Hosea 9:8 - Wunta Mempori

⁸ I Eparai, bawaa-Do Ue Alaku, kontongaano mompadaso nabi, oho porako manu-manu hinao a asa ngkeu salano, pe'iwalia hinao a raha-Do Ue Alano.

Hosea 9:8 ပူးပေါင်းရင်းမြစ်များ

1 Mokole 17:1

I Elia, to Tisibe inso i Tisibe-Gilea, motaeakono i Ahabi, ”A nee-Do i Ue anu tuwu, Ue Alado to Isaraeli anu pinekakaakoku, nahi ta hina tontoru ke usa a luwuno ta'u andio, sangkadio ongkue anu pauo.”

1 Mokole 18:1

Tehine umarino atuu, haweomo pau-Do i Ue ndi Elia i larono ta'u anu ko'otolu, ”Lakomo, pepopokita ndi Ahabi, hangano Akumo mompotii usa i wawontolino.”

1 Mokole 18:19

Kanandio-andio, tena iramo luwuno to Isaraeli mpepumpu ka dontepohaweakune i torukuno Karameli, ka mbo'u pato etu lima pulu nabi Baala ka pato etu nabi Asieri, anu mpongkaa a medano i Isebeli.”

1 Mokole 22:11

Ka i'amba i Sedekia, anano i Kena'ana anu mompatindaomo tandu-tandu labu, motae, ”Kanandiomo pau-Do i Ue: Saru tandu andio kotumanduo Arami ranta kau mepingko ira.”

1 Mokole 22:22

Sangkino, ’Aku meluarako gagi penaa megaupi a gagado luwuno nabino.’ Mepau Ira i Ue, Po'ineeono omue popandeio ka manasa biisa. Peluarakomo ka weweumo kanatuu.

1 Mokole 22:28

Sine sumangki i Mika, ”Tewala mentee omue mekule da tuwu, manasaomo Ondae i Ue nahi Ira mepau molalo ongkue.” Ka i'amba motae mbo'u, ”Imerongeo, hei luwuno bawaa!”

1 Mokole 22:6

Ka i'amba mokoledo to Isaraeli pumpu ira luwuno nabi, bara'ura pato etu mia. Ka i'amba mesikeno ndi ondae, ”Moiko koa ke kulako metea umewaio Ramoti-Gilea ke siimo?” Mesangki ira, ”Imelakomo, Ira meweengakono i Ue a ngkaemiu mokole.”

2 Mokole 13:21

Pohona tempono tekonai mpokaburu mia mate, borono domengkita ira gerombola atuu. Dompetendeakono wata ngkoroi atuu a laro ngkaburuno i Elisa, ka do'amba melako. Mansano tedanggi a luwuno wukuno i Elisa, wata ngkoroino mia mate atuu wali tuwu ka ipentade.

2 Mokole 2:14

I'alao lemba meloeno i Elia anu tedontaomo atuu, ipesepiakono a wawo uwoi kai pebooli, ”Isua Komiu ke Ue Alano i Elia?” Tempono ipesepiakono a wawo uwoi, uwoi atuu tetia i apano anu asa ka i apano anu susua, ka i'amba mesakiakoomo i Elisa.

2 Mokole 2:21

Ka i'amba lumako a mata uwoi ka ipetadiakono ohia atuu i larono kai potae, ”Kanandiomo pau-Do i Ue: Kuweweuomo uwoi andio moiko, ranta nami ta mowawa matea ke nahi ta mompoko bita beine.”

2 Mokole 4:41

Sine motae i Elisa, ”Alaomo tarigu!” Iwinsoo a laro ngkawali ka ipotae, ”Kanandio-andio patindaako iramo mia andiodo ka dompokaa!” Nami hina mbo'u anu ta monsolangi a laro ngkawali atuu.

2 Mokole 4:43

Sine puu mpopekakaako atuu motae, ”Kana'umpe andio aku mokopatindao i arono asa etu mia?” Isangkio, ”Weeako iramo mia atuudo, ka domengkaano. Hangano kanandiomo pau-Do i Ue: Mia ira pongkaa, ka da hinao mpiha toreano.”

2 Mokole 5:14

Ka i'amba metii mokuuo koroino pepitu a laro ngkoro Yarade, menunu saru pauno tetenaa-Do Ue Ala atuu. Koroino wali moiko kana koroino asa nana'ote kodei ka gagiomo tompa.

2 Mokole 5:27

Sine, haki ngkuli anu umaluo i Na'ama ta metako ndi omue ka ana'uemu ranta nahina tampulaano.” Ka i'amba meluarako i Gehasi inso i arono; onae i'aluo haki ngkuli, mpute kana uwoi baku.

2 Mokole 7:19

I tempo atuu petewawa sorodadu atuu sumangkio tetenaa-Do Ue Ala, ”Maupo Ondae i Ue weweu ira pentangoa i langi, kana'umpe anu kanatuu ta gagi?” Sine motae i Elisa, ”Menteeano kokumitaakono matamu omuemu, sine nahi komongkaa hapa-hapa inso ndi onae.”

2 Mokole 7:2

Sine petewawa sorodadu anu gagi mia pine'ala-alado mokole, sumangkio tetenaa-Do Ue Ala, ipotae, ”Maupo Doweweuo i Ue hadio pentangoa i langi, kana'umpe kai gagi mongkona atuu?” Sumangki tetenaa-Do Ue Ala, ”Menteeano, kokumitaakono matamu omuemu, sine nahi komongkaa hapa-hapa inso ndi onae.”

