Hosea 9:7 - Wunta Mempori

⁷ Haweomo luwuno oleo pohukua, haweomo luwuno oleo pombaloa, asalakono ka ito'oriomo Isaraeli, ”Nabi onaemo mia benge-benge, mia anu bukeako penaa onaemo mia mekombe!” Tendeano hangano langkaino salamu ka lansarano pe'iwalimu.

Hosea 9:7 ပူးပေါင်းရင်းမြစ်များ

2 Mokole 9:11

Mansano meluarako i Yehu tepohaweako ira luwuno pegawaido ueno, asa mia motaeakono, ”Nde luwuno moi-moiko koa? Tembio mia mekombe atuu kai aiwa ndi omiu?” Isangki ira, ”Mia atuu lano imento'orio ka pepauno mondeenomo koa!”

Yesaya 10:3

Hapake anu komiu meweweuo a oleo pohukua, ka a oleo matea anu hawe inso a olaiano? Ndi semake komiu mpelulu mpepetulungi, ka isuake imebintao pompolimiu?

Yesaya 26:11

Oo Ue, kae-Miu tetande, sine nahi domengkitao. Moikoano ka domengkitao po'ehe-Miu a bawaa-Miu ka domemokoko'ii! Po'ineeomo api anu rumopu ira anu umewai Komiu sumongko ira!

Yesaya 34:8

Hangano Ondae i Ue pakosio asa oleo pombaloa ka ta'u pohukua umalaakono Sioni.

Yesaya 44:25

Ongkuemo anu umoninio luwuno tondonino anu mpompau manasa nahi ta gagi ka memae-maeako ira mia hadio tino'orido; anu weweu ira mia pande mposongka nahi gagi, ka woliteo ponto'orido gagi benge-bengea;

Yeremia 10:15

Luwuno atuu nahina tuduno, inangga anu gagi pompasinggiri, ka ta moliu i tempono ihinuku.

Yeremia 11:23

Nahina anu torea inso i olodo, hangano Aku mompotii masolaa a nto Anatoti a nta'u hukuado.”

Yeremia 16:18

Amba-ambano Aku humukuo sala mpoweweu ka halado meluka mpendua hangano wita-Ku domengkokoburutiakonomo wata ngkoroino lahumoado anu mokoburu ka mebuketiakono wita-Ku wineweudo anu mokoburu.”

Yeremia 23:13

I olodo nabido to Samaria Kukitao mongkona anu nahi tekona: ondae mpompau anu ta gagi a neeno Baala ka mpokontesaao bawaa-Ku Isaraeli.

Yeremia 25:14

Hangano, ondae mbo'u ira megagi atado hadio tongku ka luwuno mokole anu langkai. Aku humuku ira menunu saru poweweudo ka wineweuno kaedo.”

Yeremia 29:26

Ondae i Ue motoroko, Sepania, gagi sando mpesomba umeuo sando mpesomba Yoada, gagi puu pomparesa a Raha-Do i Ue mompanga sompo mia mekombe anu mepau kana nabi ka rumanteo we'uno.

Yeremia 46:21

Luwuno mbo'u sorodadu mentinambo anu kongko ndi onae kana ira anano sapi mewalo; ondae mbo'u mpewolili ka mpolai mperonga-ronga. Nahi dompokompekorahako, hangano oleo masolaa umalu ira, tempono domehinuku.

Yeremia 6:14

Ondae mpopakuli mobelado bawaa-Ku kana-kana mobela kodei, dompotae: Rodoa! Rodoa!, kahinaano nahina rodoa.

Yeremia 8:11

Ondae mempakulio mobelano ana beinedo bawaa-Ku kana-kana mobela kodei, ipotae: Manangai! Manangai!, kahinaano nahina manangaia.

Ponsabangi 2:14

Luwuno nabimu mpongkitaakomu pongkita anu nahina pengkonaano ka mooa. Nahi dompokomengkaao salamu ka upinomule. Dompoluarakoakomu pinau anu nahi manasa ta gagi butu pegaupi ka mompokotesaa.

Yehesikieli 13:10

Hangano, oo, hangano dompokontesaa ira bawaa-Ku saru mpotae, ’Rodoa!’ kahinaano nahina ntu'u rodoa; ondae atuu pompontade rere watu ka kitao, domengkapuruo,

Yehesikieli 13:3

Kanandiomo pau-Do Ue Ala: Memasola iramo nabi memonge-monge anu tumondao po'ehedo ondaedo ka nahi kitao asa pongkita.

Yehesikieli 25:17

Aku weweuo pombaloa anu lansara ndi ondae tinondaako petunduhi tekuda. Ka ira mento'orio nine Ongkuemo Ue, i tempono Kuweweuo pombaloa ndi ondae.”

Yehesikieli 38:23

Aku mopokitao langkaino pabawa-Ku ka mempori-Ku, saru mokomengkaao koroi-Ku i arodo hadio tongku. Ka ira mento'orio nine Ongkuemo Ue.

Yehesikieli 9:10

Onaemo pu'uno Ongkue mbo'u nahi Kupompehohawa ka nahi Kumokoko'unduakono. Aku dumunsiako ira peleludo a uludo.”

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Hosea 5:9

Eparai ta gagi wita londa a oleo pohukua. Mongkona luwuno suku Isaraeli, Kupauo hapa anu manasa.

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Hosea 9:8

I Eparai, bawaa-Do Ue Alaku, kontongaano mompadaso nabi, oho porako manu-manu hinao a asa ngkeu salano, pe'iwalia hinao a raha-Do Ue Alano.

Amosi 8:2

Ka Do'amba mepau, ”Hapake kinitamu, Amosi?” Kusangki Ira, ”Asa baki me'ihi hadio rupa wua anu motaha.” Mepau Iramo i Ue ndi ongkue, ”Poko'ariano haweomo a bawaa-Ku Isaraeli. Nahi Aku umampuni ira mbo'u.

Mika 2:11

Ande-andeno asa mia hawe saru hadio mpau mooa ka pegaupi, ipotae, ”Aku mompau anu ta gagi ndi omue mongkona anggoro ka ara,” ka onaemo anu tekona gagi mia anu mompau anu ta gagi a tongku andio!

Mika 7:4

Mia anu lalu moiko i olodo kana ewo rui, anu lalu moleo i olodo kana wala rui. Haweomo oleono a luwuno puu mpopadasomu, oleo pohukuamu. Kanandio-andio ta gagi tewukaa i olodo!

Sepanya 3:4

Luwuno nabino onaemo pompokomarisu ka mpo'ewai pedandia; luwuno sando mpesombano mokoburutio hapa anu mempori, pe'uru-uruo songka Taura.

I MARAKUSU 3:21

Tempono domerongeo pe'etu-Do anu gagi atuu, me'aiwa ira mingki umala Ira, hangano potaedo nami Dope'aroa moiko mbo'u.

I LUKASI 21:22

hangano onaemo atuu tempo pombaloa nde ta inihii luwuno anu binuri.

2 KORINTI 5:13

Hangano tewala nahi kimempabawaio koroimami, mongkona atuu onaemo a laro pompekakaako-Do Ue Ala, ka tewala kimempabawaio koroimami, mongkona atuu onaemo moikoamiu.

MENGKAAA 16:19

Ka i'amba tebansiomo kota langkai atuu gagi otolu ntia ka mentehoa iramo kotado luwuno tongku anu nahi domento'ori Ira Ue Ala. Ka Dorambeo Ue Ala Babeli anu langkai atuu ka Dopoweeakono tonde anu bukeako anggoro bamburuno tekuda-Do.