IBARANI 10:22 - Wunta Mempori

²² Onaemo pu'uno aiwamo tompe'aro ndi Ondae Ue Ala saru aroa anu moleo ntu'u ka pompe'ala-ala anu moroso, hangano aroato pinokomorinaomo inso a laro aroa anu mosa'o ka koroito wino'ohiakoomo uwoi anu morina.

IBARANI 10:22 ပူးပေါင်းရင်းမြစ်များ

1 Mokole 15:3

I Abiama tuwu a laro luwuakoano hala anu wineweuno amano se'eluno napi onae. Onae, nahi buke aroano momperorohi ndi Ondae i Ue, Ue Alano, kana i Daudi, ama mpu'uno

1 Tawarika 12:33

Inso ndi Sebulo, luwuno mia anu polio metea anu pinoweeako mperupa-rupa parewa mpetea, porokono lima pulu nsowu mia. Mpepatinda ira mpopokowali saru nahi mesampa aroa.

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

1 Tawarika 29:17

Kuto'orio, oo Ue Alaku, nine Omiumo anu umara-arahakono aroa ka memoikoo moleoa, onaemo ka kupesombaakono luwuno atuu a moleono aroa. Kanandio-andio bawaa-Miu anu mehawe i ndi'ai kukita iramo mpompowee pesomba ndi Omiu a moleono aroa ka mawongko.

Po'unde-unde 111:1

Haleluya! Aku montarimakasi ndi Ondae i Ue tompaano aroaku, i olodo mia mentee ka a laro bawaa.

Po'unde-unde 119:10

Tompaano aroaku ku'ungke Komiu, si po'inee aku pansia inso a luwuno parenta-Miu.

Po'unde-unde 119:145

Mebooli aku tompaano aroaku, Isangki akumo, oo Ue! Luwuno pompakosi-Miu aku uminio.

Po'unde-unde 119:2

Me'uraomo mia anu uminio luwuno pepopoto'ori-Do, anu umungke Ira tompaano aroano.

Po'unde-unde 119:34

Iwee akumo ponto'ori, ka kupe'ini a Songka-Miu; aku mekariao tompaano aroaku.

Po'unde-unde 119:58

Tompaano aroaku ku'emao pompehohawa-Miu, Ipehohawa akumo menunu saru dandi-Miu.

Po'unde-unde 119:69

Mia anu mompelangka-langkai sumosa'aiakono pegaupi nee-Ku, sine tompaano aroa aku uminio luwuno parenta-Miu.

Po'unde-unde 119:7

Aku montarimakasi ndi Omiu a moputeno aroa, tewala kupepaguruakono luwuno songka-Miu anu moleo.

Po'unde-unde 119:80

Po'ineeomo aroaku ka itondao luwuno pompakosi-Miu inso i aroa, ka si kupohawe mokoko'ii.

Po'unde-unde 32:11

Imemawongkomo ndi Ondae i Ue ka impeboo-boolimo, hei luwuno mia mentee; imengkokora-koramo memawongko, hei luwuno mia anu moleo aroano!

Po'unde-unde 51:10

Po'ineeomo kurongeo po'undea ka mawongko, po'ineeomo luwuno wuku anu pinuro-Miu wali mengkokora-kora mawongko!

Po'unde-unde 73:28

Sine ongkue, ineheku umpeda ndi Ondae Ue Ala; Ondae Ue Ala kupakosio gagi pepekaduduiaku, ka kupokotutuluo luwuno inangga-Do.

Po'unde-unde 84:11

Hangano moikoopo asa oleo a kintala-Miu sekonopo asa nsowu oleo a mpo'ianga susua; moikoopo kongko i arono pewowano raha-Do Ue Alaku sekonopo mo'ia a ngkemado mia mosa'o gaudo.

Po'unde-unde 9:1

Tiano petewawado anu mpenani. Montonda unino penani Muti-Labeni. Penani po'unde-undeno i Daudi.

Po'unde-unde 94:15

Mentee ntu'u, songka ta wali moroso menunu saru moleoa, luwuno mia anu bobotoli aroano ta tumondao.

Peluarakoa 29:4

Asalakono kau wawao i Haruni saru luwuno anano a mpewowano Kema Tepotowoa, ka wo'ohiako ira uwoi.

