Hosea 9:15 - Wunta Mempori

¹⁵ Luwuno wineweudo mosa'o gagi i Giliga, mentee ntu'u, maupo i ra'ai Ku'o'aliaako ira. Hangano mosa'ono luwuno wineweudo, Aku sumaari ira inso i raha-Ku. Nahi Aku mehohawa ira mbo'u; luwuno mia pinemota'udo onaemo puu mpe'ewa.

Hosea 9:15 ပူးပေါင်းရင်းမြစ်များ

Po'unde-unde 78:60

Dotadio po'ianga-Do i Silo kema anu pino'iangari-Do i olono mia;

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yeremia 11:15

Hapa mbo'u orusuano pinehohawa-Ku a laro raha-Ku, kombake onae iweweuomo luwuno tinoono anu mosa'o? Polioke luwuno pontanga ka bau mempori lumiahakomu inso a masolaa, ranta lembuino omue mokompo'unde?

Yeremia 12:8

Tia pusaka-Ku gagiomo kana singa a ntobu ndi Ongkue. Ipengaolia-Kune; onaemo pu'uno ka Ku'o'aliaakono.

Yeremia 15:1

Mepau Iramo i Ue ndi ongkue, ”Maupo i Musa ka i Semueli mentade i aro-Ku, aroa-Ku nahi ta mepokule a tongku andio. Saari iramo inso i aro-Ku ka domelako!

Yeremia 3:8

Ikitao nine hangano ponsosabono Kupensuaakonomo i Isaraeli anu mehapuakono pompe'ala-alano atuu, ka moweeakono wunta teposuaa. Sine i Yehuda, pepaekompono beine anu nahi petenunu atuu, nahi doito, tendeano lumako mbo'u mebelesu.

Yeremia 5:5

Moikoomo aku lumako a luwuno mia langkai potorodo, ka mepau ndi ondae, hangano ondae anu mento'orio sala-Do i Ue, songka-Do Ue Alado.” Sine maupo ondae luwudo mempuduomo mbo'u pasanga, me'otuhio luwuno koloro pontanggo.

Yehesikieli 22:27

Luwuno mia pinemota'u i tonga-tongano kana serigala anu momperangkami kaangano ka ipo'uwu rea ka mompepate mia hangano ime'uraakono koroino onaeno.

Yehesikieli 23:18

Hangano onae weweuo pebelesuno nahi pewuni-wuni ka mopokitao pinekaria winunino, Ongkue mbo'u meliahako inso ndi onae hangano mokoburu, kana Kupeliahako inso ndi uaino.

Hosea 1:6

Ka i'amba beine atuu mentia mbo'u ka me'anaako asa ana beine. Mepau Iramo i Ue ndi Hosea, ”Poponeeakonomo i Lo-Ruhama nana'ote atuu, hangano nahi Aku mehohawao mbo'u suku Isaraeli, ka nahi Aku umoniniako ira ntu'u halado.

Hosea 1:9

Ka Do'amba mepau, ”Poponeeomo i Lo-Ami nana'ote atuu, hangano omiu komba bawaa-Ku ka Ongkue andio komba Ue Alamiu.”

Hosea 12:11

Mepau Akumo a luwuno nabi, mompowee hadio anu kinita, ka molalo luwuno nabi Kupohaweo pandiri.

Hosea 12:2

I Eparai mompakambi angi, ka molulu angi sabaano oleo asa oleo, mompokohadio pegaupi ka pobobarasai. Mpowutu ira pedandia saru Asuri, ka mpowawa lana a nto Masiri.

Hosea 3:4

Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Hosea 4:15

Tewala mansako monsosabo, hei Isaraeli, siimo Yehuda tetonda saala! Siimo lako i Giliga; siimo pewuatako i Beti-Aweni, ka siimo pesumpa, ”A nee-Do i Ue anu tuwu!”

Hosea 4:9

Kana anu gagi a mpalili, kanandio koa mbo'u a nsando mpesomba: Aku humukuo hangano luwuno pomputusino ka luwuno wineweuno Aku sumuloakono.

