IBARANI 1:9 - Wunta Mempori

⁹ Ikekewoio moleoa ka umo'aliaakono gau mosa'o; onaemo pu'uno Ondae Ue Ala, Ue Alamu Do'urapia-Komiu lana gagi tondonino mawongkoa, lumaloio luwuno wali-wali tepo'asaa-Miu.”

IBARANI 1:9 ပူးပေါင်းရင်းမြစ်များ

Po'unde-unde 11:5

Ondae i Ue paresao mia mentee ka mia mosa'o gauno, ka Do'o'aliaakono mia anu mongkekewoi pobobarasaia.

Po'unde-unde 119:104

Inso a luwuno parenta-Miu kupohawe ponto'ori, onaemo pu'uno ku'o'aliaakono luwuno pesalaa anu nahi mentee.

Po'unde-unde 119:128

Onaemo pu'uno ka kutuwu moleo tumondao luwuno parenta-Miu; pesalaa nahi mentee ku'o'aliaakono.

Po'unde-unde 2:2

Luwuno mokole ntolino mpepatinda ka luwuno anu langkai potorono ntepo'asa umewai Ira i Ue ka anu inurapi-Do,

Po'unde-unde 2:6

”Ongkuemo anu motoroo mokole-Ku i Sioni, torukuno-Ku anu mempori!”

Po'unde-unde 23:5

Omiu mompatindaakune kaanga, i arodo iwaliku; Omiu umurapiakono lana uluku; pialaku buke lulua.

Po'unde-unde 33:5

Dopesanaao moleoa ka songka; tolino bukeako pompehohawa-Do i Ue anu nahi bali.

Po'unde-unde 37:28

hangano Ondae i Ue kumekewoio songka, ka nahi Dobintao mia anu pinehohawa-Do. Mia moweweu mosa'o ta pinepate ranta nahina tampulaano, ka inuleno mia mosa'o gauno ta pinokotampula.

Po'unde-unde 40:8

Ka ku'amba motae, ”Mentee ntu'u, ongkue aiwa; a laro paluluno wunta hinao binuri mongkona ongkue;

Po'unde-unde 45:6

Luwuno ana mpanamu montaso, lumompahio huleno iwalino mokole; luwuno tongku ntedonta a ntoto ngkarumu.

Po'unde-unde 45:7

Kadera poparentaamu Ondae Ue Ala ueno, Ondae mpiha me'ueo ka nahina tampulaano, ka tuko poparentaamu onaemo tuko menteea.

Po'unde-unde 89:20

Hori Komiu mepau a laro pongkita a luwuno mia anu pinehohawa-Miu. Omiu mepau, ”Kutulungiomo asa mia pongkiari, mokomantandeomo asa mia bininiki inso i olodo tongku atuu.

Po'unde-unde 89:26

Aku weweuo kaeno pabawaio tahi, ka kae ngkoanano pabawai ira korono.

Powadi 8:13

Doitoako Ira i Ue onaemo umo'aliaakono wineweu mosa'o; ku'o'aliaakono pompelangka-langkai, pompe'anu-anu, pelelu anu mosa'o, ka nganga buke pe'akala.

Yesaya 61:1

Penaa-Do Ue Ala kongko ndi ongkue, hangano Do'urapi akumo i Ue. Dotena akumo mohaweo lele moiko a mia memarasai, ka mekakaako ira mia anu masusa aroano, ka paleleo pompotolaa a mia mentinawa, ka tepotolaado mia anu nte'uko a torungku,

Yesaya 61:3

ka moweeako ira ramba-ramba ulu gagi euno awu, lana pakea a mpogawea gagi euno sawu po'inombo, penani po'unde-unde gagi euno roso anu molema, ka dompotaeako ira mia ”keu tarabanti menteea,” anu pinaho-Do i Ue ka mopokitao maramba-Do.

Yesaya 61:8

Hangano Ongkue, Ue, kumekewoio songka, umo'aliaakono porontua ka molengkua. Aku moweeko tambomiu anu mentee, ka mowutu pedandia anu nahina tampulaano saru omiu.

Amosi 5:15

O'aliaakonomo anu mosa'o, kekewoiomo anu moiko ka weweuomo moleoa a mpewowa langkai. Bara'ura Ondae i Ue, Ue Alano luwuakoano Ira mehohawao inuleno i Yusupu anu da mentuwu.

Sakaria 8:17

Si mposongka mosa'oa i laro aroamiu a mpe'asa miamiu kasi moruana mpesumpa nahi mentee. Hangano luwuno atuu Ku'o'aliaakono, kanandiomo pau-Do i Ue.”

Podoaa 7:43

Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga.