Powadi 23:26

Hei anaku, weeakunemo aroamu, po'ineeomo matamu sanaakono luwuno pesalaaku.

Yesaya 29:13

Mepau Iramo i Ue, ”Hangano tongku andio aiwa me'umpedaako ngangano ka melangkaia-Kune wiwino, sine aroano olai inso ndi Ongkue, ka pesombano ndi Ongkue butu koa parentano mia anu hinapalano,

Yesaya 52:15

kanatuumo onae ta weweu ira hadio tongku mengkohali-hali, luwuno mokole ira mengkomuo ngangado mengkitao; hangano hapa anu nahi domempinauako ira mengkitao, ka hapa anu nahi domerongeo ira mpokonto'orio.

Yeremia 24:7

Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.

Yeremia 3:10

Umarino weweuo luwuno andio i Yehuda mbo'u, pepaekompono beine anu nahi petenunu atuu, mekule ndi Ongkue nahi moleo aroano, tendeano butu mo'onde-onde, kanandiomo pau-Do i Ue.”

Yeremia 30:21

Petewawado ta koa inso ndi ondaedo, ka anu pabawaako ira ta me'umbaako inso i tonga-tongado. Aku weweuo rumangkuhi Aku ka onae ta umpeda ndi Ongkue. Hangano, isemake anu mosia tuma'oo penaano ta umpeda ndi Ongkue? Kanandiomo pau-Do i Ue.

Yehesikieli 16:9

Kudoloakomu uwoi mokomorinao koroimu inso a rea ka Ku'urapiakomu lana.

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Imama 14:7

Ka i'amba asalakono itawisiakono rea atuu pepitu a mia anu ta pinokotompa inso a haki ngkuli anu mesaki atuu ka kanandiomo onae pinokotompa. Ka i'amba manu-manu anu tuwu atuu asalakono pinotola a mpada.

Imama 16:4

Asalakono ipelembaako lemba lena meloae i larono anu mempori, mesaluara lena tumutuwiakono anuno, mompake peboontonga lena, ka metali uluako lena. Onaemo sangka mempori anu asalakono ipakeo, umarino iwo'ohiakono uwoi koroino.

Imama 8:6

Ka i'amba i Musa tumenao i Haruni ka luwuno anano me'umpeda ka iwo'ohiako ira uwoi.

Sakaria 13:1

”I tempo atuu ta te'ungkahi asa mata uwoi tiano somborino i Daudi ka palilino Yerusale gagi powo'ohi hala ka mokoburua.

Podoaa 8:7

Kanandiomo asalakono uweweuo ndi ondae mokomorina ira: tawisiako iramo uwoi po'onini hala, ka i'amba ondae asalakono mengkeruo asa ngkoroido ka melomboo sangkado. Kanandiomo dompokomorinao koroido.

I MATIU 3:11

Kubahoakomiu uwoi gagi tondonino tepidia, sine Ondae anu hawe lembui umarino ongkue pabawa Irapo sekono ongkue ka nahi pototoku lumohuo sapatu-Do. Ondae Ira bahoakomiu Penaa Mempori ka saru api.

I LUKASI 1:1

I Teopilu anu pinelangkai, Hadio mia mpompe'arahako iramo meburio aasa lele mongkona luwuno anu gagiomo i oloto,

I YOHANE 3:5

Sumangki Ira i Yesu, ”Kupauakomu, menteeano tewala asa mia nahi pine'anaako inso a uwoi ka Penaa, nahi ta mokompewinso a laro Poparentaa-Do Ue Ala.

I YOHANE 8:9

Sine mansado merongeo pau atuu, melako iramo nte'o'asa mia, mompu'u anu lalu mota'u. Poko'ariano mo'ia Iramo i Yesu asa-asa-Do saru beine atuu anu mo'ia mpiha a mpo'iangano.

WINEWEUDO TINENA 22:16

Ka kanandio-andio, tembio ka da unanta-nanta? Pentademo ka pepebahomo ka luwuno halamu pinokomempori ka upebooli a nee-Do i Ue!

WINEWEUDO TINENA 8:21

Anu kanandio nahina tia ke to'oriamu, hangano aroamu nahi moleo i aro-Do Ue Ala.

1 KORINTI 6:11

Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

EPESU 3:12

Ndi Ondae tompohawe mosiaa ka sala mewinso ndi Ondae Ue Ala ka mempine'ala-ala hangano pompe'ala-alato ndi Ondae.

