Hosea 9:4 - Wunta Mempori

⁴ Nahi ira mpotawa anggoro gagi pesomba ndi Ondae i Ue ka pesomba sinumbeledo nahi ta mokonsanaao aroado. Rotido kana roti pompemasusa, sompo mia anu kumaano ta gagi mokoburu, hangano rotido butu tiado ondaedo, nahi moiko iwinawa a laro raha-Do i Ue.

Hosea 9:4 ပူးပေါင်းရင်းမြစ်များ

Peluarakoa 29:40

Meronga saru bimba anu asa atuu, asalakono kau patindao asa ntia hopulu efa tarigu anu moiko ntu'u, sinaloako saru asa ntia opaa hin lana inso a nsaitu anu pinokomotutu, ka patindao mbo'u asa ntia opaa hini anggoro gagi pesomba tinawa.

Peluarakoa 40:23

Iwawono meda atuu ipodedeo i Musa roti pesomba i'aro-Do i Ue, kana parenta-Do i Ue ndi onae.

Yesaya 57:6

Tiamu kongko ia watu-watu molori a ngkorono, ka butu koa ondae anu pinakosi tiamu; ndi ondae koa mbo'u utawao pesomba tinawa, ka mompesombaako pesomba kaanga. Nde asalakonoke Aku sabara mongkona atuu?

Yesaya 66:3

Mia monsumbele sapi lakino, sine mompepate mbo'u mia; mia mompesombaako bimba, sine mompudu keu we'uno dahu; mia mompesombaako pesomba kaanga, sine mompesombaako reano boe; mia mompesombaako dupa, sine mo'unde-unde mbo'u lahumoa. Onaemo pu'uno, mengkena kana ondae laludopo mpobiniki salado ondaedo, ka sumangano ineheno a mpinesombai mokoburudo,

Yeremia 16:7

Nahina mia anu monsiba-sibaakono roti mia anu mo'inombo ka tumareroo hangano matea atuu. Tendeano nahina mia anu ta moweeakono mo'inu inso a mpiala pontareroa hangano mateano ama ke ineno.

Yeremia 6:20

Hapake tuduno ndi Ongkue impowawa dupa inso i Sieba ka towu anu moiko inso i wita anu olai? Nahi Kupekono ira pesomba tinunumiu ka luwuno pesomba sinumbelemiu nahi pokonsanaa Aku.

Yehesikieli 24:17

Pompemasusamo penoro-noro, si poweweu ponsabangi matea. Wutuomo ramba-ramba ulumu ka pakeomo empehi karumu, si tutuwio i totono rupamu, ka si pongkaa roti po'inombo.”

Yehesikieli 24:22

Komiu meweweuo kana anu wineweuku: I totono rupamiu nahi komiu mentutuwio ka roti po'inombo nahi komiu mpongkaa;

Danieli 1:8

I Danieli mo'asao aroano nahi ta weweuo koroino mokoburuako kaangado mokole ka saru anggoro anu wela ininudo mokole. Onaemo ka i'emao a mpetewawado pegawai langkanae ka ibeheo nahi pokomokoburuo koroino.

Hosea 3:4

Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Hosea 7:16

Mpepokule ira sine komba ndi Ondae Anu i Wawono, ondae kana pana anu teposule pe'aroano; luwuno mia pinemota'udo ira memateako ponai, hangano elodo bukeako pontotonaa. Onaemo pasinggiri ndi ondae i wita Masiri te'ipua.

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Yoeli 1:13

Pokonaomo sawu po'inombo ka ponsabangimo, hei luwuno sando mpesomba; imperaalikimo, hei luwuno puu pompekakaako meda pontunua pesomba; impewinsomo, imperatomo saru mompokona sawu po'inombo, hei luwuno puu pompekakaako-Do Ue Alaku, hangano pesomba kaanga ka pesomba tinawa, pinenaa-naaakoomo inso a raha-Do Ue Alamu.

Yoeli 1:9

Pesomba kaanga ka pesomba tinawa tampulaomo inso a raha-Do i Ue; ka pompemasusa iramo sando mpesomba, puu pompekakaako-Do i Ue.

Yoeli 2:14

Ba mansa Ira wali me'o'ole, ka Dobintao ronso, gagi pesomba kaanga ka pesomba tinawa ndi Ondae i Ue, Ue Alamu.

Imama 17:11

Hangano penaa anu tuwu kongko a laro reano ka Kuweeakomiumo rea atuu i wawono meda pontunua pesomba kai mpoweweu pesintuwua tiano penaamiu; reamo anu moweweu pesintuwua molalo penaa.

Imama 21:17

”Pauakonomo i Haruni, kanandio: Sompo mia inso i olodo luwuno inulemu anu hinao tataano, nahi moiko i'aiwa umpeda ta mompesombaako pesomba ndi Ondae Ue Alano.

Imama 21:21

Sompo mia inso a inuleno sando mpesomba Haruni anu hinao tataano, nahi moiko i'aiwa ta mompesombaako luwuno pesomba anu tinunu ndi Ondae i Ue. Hangano onae hinao tataano siimo i'aiwa umpeda ta mompesombaako pesomba ndi Ondae Ue Alano.

Imama 21:6

Ondae asalakono mempori ndi Ondae Ue Alado ka si domelaloo memporino nee-Do Ue Alado. Hangano ondaemo anu mpopesombaako luwuno pesomba tinunu ndi Ondae i Ue, gagi pesomba ndi Ondae Ue Alado, ka hangano atuu ondae asalakono mempori.

Imama 21:8

Asalakono imentuduo onae mempori, hangano onaemo anu mompesombaako pesomba ndi Ondae Ue Alamiu. Onae asalakono mempori ndi omiu, hangano Ongkue, Ue, anu mokomempori komiu mempori.

Amosi 5:22

Maupo impesombaakono ndi Ongkue luwuno pesomba tinunu ka pesomba kaangamiu, nahi Kubehe, ka pesomba tekaduduiamiu onaemo pinotuwu anu mewalo, nahi Aku kumitao.

Maleaki 2:13

Ndiomo anu ko'orua imeweweuo: Imentutuwiakono uwoi mata meda pontunua pesomba ndi Ondae i Ue, saru mpengese ka mpe'anaiki, hangano nahi Dopewolili mbo'u a mpesomba ka nami Dobehe tumarimao inso a ngkaemiu.

Podoaa 19:11

Isemamokoa mia anu tepodanggiako wata ngkoroi mokoburu i larono opitu oleo.

Podoaa 28:2

”Parenta iramo to Isaraeli ka pauako ira: Impetenunu ka ia tempo anu pinakosi asalakono imewawao luwuno pesomba ndi Ongkue gagi kaanga-Ku, onaemo pesomba tinunu anu woono Kupemoikoo.

Podoaa 4:7

I wawono meda roti pesomba kaanga asalakono domewileo asa lewe sawu wungo motu'a, ka i wawono asalakono domenaao sempe, sangkiri, piala ka takea pesomba tinawa. Roti pesomba kaanga asalakono hinao mpiha i wawono.

I YOHANE 6:51

Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

Winali 26:14

I tempono kupo'inombo nahi kupongkaa maupo hapa inso a mpesomba mempori atuu, ke moluarako te'asa inso ndi onae tempono kumokoburu, nahi kupopesombaako mbo'u inso ndi onae a mia mate. Sine kurongeo pau-Do i Ue, Ue Alaku, ka weweuo menunu saru luwuno anu Iparentaakume.