IBARANI 10:10 - Wunta Mempori

¹⁰ Ka hangano po'ehe-Domo andio mempinokomempori kitamo ranta nahina tampulaano hangano pompesombaako-Do koroi-Do i Yesu Kerisituu.

IBARANI 10:10 ပူးပေါင်းရင်းမြစ်များ

Sakaria 13:1

”I tempo atuu ta te'ungkahi asa mata uwoi tiano somborino i Daudi ka palilino Yerusale gagi powo'ohi hala ka mokoburua.

I YOHANE 17:19

ka hangano ondae Kupokomemporio koroi-Ku, ka domempinokomempori koa mbo'u a menteea.

I YOHANE 19:34

sine asa mia i olodo sorodadu atuu tumoboakono talombo lompe-Do, ka ronga meluarako rea ka uwoi.

I YOHANE 6:51

Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

1 KORINTI 1:30

Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.

1 KORINTI 6:11

Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

EPESU 5:26

ka Dopokomemporio, umari-Do mokomempori ira bahoako ira uwoi ka pau-Do,

IBARANI 10:12

Sine Ondae, mansa-Do mesombaakono butu aasa pesomba hangano hala, mentoro Ira ranta nahina tampulaano i koana-Do Ue Ala,

IBARANI 10:14

Nde hangano aasa koa pesomba Dopokosompo iramo anu pinokomempori-Do ranta nahina tampulaano.

IBARANI 10:20

hangano Do'ungkahiomo pesalaa anu wo'ohu ka anu tuwuakita telalo a mpelingo, onaemo koroi-Do isa'a,

IBARANI 10:29

Tedoaopo lalu mobea pohuku anu asalakono ipinoweeako, anu lumolanda Ira Ana-Do Ue Ala, anu tumuduo mokoburu rea pedandia anu mokomemporio, ka anu mokongkodei Ira Penaa pe'aroa?

IBARANI 10:5

Onaemo pu'u tempono Dopewinso i wawontolino, mepau Ira, ”Pesomba ka anu pinesombaako nahi Ipe'eheo – sine koroi Ipatindaa-Kunemo –.

IBARANI 13:12

Onae koa mbo'u pu'uno Ondae i Yesu tebobarasai Iramo i bungkuno pewowa langkai mokomemporiakono rea-Do bawaa-Do.

IBARANI 2:11

Hangano Ondae anu mompokomempori ka ondae anu mempinokomempori, luwudo tepu'u inso a anu Aasa; onaemo pu'uno nahi makoko'ii-Do moboiako ira pepaekompo,

IBARANI 2:14

Hangano nana'ote atuudo onaemo nana'ote inso a rea ka ihi, ka Ondae mbo'u gagi mengkena saru ondae ka mohawe tia a nteweweudo, hangano mate-Do ka Doropuo, onaemo i Mosa'o, anu pabawaio matea;

IBARANI 5:7

A ntuwu-Do kana mia, Dopesombaakonomo pekakai ka saru monsabangi mompemasusa mo'ema ndi Ondae, anu polio kumadudui Ira inso a matea, ka hangano mempori-Do rinonge Iramo.

IBARANI 7:27

anu komba kana luwuno sando mpesomba langkai susua, anu sompo oleo asalakono mpompesombaako pesomba hangano halado ondaedo ka umarino atuu ka i'amba hangano halado bawaano, hangano mongkona atuu Doweweuomo pohona tiano ranta nahina tampulaano, tempono Dopesombaakono koroi-Do Ondae-Do gagi pesomba.

IBARANI 9:12

ka mewinso Iramo pohona a laro po'ianga mempori ranta nahina tampulaano komba saru mowawa reano bimba lakino ka reano ana nsapi, sine saru mowawa rea-Do Ondae-Do. Ka saru atuu mohawe Iramo tepotolaa anu nahina tampulaano.

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

IBARANI 9:26

Hangano tewala kanandio asalakono mararu Dotebobarasai mompu'u ipinokogagi wawontolino andio. Sine kanandio-andio butu koa pohona Dopokomengkaao koroi-Do, a tempo pokotompa ka Do'oninio hala a pompesombaako-Do koroi-Do.

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

1 YOHANE 5:6

Ondaemo andio anu haweako uwoi ka rea, onaemo Ondae i Yesu Kerisituu, komba butu saru uwoi, sine saru uwoi ka saru rea. Ka Penaa anu mompowee ponsakosii, hangano Penaa Ondaemo menteea.