Hosea 9:10 - Wunta Mempori

¹⁰ Kana wua anggoro i pada one i Isaraeli Kuhaweo i ndi'ipua; kana wua amba-ambano, hasilino amba-ambano wua ara, Kukitao uempu'umu. Sine melako ira ndi Baala-Peori ka mpesombaakono koroido a lahumoa anu mompokoko'ii. Megagi ira mokoburu kana hapa anu kinekewoido.

Hosea 9:10 ပူးပေါင်းရင်းမြစ်များ

1 Mokole 16:31

Napi pesompoo tuwu a laro luwuno halano i Yerobea anano i Nebati, i'alao mbo'u i Isebeli, anano i Etiba'ali, mokoledo to Sidoni, gagi kombiano, ranta kai lako mesomba a Baala ka ipenggolontu melangkaio.

2 Mokole 17:11

I ra'ai i wawono sompo pongku wita atuu mpontunu ira pesomba mengkena kana luwuno tongku anu Doliahako iramo i Ue inso i arodo. Mpoweweu ira luwuakoano anu mosa'o ranta mokotesingkao tekuda-Do i Ue.

Po'unde-unde 115:8

Ondae anu meweweuo ira gagi mpengkena kanatuu, kanatuu koa mbo'u luwuno mia anu mpe'ala-alao.

Po'unde-unde 81:12

Sine bawaa-Ku nahi domerongeo pepau-Ku, ka i Isaraeli nahi behe ndi Ongkue.

Penani Maramba 3:6

Isemake atuu anu me'umbaako inso i pada one kana pebotono ahu api tetutuwiako mana mo'ahino mire ka dupa inso a mperupa-rupa awuno anu mana mo'ahi pinebalu-baluako?

Yesaya 28:4

Peramba-rambado anu ntekokosi, bunga anu mompu'u moleu atuu, anu po'iangano mantande a wawo lembono anu mewalo, ta gagi kana wua ara anu tese'eluomo motaha se'eluno tempo motu'i-tu'i; isema anu kumitao tumampu'u tumeleo mansano umopuakono kaeno.

Yeremia 11:13

Hangano kana hadiono kotamu kanandiomo hadiono pinesombaimu, hei Yehuda. Kana hadiono sala i Yerusale kanandiomo hadiono meda pontunua pesomba anu pinontademiu pontunua pesomba tiano Baala.

Yeremia 24:2

Karandi anu asa me'ihi wua ara anu moiko ntu'u kana wua ara amba wuano, sine karandi anu susua me'ihi wua ara anu mosa'o, anu nahi pinokongkaa hangano mosa'o.

Yeremia 3:24

Sine, lahumoa anu mompokoko'ii tumeleo ka ipingko luwuno hasilino pe'iseido uempu'uto mompu'u tempo tomemongura; bawaano bembe bimba ka sapido, ana ntama ka ana beinedo.

Yeremia 3:25

Aiwamo tompepombole saru memokoko'ii, ka po'ineeomo titito tumutuwi kita, hangano mentehala kitamo ndi Ondae i Ue, Ue Alato, ontae ka uempu'uto mompu'u tempo tomemongura hawe oleo andio. Nahi to mperorongeakono pau-Do i Ue, Ue Alato.”

Yeremia 31:2

Kanandiomo pau-Do i Ue: Tongku anu tola inso a mponai, ta mohawe pompehohawa i pada one! I Isaraeli melempa i ra'ai mo'ungke penaa-naaano!

Yeremia 5:31

Luwuno nabi mpompau anu ta gagi nahi mentee ka luwuno sando mpesomba mpetewawa po'ehedo, ka bawaa-Ku inehedo mongkona anu kanatuu! Sine, hapa anu komiu mpoweweu, tewala hawe oleo tampulaano?

Yehesikieli 20:8

Sine, ondae me'ewa ndi Ongkue ka nahi dobehe meronge Aku. Sompo mia nahi tadi ira pinesombaino anu mokoburu, ba isua ite'aro matano, ka nahi binta ira lahumoado to Masiri. Ka Kupontoo umuwuo tekuda-Ku ndi ondae, motiio tekuda-Ku ndi onae i tonga-tongano wita Masiri.

Hosea 11:1

Tempono i Isaraeli da mongura, Kupehohawao, ka inso i Masiri Kupoboio ana-Ku atuu.

Hosea 13:5

Ongkuemo anu mensiroiko i pada one, i wita anu morungku.

Hosea 2:15

Ia oleo atuu, kanandiomo pau-Do i Ue, Omue komoboi Aku: Tamaku, ka nami poboi Aku mbo'u: Baalaku!

Hosea 4:14

Nahi Aku humuku ira anamu beine maupo domponsosabo, ke luwuno kombiado ana ntamamu, maupo dompebelesu. Sine, tamado isa'a melako mpe'asaako ira beine mebelesu ka mompesombaako pesomba meronga luwuno mia mebelesu a raha pesombaa susua. Bawaa anu nahina ponto'orino ta tedonta.

Hosea 4:18

Mansado memolangu, mpepotende ira mpebelesu; domengkekewoio pontataa sekonopo mohawe pompelangkai.

Amosi 4:5

Tunuomo pesomba pontarimakasi inso a roti meragi ka popoto'oriomo luwuno pesomba a moleono aroa; paleleomo atuu! Nde komba anu kanandioke inehemiu, hei to Isaraeli?” kanandiomo pau-Do i Ue Ala.

Mika 7:1

Masola akumo ntu'u! Hangano teweweuku kana puu mpobini wua umarino popumpua wua tempono motu'i-tu'i, umarino po'opua mbo'u wua anggoro: nami hina mbo'u wua anggoro ta kinaa, ke wua ara anu ineheku.

Podoaa 15:39

Tempono imengkitao rawe-rawe atuu, ta mopoto'oriakomiu a luwuno parenta-Do i Ue, ranta ka imeweweuo, ka nami mentondao mbo'u po'eheno aroa ka matamiu, anu weweu komiu mepansia.

Podoaa 18:13

Hasili amba-ambano inso a luwuno anu tuwu a wita anu pinesombaakodo ndi Ondae i Ue, gagi tiamu mbo'u. Sompo mia anu morina inso a luwuno ihino rahamu moiko ikaano.

ROMA 6:21

Ka wua hapake anu inopumiu inso ndi onae? Luwuno atuu weweu komiu memokoko'ii kanandio-andio, hangano poko'ariano luwuno atuu onaemo matea.

Winali 32:10

Onae Dohaweo i pada one, i tonga-tongano wita londa ka muuno pada malua. Dolimbuo ka Dopensiroio, Dodagaio kana ihi mata-Do.

Winali 32:17

Ondae mpopesombaako pesomba a penaa mosa'o anu komba Ue Ala, a pinesombai anu nahi domento'orio, pinesombai wo'ohu anu napi tehine ipe'umbaako, anu nahi domedoitoakono uempu'umiu.

Winali 4:3

Ukitaakonomo matamu hapa anu wineweu-Do i Ue a Baala-Peori. Hangano, luwuno mia anu tumondao Baala-Peori umariomo Doropu ira i Ue, Ue Alamiu inso i tonga-tongamiu,

Puu Mpobitara 6:32

Oleo koa atuu i Gideo domeneeakono mia Yerubaala, hangano dompotae, ”Po'ineeomo i Baala kumorahakono koroino umewaio i Gideo, hangano onae rumongkao pontunua pesombaano atuu.”