Hosea 7:2

Nahi dompokompewowoloo i laro aroado, nine Kupewowoloo luwuno wineweudo anu mosa'o. Maupo kanandio-andio luwuno wineweudo kumadu ira, luwuno kongko i aro-Ku.

Hosea 9:17

Ondae Ue Alaku ta tumadi ira, hangano nahi domperorongeako Ira, ira mpelakopi i olodo luwuno tongku.

Hosea 9:3

Nahi ira mpo'ia mpiha i wita-Do i Ue. I Eparai asalakono mekule i Masiri, ka i Asuri ira mpongkaa kaanga mokoburu.

Imama 26:30

Ka luwuno pongku wita pesombaamiu Aku rumopuo, ka luwuno pontunuamiu dupa Aku mokotampulao. Aku metadiakono luwuno wata ngkoroimiu a wawo luwuno wata ngkoroino lahumoamiu ka aroa-Ku ta te'osa kumitakomiu.

Amosi 4:4

”Aiwamo i Beteli ka poweweumo wineweu mosa'o, i Giliga ka pokohadioomo wineweu mosa'o! Wawaomo pesomba sinumbelemu i tempono mo'oru, ka pesomba tia hopulumu a oleo ko'otolu!

Amosi 5:27

ka Aku wawa komiu a pontadia olai i asambalino Damasi,” pau-Do i Ue, Ue Alano luwuakano, nee-Do.

Amosi 5:5

Siimo ime'ungkeo Beteli, siimo imelako i Giliga ka siimo impe'asambaliako i Bereseba, hangano Giliga manasa tinadi a mpontadia ka Beteli ta tampula.”

Mika 3:11

Luwuno mia pinemota'uno memputusio songka hangano pompowee nahi pototono, ka sando mpesombano mompaguru hangano inowahi, nabino mpompau anu nahi manasa ta gagi hangano doi, kahinaano dompotae mpehonda ira ndi Ondae i Ue; kombake Ondae i Ue kongko Ira i tonga-tongato! Masolaa nahi ta umalu kita!”

Mika 6:5

Bawaa-Ku, impewowoloomo hapa anu tinoono i Balaki, mokole i Moabi, hapa sangkino i Bilea anano i Beori ndi onae ka pelempaa inso i Sitimi hawe i Giliga, ka upokonto'orio luwuno wineweu-Do i Ue anu moleo.”

Sepanya 3:3

Mia pinemota'udo i ra'ai onaemo singa anu mengaoli; luwuno puu mpobitarano onaemo serigala wongi anu nahi pobinta maupo hapa hawe mo'oru.

Sakaria 11:8

I larono asa wula kuliahakono otolu puu mpopakambi. Ka i'amba nahi kupokompeteao mbo'u aroaku a asa bawaa bembe bimba atuu, ka ondae nte'osa iramo ndi ongkue.

WINEWEUDO TINENA 4:27

Hangano menteeano mpepumpu iramo a laro ngkota andio i Herode ka i Pontiu Pilatu saru luwuno tongku ka suku tongku Isaraeli umewai Ira i Yesu, Tetenaa-Miu anu mempori, anu inurapi-Miu,

WINEWEUDO TINENA 5:21

Dotondao pe'oliwi atuu, ka tamo mo'oru mewinso iramo a Raha-Do Ue Ala, ka dopompu'u mompaguru i tu'ai. Kontongaano atuu Sando Mpesomba Langkai ka anu mentondao mentena ira mpepumpu Pobitara Agama, onaemo luwuno majelisi pinemota'udo tongku Isaraeli, ka dompetena umala ira tinena atuu inso a ntorungku.

Yosua 10:43

Ka i'amba i Yosua ka luwudo to Isaraeli mpekule ia kemado i Giliga.

1 Samueli 7:16

Sompo-sompo ta'u onae lumako i Beteli, i Giliga, ka i Misipa, moparenta gagi puu mpobitara a nto Isaraeli a luwuno po'ianga atuu.