IBARANI 1:14 - Wunta Mempori

¹⁴ Kombake luwudo onaemo luwuno penaa anu mpompekakaako, anu mentinena ka dompekakaako ira anu asalakono mpohawe tekaduduia?

IBARANI 1:14 ပူးပေါင်းရင်းမြစ်များ

Tegagia 32:24

Ka i'amba i Yako mo'ia asa-asano. Ka i'amba asa tama meluluku saru onae hawe tebosi towea.

1 Mokole 22:19

Motae i Mika, ”Onaemo pu'uno, irongeomo pau-Do i Ue. Kukita Iramo i Ue mentoro a wawo kadera poparentaa-Do ka luwuno sorodadu suruga mpentade umpeda ndi Ondae, i koana ka i manggali-Do.

Ayubi 1:6

I asa oleo me'aiwa iramo ana nsuruga mpe'aro ndi Ondae i Ue ka i olodo aiwa mbo'u i Mosa'o.

Po'unde-unde 104:4

Omiu weweuo angi gagi tetenaa-Miu, ka api anu melanga gagi puu pompekakaako-Miu,

Po'unde-unde 34:7

Mia anu tepokonsii andio mebooli, ka Dorongeo i Ue, Ondae kumaduduio inso a pompema'isono.

Danieli 3:28

Motaeomo i Nebukanesa, ”Unde-unde Iramo Ue Alano i Sadaraki, i Mesaki ka i Abenego! Montena Iramo mala'eka-Do ka motola ira tetenaa-Do anu mpe'ala-alaakono koroido ndi Ondae, saru nahi domentondao petenano mokole, anu mpeweengakono koroido hangano nahi domebehe me'unde-undeo ka mpesombaio pesombaa susua sangkadio Ue Alado.

Danieli 6:22

Ka i'amba motae i Danieli ndi mokole, ”Oo mokole, melai tinuwumiu!

Danieli 7:10

Asa korono api me'umbaako ka waa inso i aro-Do. Sowu-sowuno mekakaako Ira, ka mapasowu-sowu mpentade i aro-Do. Ka i'amba mentoroomo Majelisi Puu mpobitara ka mewinile iramo Wunta.

I MATIU 1:20

Sine tempono ipewowoloo tinoono atuu, ikitaomo mala'eka-Do i Ue a mo'ipino ka ipotae, ”I Yusupu anano i Daudi, sidoito umalao i Maria gagi beinemu hangano nana'ote a laro pe'anakaano onaemo inso a Penaa Mempori.

I MATIU 13:41

I Ana Manusia ta tumena ira mala'eka-Do pumpuo luwuakoano anu mompopo'oo ka luwuno mia anu moweweu mosa'o inso a laro Poparentaa-Do.

I MATIU 18:10

Impopesu'ui, si hina mompokongkodei te'asa inso a nana'ote kodei andiodo. Hangano Kupauakomiu: Hinao mala'ekado i suruga anu wela kumitao rupa-Do Ama-Ku anu i suruga. [

I MATIU 2:13

Mansado mpelungka to majusi atuudo, tengkitaomo mala'eka-Do i Ue ndi Yusupu a laro mo'ipi ka ipotae, ”Pewangu, alaomo Nana'ote atuu saru ine-Do, polaimo i wita Masiri ka po'iamo i ra'ai hawe ka Kupepau ndi omue, hangano I Herode umungkeo Nana'ote atuu ta mepateo.”

I MATIU 24:31

Ka Dotena ira mala'eka-Do mpeluarako saru mpopuuri tawuwua anu mongkokongiri unino ka ira mepumpuo luwuno mia bininiki-Do inso a opaa siuno tolino, inso i tompano langi anu aasa hawe i tompano langi anu susuano.

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I MATIU 4:11

Ka i'amba i Mosa'o binta Ira, ka kitaomo, hadio mala'eka mehawe mekakaako Ira i Yesu.

I MARAKUSU 10:17

I tempono Dopelungka i Yesu Ira motilaloakono pelempaa-Do, haweomo aasa mia melulu-lulu tepohaweako Ira ka kontongaano menggolontu i aro-Do onae mesikeno, ”Guru anu moiko, hapa anu asalakono kuweweuo ka kupohawe tuwua anu nahina tampulaano?”

I LUKASI 1:19

Mala'eka atuu sumangkio, ”Ongkuemo i Gabarieli anu mekakaako Ira Ue Ala ka tinena akumo mepauakomu ka mohaweo lele moiko andio ndi omue.

I LUKASI 1:23

Mansano tampulaomo tempo po'anggaano, mekuleomo i raha.