Po'unde-unde 124:7

Penaato tepotola kana manu-manu inso a ohono puu mporako manu-manu; oho atuu tebiteomo, ka ontae mbo'u ntepotola!

Puu Pontutulu 9:12

Menteeano, mia nahi to'orio tempono. Kana bou anu konarako a laro buani anu monsolangi, ka kana manu-manu anu kona rako a laro oho, kanatuumo anado mia kona oho a tempo anu urasa'o tempono mongkona atuu mepobingko umalu ira.

Penani Maramba 3:3

Puu mpodagai anu tumanggolilio kota mehawe aku. ”Imengkitaoke huleno aroaku?”

Yesaya 62:6

A wawo rere watumu, hei Yerusale, Kunaa iramo puu mpopadaso. I larono asa oleo ka asa wongi, ondae nahi ira hori mperodo-rodo. Hei omiu anu mpebooli mopoto'oriako Ira i Ue, siimo impenoro-noro

Yeremia 11:19

Se'eluno ongkue kana ana bimba monea anu winawa ta sinumbele, nahi kuto'orio nine ondae mpoweweu tinoo mosa'o ndi ongkue, ”Aiwamo tomeropuo keu andio saru luwuno wuano! Aiwamo to mpokotampulao inso a witado mia tuwu, ranta nami rinambe mbo'u neeno!”

Yeremia 14:13

Ka ku'amba motae, ”Adoo, Omiu Ue Ala! Kombake domempauomo nabi ndi ondae: Omiu nahi komiu mpongkita ponai, ka mokoninggoa nahi ta umalukomiu, sine Aku moweeakomiu rodoa anu moroso a mpo'ianga andio!”

Yeremia 23:13

I olodo nabido to Samaria Kukitao mongkona anu nahi tekona: ondae mpompau anu ta gagi a neeno Baala ka mpokontesaao bawaa-Ku Isaraeli.

Yeremia 31:6

Mentee ntu'u, ta hawe oleono nine luwuno anu mpodagai mpebooli i torukuno Eparai: Aiwamo tompewuatako i Sioni, ndi Ondae i Ue, Ue Alato!

Yeremia 6:14

Ondae mpopakuli mobelado bawaa-Ku kana-kana mobela kodei, dompotae: Rodoa! Rodoa!, kahinaano nahina rodoa.

Yeremia 6:17

Kupotoro iramo anu dumagai komiu, pau-Ku: Pekokoongakonomo unino tawuwua! Sine dompotae: Nahi kimebehe mpekokoongakono!

Ponsabangi 2:14

Luwuno nabimu mpongkitaakomu pongkita anu nahina pengkonaano ka mooa. Nahi dompokomengkaao salamu ka upinomule. Dompoluarakoakomu pinau anu nahi manasa ta gagi butu pegaupi ka mompokotesaa.

Ponsabangi 4:13

Mongkona atuu gagi hangano halado nabino ka mosa'oado sando mpesombano anu i tonga-tongano me'uwuo reano mia anu nahina salano.

Yehesikieli 3:17

”Hei anano mia, Kupakosikomo gagi anu dumagaio suku Isaraeli. Tewala omue moronge pau inso a nganga-Ku, pauako iramo ntu'u a nee-Ku.”

Yehesikieli 33:7

Omue, anano mia, Aku pakosiko gagi puu mpodagaido suku Isaraeli. Tewala omue moronge asa pau inso a nganga-Ku, popoto'oriako ira hangano Ongkue.

Hosea 5:1

Rongeomo andio, hei luwuno sando mpesomba, pekokoongakonomo hei to Isaraeli, ka ta'oomo biri, hei somborino mokole! Hangano tiamiumo pohuku atuu, hangano megagi komiumo dampa ndi Misipa, ka buani anu tinende i wawo ntorukuno Tabori,

Hosea 9:7

Haweomo luwuno oleo pohukua, haweomo luwuno oleo pombaloa, asalakono ka ito'oriomo Isaraeli, ”Nabi onaemo mia benge-benge, mia anu bukeako penaa onaemo mia mekombe!” Tendeano hangano langkaino salamu ka lansarano pe'iwalimu.

Hosea 9:9

Tedoa ondalo domepansia kana a luwuno oleo Gibea; Ira mototoio salado ka ta hinuku halado.

Mika 7:4

Mia anu lalu moiko i olodo kana ewo rui, anu lalu moleo i olodo kana wala rui. Haweomo oleono a luwuno puu mpopadasomu, oleo pohukuamu. Kanandio-andio ta gagi tewukaa i olodo!

I YOHANE 15:24

Bakana nahi kuweweuo anggaa i olodo kana anu nahi dohori meweweu mia susua, asalakono nahi dontehala. Sine kanandio-andio maupo domengkitaomo luwuno atuu, sine o'aliado moiko ndi Ongkue maupo ndi Ondae Ama-Ku.

ROMA 3:7

Sine tewala mentee-Do Ue Ala kolangka-langkaino pokomaramba-Do hangano pegaupiku, tembio ka da kubinitara mbo'u kana mia tehala?

IBARANI 13:17

Imperorongeako ira petewawamiu ka impetenunumo ndi ondae, hangano ondae medagaio sumangamiu, gagi mia anu asalakono sumusuruo. Ba kanatuu ira memawongko meweweuo, komba dompenaarunseakono, hangano mongkona atuu nahi ta mowawaakomiu ura.