I LUKASI 4:18

”Penaa-Do i Ue kongko ndi Ongkue, hangano Do'urapi Akumo, ka Kupohaweo lele moikono tuwua a luwuno mia memongkokolaro; ka Dotena Akumo

I YOHANE 1:41

I Andarea amba-ambano tepohaweakono i Simo, pepaekompono, ka ipotaeakono, ”Kintepohaweako Iramo i Mesia (pengkonaano: i Kerisituu).”

I YOHANE 10:17

Ondae i Ama Dopehohawa Aku, hangano Kupeweengakono penaa-Ku ka Kuwali tumarimao.

I YOHANE 20:17

Motae Ira i Yesu ndi onae, ”Si ini aku, hangano napi Kulako ndi Ondae i Ama, sine lakomo a luwuno pepaekompo-Ku ka pauako ira, nine kanandio-andio Aku lumako ndi Ondae Ama-Ku ka Amamu, ndi Ondae Ue Ala-Ku ka Ue Alamu.”

I YOHANE 3:34

Hangano isema tinena-Do Ue Ala, Ondaemo mohaweo pau-Do Ue Ala, hangano Ondae Ue Ala moweeako Ira Penaa-Do nahi tetidahi.

WINEWEUDO TINENA 10:38

onaemo mongkona Ondae i Yesu inso i Nasare: ba kana'umpe Do'urapiako Ira Penaa Mempori ka rosono pabawa, Ondae, anu melempa sumompoo wita moweweu anu moiko ka mokotompa ira luwuno mia anu pinabawaino i Mosa'o, hangano Ondae Ue Ala kumongkomi Ira.

WINEWEUDO TINENA 4:26

Mokoleno wawontolino mpepatinda ka anu langkai potorodo mpepumpu umewai Ira i Ue ka Anu Inurapi-Do.

WINEWEUDO TINENA 4:27

Hangano menteeano mpepumpu iramo a laro ngkota andio i Herode ka i Pontiu Pilatu saru luwuno tongku ka suku tongku Isaraeli umewai Ira i Yesu, Tetenaa-Miu anu mempori, anu inurapi-Miu,

ROMA 12:9

Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko.

ROMA 15:13

Po'ineeomo Ondae Ue Ala, pu'uno pomperorohia, mokobukeakomiu luwuno po'undea ka rodoa a laro pompe'ala-alamiu, ka imemare'e a laro pomperorohia hangano roso-Do Penaa Mempori.

1 KORINTI 1:9

Ondae Ue Ala, anu moboi komiu a ntepo'asaa saru Ana-Do i Yesu Kerisituu, Ueto, anu nahi bali.

2 KORINTI 11:31

Ondae Ue Ala, Ama-Do i Yesu, Ueto, anu inunde-unde ranta nahina tampulaano, tumo'orio, nine nahi kupegaupi.

GALATIA 5:22

Sine wuano Penaa onaemo: pompehohawa, mawongko, rodoa, sabaraa, pe'aroaa, moikoa, petenunua,

EPESU 1:3

Inunde-unde Iramo Ue Ala ka Ama-Do Ueto i Yesu Kerisituu anu ndi Ondae i Kerisituu Dopowee kitamo ronso rohani i laro nsuruga.

PILIPI 2:9

Onaemo pu'uno ka Dotedoa melangkai Ira Ue Ala ka moweeako Ira nee i wawono luwuno nee,

IBARANI 2:11

Hangano Ondae anu mompokomempori ka ondae anu mempinokomempori, luwudo tepu'u inso a anu Aasa; onaemo pu'uno nahi makoko'ii-Do moboiako ira pepaekompo,

IBARANI 2:9

Sine Ondae, anu a tempo sarai wineweu tetotoako tedei sekono luwuno mala'eka, onaemo Ondae i Yesu, tomengkita Ira, anu hangano tebobarasaiano matea, rinamba-ramba uluako marambaa ka pelangkai, ka Dopembasaio matea tiano luwuno mia hangano pe'aroa-Do Ue Ala.

IBARANI 7:26

Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,

1 PETURU 1:3

Inunde-unde Iramo Ue Ala ka Ama Ueto i Yesu Kerisituu, anu hangano pompehohawa-Do anu langkai wali Iramo me'anaakita a mpewangu-Do inso i olodo mia mate, a aasa tuwua anu buke pomperorohia,

1 YOHANE 1:3

Hapa anu kinitamami ka anu rinongemami atuu, kimempaleleo mbo'u ndi omiu, ka impohawe koa mbo'u tepo'asaa saru omami. Ka tepo'asaamami onaemo tepo'asaa saru Ondae i Ama ka saru Ana-Do, i Yesu Kerisituu.

MENGKAAA 2:15

Kanandio koa mbo'u hinao ndi omue mia anu mpe'ini a pompagurudo anu mpetonda ndi Nikolau.