I LUKASI 16:22

Ka i'amba mateomo mia mongkokolaro atuu, ka do'amba mewawao mala'eka a mpo'awiano i Burahima.

I LUKASI 2:13

Ka borono tengkitaomo mperonga saru mala'eka atuu asa bawaa langkai sorodaduno suruga anu umunde-unde Ira Ue Ala, dompotae,

I LUKASI 2:9

Borono mentadeomo aasa mala'eka-Do i Ue umpeda ndi ondae ka maramba-Do i Ue wantahi ira ka tedoa ira medoito.

WINEWEUDO TINENA 11:22

Ka haweomo lele mongkona ondae atuu a bawaa i Yerusale, ka do'amba bawaa atuu mentenao i Baranaba lumako i Antiokia.

WINEWEUDO TINENA 12:23

Ka i tempo koa mbo'u atuu mala'eka-Do i Ue tumampeleo hangano nahi pelangkai Ira Ue Ala; onae mate domengkaano ule-ule.

WINEWEUDO TINENA 12:7

Borono mentadeomo aasa mala'eka-Do i Ue umpeda ndi Peturu ka wanta mepansari a laro bolongko atuu. Mala'eka atuu tumopao i Peturu ka ipewangu, ipotae, ”Pontuturakomo pewangu!” Ka telohuomo rante atuu inso a ngkaeno i Peturu.

WINEWEUDO TINENA 13:2

Pohona tempono dompesomba ndi Ondae i Ue ka mempuasa, Mepau Iramo Penaa Mempori, ”Pesusuaa-Kunemo i Baranaba ka i Saulu a anggaa anu Kupakosiako iramo.”

WINEWEUDO TINENA 16:26

Sine gagiomo lelu anu meroku ntu'u, ranta luwuno pesombuano a ntorungku atuu looga; ka i tempo koa mbo'u atuu te'ungkahiomo luwuno tondo ka tepotolaomo luwuno pongudo.

WINEWEUDO TINENA 27:23

Hangano hieno wongi aasa mala'eka inso ndi Ondae Ue Ala anu pinesombaiku gagi mia-Do, mentade i horiku,

WINEWEUDO TINENA 5:19

Sine tempono wongi aasa mala'eka-Do i Ue umungkahio luwuno tondono torungku atuu ka iluarako ira, ipotae,

ROMA 11:14

onaemo ba kumansa mokontesingkao monsiri i laro aroado pe'asa tongkuku montonda tuwu ntolino ka mokontekaduduio ba opia mia inso ndi ondae.

ROMA 13:6

Onae koa mbo'u pu'uno ka impo'owahi sima'ulu. Hangano ondae anu me'anggao mongkona atuu onaemo anu mpo'anggaako Ira Ue Ala.

ROMA 15:16

onaemo nine moiko kugagi puu pompekakaako-Do i Kerisituu Yesu a luwuno tongku komba to Yahudi a pompekakaakoa mompalele Lele Mawongkoa-Do Ue Ala, ka Dotarima ira koa Ue Ala luwuno tongku komba to Yahudi gagi pesomba anu Dopemoikoo, anu pinokomempori-Do Penaa Mempori.

ROMA 15:27

Lano domempakosiomo, sine atuu lano ira meweweuo. Hangano, tewala luwuno tongku susua mpohawe iramo tia arataa rohanido to Yahudi, ka luwuno tongku susua mbo'u atuu asalakono ka domentulungi ira to Yahudi mpoweeako ira arataado.

ROMA 8:17

Ka tewala ontae ana, asalakono ontaemo mbo'u mpe'umbuo pusaka, tinoono luwuno mia anu tekona tumarimao luwuno dandi-Do Ue Ala, anu ira mentarimao meronga saru Ondae i Kerisituu, onaemo tewala memarasai kita meronga saru Ondae, ka tomempinokomaramba koa mbo'u meronga saru Ondae.

1 KORINTI 1:21

Hangano a laro ponto'ori-Do Ue Ala, wawontolino nahi to'ori Ira Ue Ala mesala a ponto'orino, onaemo ka Dopemoikoo Ue Ala kumadudui ira anu mpompe'ala-ala hangano monge-mongea pompalelea Lele Mawongkoa.

2 KORINTI 9:12

Hangano petulungi anu me'ihiako pompowee andio komba butu mokosompoo kineredo mia memempori, sine mokohadioo mbo'u pontarimakasi ndi Ondae Ue Ala.

GALATIA 3:29

Ka tewala omiu mia-Do i Kerisituu, asalakono omiu mbo'u inuleno i Burahima ka tekona imentarimao dandi-Do Ue Ala.

