IBARANI 10:11 - Wunta Mempori

¹¹ Ka i'amba sompo sando mpesomba weweuo sompo-sompo oleo pompekakaakono ka mararu mompesombaako pesomba anu mengkena, anu nahi pokompahihio ntu'u hala.

IBARANI 10:11 ပူးပေါင်းရင်းမြစ်များ

Peluarakoa 29:36

Sompo oleo asalakono patindao asa sapi lakino gagi pesomba po'onini hala tiano mpoweweu pesintuwua. Meda pontunua pesomba atuu asalakono pokomemporiakono moweweu pesintuwua ndi onae. Asalakono urapio kai pokomemporio.

Yesaya 1:11

”Hapa tuduno ndi Ongkue pesombamu anu ntehohadio?” Pau-Do i Ue; ”Kute'osaakonomo luwuno pesomba tinunu kana bimba lakino ka tabano ana nsapi anu mewalo. Reano sapi ka anano bembe-bimba lakino nahi Kupe'eheo.

Yehesikieli 45:4

Onaemo tiano anu mempori inso a wita atuu tiado sando mpesomba anu mpoweweu pesomba a mpo'ianga mempori ka me'aiwa umpeda mpekakaako Ira i Ue. Onaemo perahaado ka gagi wita mempori tiano po'ianga mempori.

Danieli 11:31

Sorodaduno ira mehawe, mengkokoburutio po'ianga mempori ka bente atuu, mempahihio pesomba sompo oleo. Domenteahakono wineweu mokoburu anu mompepate.

Danieli 12:11

Mompu'u ipinenaa-naaako pesomba sompo oleo ka luwuno pinesombai mokoburu anu mompepate atuu tineahako, hinao asa nsowu ka rua etu ka sio pulu oleo.

Danieli 8:11

Maupo a ntadulakodo sorodadu atuu mbo'u onae mompelangka-langkai, ka inso ndi Ondae i'alao pesomba pinesombaako sompo oleo, ka mobangkuo po'ianga mempori-Do.

Danieli 9:21

da kontongaaku mepau a laro mpekakai, i Gabarieli anu kukitaomo a laro pongkita se'eluno i tempono mpopesombaako pesomba ngkiniwia, magasi ipenee te'aro ndi ongkue.

Danieli 9:27

Mokole atuu ta weweuo pedandia atuu gagi dompemobeao hadio mia asa meluka opitu tempo tehineno. A entongano opitu tempo atuu onae ta mokompenaa-naaao pesomba sinumbele ka pesomba kaanga; ka i wawono pani mokoburua ta hawe anu mompepate, hawe a mporopua anu pinakosiomo umaluo anu mompepate atuu.”

Mika 6:6

”Saru hapake bakanaano kulako me'aro ndi Ondae i Ue ka menggolontu mesomba ndi Ondae Ue Ala anu a mantandeano? Asalakono ke aku lumako me'aro ndi Ondae saru pesomba tinunu, saru ana nsapi anu tinuwuno asa nta'u?

Podoaa 28:24

Kanandio i wineweu sompo oleo i larono opitu oleo, asalakono impoweweu kaanga gagi pesomba tinunu anu woono Dopemoikoo i Ue. Pesomba atuu asalakono wineweu sangkadio pesomba tinunu anu pinakosi ka pesomba tinawano.

Podoaa 28:3

Pauako iramo, ndiomo pesomba tinunu anu asalakono impesombaakono ndi Ondae i Ue: orua bimba lakino anu tinuwuno asa nta'u anu nahina tataano gagi pesomba tinunu anu wela pinesombaako sompo oleo;

Podoaa 29:6

Onaemo tiangino a mpesomba tinunu wula mongura saru pesomba kaangano, ka pesomba tinunu anu wela pinesombaako saru pesomba kaanga ka luwuno pesomba tinawano menunu kana atorano, gagi woo anu mompokomawongko, asa pesomba tinunu ndi Ondae i Ue.

IBARANI 10:1

A laro songka Taura butu koa hinao eo-eono tekaduduia anu ta hawe, ka komba pengkonaano inso a ntekaduduia atuu. Onaemo pu'uno saru pesomba anu mengkena, anu sompo ta'u ipinesombaako mpiha, nahi ta polio songka Taura mokosompo ira anu me'aiwa mpo'ala tia i larono.

IBARANI 10:4

Hangano komba reano sapi lakino ke reano bimba lakino po'onini hala.

IBARANI 5:1

Hangano sompo sando mpesomba langkai, anu bininiki inso I olodo mia, pinakosiako mia a mpenggoeado saru Ondae Ue Ala, ka ipesombaakono pesomba ka pesomba hangano hala.

IBARANI 7:27

anu komba kana luwuno sando mpesomba langkai susua, anu sompo oleo asalakono mpompesombaako pesomba hangano halado ondaedo ka umarino atuu ka i'amba hangano halado bawaano, hangano mongkona atuu Doweweuomo pohona tiano ranta nahina tampulaano, tempono Dopesombaakono koroi-Do Ondae-Do gagi pesomba.

IBARANI 8:2

ka anu mompekakaako pesomba a mpo'ianga mempori, onaemo a laro kema mentee, anu winangu-Do i Ue ka komba winanguno mia.

IBARANI 8:4

Ba Dondio i tolino andio, nahi Ira ntu'u gagi sando mpesomba, hangano i ndi'ai hinaomo mia anu mpompesombaako pesomba montonda songka Taura.