Hosea 9:3 - Wunta Mempori

³ Nahi ira mpo'ia mpiha i wita-Do i Ue. I Eparai asalakono mekule i Masiri, ka i Asuri ira mpongkaa kaanga mokoburu.

Hosea 9:3 ပူးပေါင်းရင်းမြစ်များ

1 Mokole 9:7

Aku mokotampula ira to Isaraeli inso a wawo wita anu Kuweeako iramo. Aku mebungkuio raha anu umariomo Kupokomemporio tiano nee-Ku atuu. Isaraeli ta gagi potundaano ka pasinggiri i olono luwuno tongku.

2 Mokole 17:6

Ia ta'u ko'osio poparentaano i Hosea, mokoledo to Asuri mongko'alao Samaria ka wawa ira to Isaraeli a pontadia i Asuri. Ipoweeako ira po'ianga i Halahi i wiwi ngkoro Habori i Gosani, ka a luwuno kotado to Madai.

Yeremia 16:18

Amba-ambano Aku humukuo sala mpoweweu ka halado meluka mpendua hangano wita-Ku domengkokoburutiakonomo wata ngkoroino lahumoado anu mokoburu ka mebuketiakono wita-Ku wineweudo anu mokoburu.”

Yeremia 2:7

Kuwawa komiu a wita anu mewalo ka imperapio wuano ka luwuno anu moiko inso ndi onae. Sine mansamiu mpewinso, imengkokoburutio wita-Ku; wita-Ku imeweweuomo gagi mokoburua.

Ponsabangi 5:6

Omami metasiakono kaemami i Masiri, ka a nto Asuri ka kimemowohiako roti.

Yehesikieli 4:13

Ondae i Ue mepau, ”Kanatuumo to Isaraeli ira mpongkaa kaanga anu mokoburu i olodo luwuno tongku ba isua Aku tumadi ira.”

Danieli 1:8

I Danieli mo'asao aroano nahi ta weweuo koroino mokoburuako kaangado mokole ka saru anggoro anu wela ininudo mokole. Onaemo ka i'emao a mpetewawado pegawai langkanae ka ibeheo nahi pokomokoburuo koroino.

Hosea 11:11

kana manu-manu anu mondidi-ndidi hawe inso i Masiri, ka kana marapatii inso i wita Asuri, ka Ku'amba numaa ira mbo'u a luwuno rahado, kanandiomo pau-Do i Ue.

Hosea 11:5

Kombake ondae asalakono mpekule i wita Masiri? Po'ineeomo Asuri gagi mokoledo, hangano nahi domebehe ntepidi.

Hosea 7:11

I Eparai gagiomo kana marapatii anu momperorongeako, nahi pompewowolo; a nto Masiri dompebooli, a nto Asuri domelako.

Hosea 7:16

Mpepokule ira sine komba ndi Ondae Anu i Wawono, ondae kana pana anu teposule pe'aroano; luwuno mia pinemota'udo ira memateako ponai, hangano elodo bukeako pontotonaa. Onaemo pasinggiri ndi ondae i wita Masiri te'ipua.

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Hosea 9:6

Hangano moiko koa dompeliahako inso a mporopua, sine Masiri ta pumpu ira, Mepisi ta kumaburu ira. Rui ta tumutuwio luwuno sangka salakado anu masuli olino; ewo rui ta tuwu a laro luwuno kemado.

Imama 18:28

kasikoa luakomiu io wita atuu, tewala impokomokoburuo, kana umariomo iluakonomo tongku anu se'eluno omiu.

Imama 20:22

Asalakono impe'ini a luwuno pompakosi-Ku a atora-Ku saru meweweuo luwuno atuu, kasi lua komiu wita ba isua Aku wawa komiu kai mpo'iangario.

Imama 25:23

”Wita si me'asao mpiha, hangano Ongkuemo ueno wita atuu, sekono omiu mia mehawe ka mia anu me'aiwa mperato ndi Ongkue.

Amosi 7:17

Onaemo pu'uno, kanandiomo pau-Do i Ue: Beinemu ta mebelesu i kota, ka luwuno anamu tama ka beine ira memateako ponai; witamu ta tinia-tiaako koloro posongka. Omue komate i wita anu mokoburu, ka to Isaraeli manasa ira melako inso i witado gagi mia tinadi.”

Mika 2:10

Lakomo pontuturako, hangano andio komba po'ianga penaa-naaa, hangano mokoburua anu mompepate, ka mateano nahi tepomule.

WINEWEUDO TINENA 10:14

Sine sumangki i Peturu, ”Naahi, Ue, naahi, hangano napi kuhori mongkaa anu upali ka anu mokoburu.”

Winali 28:63

Kana mawongko-Do i Ue ndi omiu, Ira moweweu moiko ndi omue ka weweukomiu mehadio, kanatuumo mawongko-Do i Ue ndi omiu Ira sumolangi komiu ka rumopukumiu. Komiu mebinuta inso a wita, ba isua komiu melako mpetorokio.

Winali 28:68

Ondae i Ue Ira wawa komiu mpekapala mpekule i wita Masiri, telalo a nsala anu Kupauomo ndi omiu, ”Nahi komiu mengkitao mbo'u.” I ra'ai komiu me'asao koroimiu a iwalimiu gagi ata ntama ka beine, sine nahina anu mo'oli.

Winali 4:26

Onaemo aku moboio langi ka tolino gagi sakosii ndi omiu a oleo andio nine manasaomo komiu ronga memoliu inso a wita anu ta pinentoroki miu umari mensakio Koro Yarade. Nahi ta tehine imentuwu i ra'ai, sine manasaomo komiu meropu.

Yosua 23:15

Sine kana anu haweomo ndi omiu luwuno anu moiko, anu Dodandiakomiumo Ondae i Ue, Ue Alamiu, kanandiomo Ondae i Ue Ira moweeakomiu luwuno anu nahi moiko ranta ka Dopokoropu komiu inso ia wita anu moiko andio, anu Doweeako miumo Ondae i Ue, Ue Alamiu.