GALATIA 3:7

Gaagi imengkitao, nine ondae anu mentuwu inso a pompe'ala-ala, ondaemo atuu anano i Burahima.

GALATIA 3:9

Gaagi ondae anu mentuwu inso a pompe'ala-ala, ondaemo anu merinonso meronga saru i Burahima anu mompe'ala-ala atuu.

EPESU 3:6

onaemo nine anu komba to Yahudi, hangano Lele Mawongkoa, megagi ira mbo'u mpompe'umbu pusaka ka luwuno parewa ngkoroi ka mpetonda a laro dandi anu wineeako a ntepo'asaa ndi Ondae i Kerisituu Yesu.

PILIPI 2:17

Sine maupo ka i'inuwu reaku a mpesomba ka pesomba pompe'ala-alamiu, mawongko aroaku ka mawongko aroaku saru omiu luwu.

PILIPI 2:25

Kontongaano atuu kupementuduo tumenao i Epaporoditu aiwa ndi omiu, onaemo pepaekompoku ka pe'asa mpo'anggaku saru waliku meteakako, anu tinenamiu ka ipekakaakune a laro kinereku.

2 TESALONIKA 1:7

ka ndi omiu anu mempinokonsii Dopowee komiu sanaa aroa ka ndi omami mbo'u, i tempono Dopesabaako i Yesu inso i laro nsuruga meronga saru luwuno mala'eka-Do, a mpabawa-Do, a laro api anu kolanga-langa,

TITU 3:7

Ontae anu megagi mia pinokomentee hangano pe'aroa-Do, ka tontekona mpontarima tuwua anu nahina tampulaano, menunu saru pomperorohito.

IBARANI 10:11

Ka i'amba sompo sando mpesomba weweuo sompo-sompo oleo pompekakaakono ka mararu mompesombaako pesomba anu mengkena, anu nahi pokompahihio ntu'u hala.

IBARANI 2:3

kana'umpeke kita mempokotola, tewala nahi tomentuduo tekaduduia anu langkai kanatuu, anu amba-ambano Dopopoto'oriakita i Ue ka ondae anu merongeomo, mesala a anu pinokompe'ala-ala, sekono

IBARANI 5:9

ka umari-Do humaweo pokobobotoli-Do, Ondae gagi Pu'uno tekaduduiado luwuno mia anu momperorongeako ndi Ondae anu nahina tampulaano,

IBARANI 6:12

ka si megagi mongguu, sine megagi anu tumonda ira anu hangano pompe'ala-ala ka pompedato mohawe tia a laro hapa anu dinandi-Do Ue Ala.

IBARANI 6:17

Onaemo pu'uno, ka ilalu manasado anu tekona mentarimao dandi atuu ka dompe'ala-alao koa ntu'u manasano pomputusi-Do, Ondae Ue Ala wutuakono sumpa koroi-Do,

IBARANI 8:6

Sine kanandio-andio mohawe Iramo aasa anggaa mompekakaako anu lalu maramba, hangano gagi Ira pomposombu inso a mpedandia anu lalu maramba, anu pinu'uako dandi anu lalu i wawono.

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

1 PETURU 1:12

Ndi ondae pinokomengkaaomo, nine ondae komba pompekakaako koroido ondaedo, sine mpekakaakomiu a luwuakoano anu pinaleleomo ndi omiu kanandio-andio mesala ndi ondae, anu hangano Penaa Mempori, anu tinena inso i suruga, mohaweo Lele Mawongkoa ndi omiu, onaemo mongkona luwuno anu domingki mento'orio mala'eka.

1 PETURU 1:4

ka imentarimao aasa tia anu nahi pokotampula, anu nahi pokotesosa'ai ka nahi pokomoleu, anu imeninaaako i suruga.

1 PETURU 3:7

Kanandio koa mbo'u omiu, hei luwuno tama mpekombia, imentuwumo pande mposongka saru beinemiu, kana mia anu lalu molema! Impelangkai iramo kana walimiu mpe'umbuo pe'aroa pompowee, onaemo tuwua, ka si tetombolei pekakaimiu.

YUDASI 1:14

Mongkona mbo'u ondae i Heno, inule ko'opitu inso ndi Adama, mompauomo anu ta gagi, ipotae, ”Menteeano Ondae i Ue hawe saru sowu-sowuno mia mempori-Do,

MENGKAAA 5:6

Ka kukitao i tonga-tongano kadera poparentaa ka opaa anu tuwu atuu ka i tonga-tongado mia mempinemota'u atuudo mentade aasa Ana Bimba ka sinumbeleomo, metandu opitu ka memata opitu: onaemo atuu opitu Penaa-Do Ue Ala anu tinena i asa wawontolino.