IBARANI 10:25 - Wunta Mempori

²⁵ Si tome'olaiakono luwuno tepumpuato mpesomba, kana domeleleoakono ba opia mia, sine aiwamo tomemambepatudu, ka komoku-mokuato meweweuo haweano oleo-Do i Ue anu umpedaomo.

IBARANI 10:25 ပူးပေါင်းရင်းမြစ်များ

I MATIU 10:15

Kupauakomu: Menteeano a oleo pobitaraa Sodomo ka Gumora ta monongkoopo tinembino sekono kota atuu.”

I MATIU 18:20

Hangano ba isua orua ke otolu mia mpepumpu a nee-Ku, kongko Aku i tu'ai i tonga-tongado.”

I YOHANE 12:48

Ba isema nahi tarima Aku ka nahi tarimao pau-Ku, onae hinaomo puu mpobitarano, onaemo pau anu Kupauomo, onaemo atuu anu ta gagi puu mpobitarano a tampulaano wawontolino.

WINEWEUDO TINENA 16:16

Pohona tempono kimelako a mpo'ianga pekakaia atuu, kintepohaweakono aasa ata beine anu hinao tino'orino; hangano luwuno tino'orino hadio pohawedo ueno.

WINEWEUDO TINENA 2:1

Mansano haweako oleo Pentakosotaa, luwuno mia mpompe'ala-ala mpepumpu i asa po'ianga.

WINEWEUDO TINENA 2:42

Dompo'asao aroado a pompagurudo tinena ka a ntepo'asaa. Ka wela ira mpepumpu ka domensiba-sibao roti ka mpekakai.

WINEWEUDO TINENA 20:7

A oleo ko'aasa i larono minggu atuu, tempono kimpepumpu mposiba-siba roti, i Paulu mepauako ira pepaekompo i tu'ai, hangano tinoono ta melungka tisomono. Pepaua atuu tehine hawe porontonga wongi.

ROMA 12:8

tewala pompowee ka topompatudu, moikoomo topompatudu. Isema anu montia hapa-hapa, asalakono ka iweweuo a moleono aroano; isema anu metewawa, asalakono ka i'anggao temokua; isema anu mopokitao pe'aroano, asalakono ka iweweuo a mawongkono aroa.

1 KORINTI 11:20

Tewala ntepumpu komiu, komba ntepumpu komiu pongkaa a pelimbua-Do i Ue.

1 KORINTI 14:23

Gaagi, tewala luwuno bawaa mpepumpu memoroko ka sompo-sompo mia mepauako pau penaa, ka do'amba mpewinso mia susua ke mia anu nahi dompompe'ala-ala, nahi ira mpotaeke nine mpekombe komiu?

1 KORINTI 14:3

Sine isema mompau anu ta gagi, onae mepau a mia, onae mowangu, mompatudu ka montarero.

1 KORINTI 3:13

pohona te'upua inanggano singge mia ta koa tengkita. Hangano oleo-Do i Ue ta mokomengkaao, nde onae ta tengkitaako api ka ba kana'umpe inanggano singge mia ta inarahakoako api atuu.

1 KORINTI 5:4

Ba tewala ntepumpu kita i larono penaa, mperonga-ronga komiu saru ongkue, a mpabawa-Do i Yesu, Ueto,

PILIPI 4:5

Po'ineeomo domento'orio luwuno mia moikono aroamiu. Ondae i Ue umpeda Iramo!

1 TESALONIKA 4:18

Onaemo pu'uno imemambe tareroakomo luwuno pau andio.

1 TESALONIKA 5:11

Onaemo pu'uno imemambe patudumo ka memambe pokoroso kana anu lano imeweweuomo.

IBARANI 10:24

Ka aiwamo ka tomemambekita ka memambepokowali a pompehohawa ka a anggaa moiko.

IBARANI 10:37

”Hangano tedei, tendeano tedeimo koa ntu'u tempo, ka Ondae anu Ira hawe, Iramo hawe, nahi ta tepotulu hawea-Do.

IBARANI 13:22

Ka kupatudu komiu, luwuno pepaekompo, ka imentarimao a moputeno aroa, maupo butu owowa wuntaku andio ndi omiu.

IBARANI 3:13

Sine imemambe patudumo sompo oleo, i larono da pinokopau ”oleo andio,” ka si hina i olomiu anu gagi motea aroano hangano pompopo'oono hala.

YAKOBU 5:8

Omiu asalakono mensabara mokorosoo aroamiu hangano hawe-Do i Ue umpedaomo!

1 PETURU 4:7

Pokotompaano luwuakoano umpedaomo. Onaemo pu'uno imempabawaiomo koroimiu ka impomperodomo, ka impokompekakai koa.

2 PETURU 3:11

Gaagi, tewala luwuakoano andio ta kanandio teweweuno iterawo-rawo, asalakono ka imentuwu tedoa mempori ka mpesomba ntu'u

2 PETURU 3:14

Onaemo pu'uno, pepaekompo anu kinekewoiku, kontongaano mensikorio luwuno andio, asalakono impeteahako, ka imehinawe nahina tataamiu ka nahina anu mosa'o i aro-Do, a laro pesintuwua saru Ondae.

2 PETURU 3:9

Ondae i Ue nahi Dotekolupe umihiio dandi-Do, maupo hinao mia anu tumuduo kana tekolupe, sine sabara Ira ndi omiu, hangano po'ehe-Do ka si hina anu mate, tendeano luwuno mia ka dompepokule ntepidi.

YUDASI 1:19

Ondaemo anu mpoweweu teposisalaa anu pinabawai butu luwuno mosisirino wawontolino andio ka anu tuwu nahina Penaa Mempori.