiu.


Ka do'amba mpeluarako luwu mokole andio mperonga-ronga saru luwuno sorodadu, tedoa hadio palili, kana one i wiwi ntahi hadiono, ka tedoa hadio ngara ka kareta.


ka onae ta lumako mopo'oo ira tongku a opaa siuno tolino, onaemo Goge ka Magoge, ka pumpu ira ka dompetea ka porokodo mengkena saru hadiono one a ntahi.


To Midia, to Amale ka luwudo mia anu te'inso i sabaano oleo atuu tesiarawo ira i lembono, kana kosume hadiono, ka untado nahi pinokodoa, kana one i wiwi ntahi hadiono.


Ka i'amba motaeako ira, ”Ondaemo i Ue ka mia bininiki-Do gagi sakosii ndi omiu oleo andio, nine nahina impohawe salaku ndi omiu.” Mesangki ira, ”Ondaemo gagi sakosii.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