EPESU 5:26

ka Dopokomemporio, umari-Do mokomempori ira bahoako ira uwoi ka pau-Do,

EPESU 6:5

Hei luwuno ata, impomperorongeakomo a uemiu anu i wawontolino saru medoito ka mpondidi-ndidi, ka temoleo aroamiu mengkena kana impomperorongeako ndi Ondae i Kerisituu,

1 TIMOTIU 4:2

hangano pompopo'oodo anu mpompau pegaupi anu aroa mewinedo mpetondoniako tondonido.

TITU 3:5

i tempo atuu Dokadudui kitamo, komba hangano wineweu moiko anu tomeweweuomo, sine hangano pompehohawa-Do a mpebahoa ka towali mempine'anaako ka a pompokowo'ohua anu inangga-Do Penaa Mempori,

IBARANI 10:1

A laro songka Taura butu koa hinao eo-eono tekaduduia anu ta hawe, ka komba pengkonaano inso a ntekaduduia atuu. Onaemo pu'uno saru pesomba anu mengkena, anu sompo ta'u ipinesombaako mpiha, nahi ta polio songka Taura mokosompo ira anu me'aiwa mpo'ala tia i larono.

IBARANI 10:19

Gaagi, luwuno pepaekompo, hangano rea-Do i Yesu ontae kanandio-andio memosia kitamo mpokompewinso a laro po'ianga mempori,

IBARANI 11:28

Hangano pompe'ala-ala ka iweweuo Pasa ka pontawisia rea, ka si danggi ira anu mompepate luwuno ana aka.

IBARANI 12:24

ka ndi Ondae i Yesu, Po'oloti pedandia wo'ohu, ka a rea tinawisi, anu morosoopo ipepau sekono reano i Habeli.

IBARANI 4:16

Onaemo pu'uno ime'aiwamo tomemosia me'umpedaakono kadera poparentaa pe'aroa, ka tomentarimao pompehohawa ka mehaweo pe'aroa ka tomehaweo pontulungi a tempono.

IBARANI 6:11

Sine inehemami, ka isingge mpopokitao bobotolino aroamiu anu mengkena mokogagio pomperorohimiu asa pe'umbua anu manasa, hawe a pokotompaano,

IBARANI 7:19

– hangano songka Taura nahina ntu'u ipowawa sompoano ntu'u – sine kanandio-andio pinosaba pomperorohia anu moikoopo, anu moko'umpeda kita ndi Ondae Ue Ala.

IBARANI 9:10

hangano luwuno atuu, umarino kaanga, inua ka mperupa-rupa powo'ohia, butu koa luwuno atora mentuwu tolino, anu butu tinonda ranta haweno tempo pompokowo'ohua.

IBARANI 9:19

Hangano umarino pauo i Musa luwuno petenano songka Taura a luwuno bawaa, i'alao reano ana nsapi ka reano bimba lakino saru uwoi, ka wulu motaha ka hisopi, ka i'amba tumawisio wunta atuu ka luwuno bawaa,

YAKOBU 1:6

Ka i'emao a pompe'ala-ala, ka si ntu'u inanta-nanta, hangano mia anu nanta-nanta mengkena saru bombano tahi, anu kolonto-lonto ngkoraane-ngkoramai hangano angi.

YAKOBU 4:8

Ime'umpedamo ndi Ondae Ue Ala, ka Ira umpeda ndi omiu. Impokomorinaomo kaemiu, hei omiu mia ntehala! Ka impokomemporiomo aroamiu, hei omiu anu melaro orua!

1 PETURU 1:2

onaemo mia anu mebininiki, menunu saru songka-Do Ue Ala, Amato, ka anu pinokomempori-Do Penaa, ka dompomperorongeako ndi Ondae i Yesu Kerisituu ka mentarimao tinawisiako rea-Do. Po'ineeomo pe'aroa ka rodoa ka ikohadi-hadiono ndi omiu.

1 PETURU 3:21

Omiu mbo'u kanandio-andio ikadudui komiu potundaano, onaemo pebahoa – tinoono komba ka ipokomorinao mokoburuno koroi, tendeano ka ipo'emaakono ponto'orino aroa anu moiko ndi Ondae Ue Ala – hangano pewangu-Do i Kerisituu,

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –