Hosea 9:6 - Wunta Mempori

⁶ Hangano moiko koa dompeliahako inso a mporopua, sine Masiri ta pumpu ira, Mepisi ta kumaburu ira. Rui ta tumutuwio luwuno sangka salakado anu masuli olino; ewo rui ta tuwu a laro luwuno kemado.

Hosea 9:6 ပူးပေါင်းရင်းမြစ်များ

2 Mokole 13:7

Hangano nami hina mbo'u tebinta sorodadu ndi Yoahasi, sangkadio lima pulu sorodadu mpengara, hopulu kareta ka hopulu nsowu sorodadu mpelempa ngkaru, hangano mokoledo to Arami mokoropu iramo ka ilolanda ira kana awuno ponsesaa.

Po'unde-unde 107:34

wita anu mewalo gagi pada mopa'i, hangano mia anu mpo'iangario mpoweweu anu mosa'o.

Powadi 24:31

Kitaomo, luwuno atuu tuwuomo ewo merui, witano tetutuwiako ewo rui, ka rere watuno tebangkuomo.

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 19:13

Anu langkai potorodo ndi Soani mpoweweu nahi mentee, anu langkai potorodo ndi Memipisi ntepopandei iramo; anu mempinemota'u a nsukudo wawa ira to Masiri a masolaa.

Yesaya 27:12

I tempo atuu Ondae i Ue Ira monsesa mompu'u i Koro Eparata hawe i Koro Masiri, ka omiu komiu mepinumpu nte'o'asa, hei to Isaraeli!

Yesaya 32:13

Sabangiomo witano tongkuku anu ituwuario ewo ka rui, oo, luwuno rahamiu po'ianga pesana-sanaa a ngkota anu mengkokora-kora.

Yesaya 34:13

Ewo rui ira mentuwu a luwuno benteno, ewo ka rui a luwuno bente pekorahakoano, ranta ka igagi po'iangado serigala, ka tanalapado manu-manu unta.

Yesaya 5:6

aku mo'ineeo nahi pinesampai ka nahi binondei, ka ituwu ewo ka rui; aku parenta ira seru, ka si dopompotii usa i wawono.

Yesaya 7:23

A oleo atuu sompo po'ianga, anu eheano tuwu asa nsowu keu anggoro ka anu me'oli asa nsowu sikala salaka, ta gagi po'iangno ewo ka rui.

Yeremia 2:16

Luwuno to Mempisi ka Tahapanahesi mengkeru londao ulumu.

Yeremia 42:22

Onaemo pu'uno, penootiomo tementee, nine komiu memate hangano ponai, mokoninggoa ka haki lele a mpo'ianga anu kinekewoimiu komiu mpo'ia gagi mia hawe i ra'ai.”

Yeremia 44:1

Pau anu hawe ndi Yeremia tiado luwuno to Yehuda anu mpo'ia i wita Masiri, i Migidoli, i Tahapanahesi, i Memipisi ka i wita Patirosi,

Yeremia 44:12

Aku umala ira to Yehuda anu da mentuwu anu montoo lumako i wita Masiri ta mo'ia gagi mia hawe i ra'ai. Luwudo ira memate i wita Masiri. Ondae ira ntebangku hangano ponai ka mate hangano mokoninggo; inso anu kodei hawe anu langkai ta mate hangano ponai ka mokoninggoa. Ondae ira megagi pontutundali, mongkokongiria, pontotonaa, ka mokoko'iia.

Yeremia 44:13

Aku humuku ira anu mpo'ia i wita Masiri, mengkena kana Kuhukuomo Yerusale, onaemo saru ponai, mokoninggoa, ka haki lele.

Yeremia 46:14

”Pauomo i Masiri, ka paleleomo i Migidoli! Paleleomo i Memipisi ka i Tahapanahesi! Potaemo: Alaomo po'ianga ka pepatindamo, hangano ponai pingko ikaano anu i horimu!

Yeremia 46:19

Patindaomo parewamu kolumako a pontadia, hei ana beinedo to Masiri anu mpo'ia iramo i ra'ai! Hangano Memipisi ta gagi boni-boni, gagi terawo-rawo nahina palili.

Yehesikieli 30:13

Kanandiomo pau-Do Ue Ala: Aku mokotampulao luwuno lahumoa ka luwuno pinesombai inso i Memipisi. Nahi ta hina mbo'u petewawa i wita Masiri ka Aku moweweu doitoa i ra'ai.

Yehesikieli 30:16

Aku molangao api i Masiri, Sini ta mondidi-ndidi, Tebe ta pinongko'ala ka luwuno rere watuno ta rinongka.

Hosea 10:8

Luwuno po'ianga pesombaa ndi Aweni, anu gagi halano Isaraeli, ta pinokotampula. Ewo rui ka rui ta tuwu a wawo luwuno meda pontunua pesombano. Ira mpotae a luwuno torukuno, ”Howui kamimo!” Ka a luwuno pongku wita, ”Tehoamo dumunsi kami!”

Hosea 11:11

kana manu-manu anu mondidi-ndidi hawe inso i Masiri, ka kana marapatii inso i wita Asuri, ka Ku'amba numaa ira mbo'u a luwuno rahado, kanandiomo pau-Do i Ue.

Hosea 2:6

Onae ta lumulu ira pinehohawano, sine nahi ta humawe ira; onae ta umungke ira, sine nahi ta tepohaweako ira. Ka onae ta motae: Aku mekule mepokule a ntamaku anu amba-ambano, hangano tempo atuu sanaa akupo sekono kanandio-andio.

Hosea 7:11

I Eparai gagiomo kana marapatii anu momperorongeako, nahi pompewowolo; a nto Masiri dompebooli, a nto Asuri domelako.

Hosea 7:13

Masola iramo, hangano mpolai ira inso ndi Ongkue! Masola iramo, hangano dome'ewai Aku! Behe Aku tumolosi ira, sine mpegaupi ira ndi Ongkue.

Hosea 7:16

Mpepokule ira sine komba ndi Ondae Anu i Wawono, ondae kana pana anu teposule pe'aroano; luwuno mia pinemota'udo ira memateako ponai, hangano elodo bukeako pontotonaa. Onaemo pasinggiri ndi ondae i wita Masiri te'ipua.

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Hosea 9:3

Nahi ira mpo'ia mpiha i wita-Do i Ue. I Eparai asalakono mekule i Masiri, ka i Asuri ira mpongkaa kaanga mokoburu.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

Sepanya 1:11

Ponsabangimo, hei palilino Nohu! Hangano luwuno puu mpebalu-balu pingkoomo, luwuno puu mpontimba salaka tampulaomo.

1 Samueli 13:6

Mansado mento'orio to Isaraeli nine ntekadu iramo, onaemo ka dompewuni a ngkunepo, a api watu, a pongkuno watu, a ngkineke pewunia, ka a nsumuru mo'are