Hosea 8:6 - Wunta Mempori

⁶ Menteeano lahumoa atuu inso a nto Isaraeli, wineweuno puu mpo'angga, ka onae komba Ondae Ue Ala! Mentee ntu'u, ta gagi sibano ana nsapi Samaria atuu!

Hosea 8:6 ပူးပေါင်းရင်းမြစ်များ

2 Mokole 23:15

Ipobangkuo mbo'u meda pontunua pesomba i Beteli, po'ianga pompesombaia anu wineweuno i Yerobea anano i Nebati anu poko'ariano to Isaraeli mpoweweu hala. Meda pontunua pesomba ka po'ianga pompesombaia mbo'u atuu ipobangkuo. Luwuno watuno ipehao ka ipokomotutuo gagi awu, ka i'amba tumunuo karuno lahumoa.

2 Mokole 23:19

I Yosia moko'olaio mbo'u luwuno raha pompesombaia i luwuno kota Samaria anu wineweudo luwuno mokole i Isaraeli ranta mokotesingkao tekuda-Do i Ue. A luwuno raha mpelahumoaa andio iweweuo mengkena kana anu wineweuno i Beteli.

2 Tawarika 13:8

Kanandio-andio impewowoloo nine komiu mempolio umaropio poparentaa-Do i Ue, anu a laro ngkaeno inuleno i Daudi, hangano mehadio komiu ka kongko ndi omiu anano sapi wulaa anu wineweuno i Yerobea gagi pesombaamiu.

2 Tawarika 31:1

Mansano luwuno andio tampulaomo, luwuno to Isaraeli anu mehawe, melako a luwuno kota i Yehuda. Domempuro-puroo luwuno tugu lahumoa, domerongkao luwuno karuno pelahumoaa, ka pobangkuo luwuno po'ianga pesombaa ka meda pontunua pesomba i luwuno Yehuda ka Benami, saru i Eparai ka Manase, ranta tampula luwu. Ka i'amba luwuno to Isaraeli mpekule i luwuno kotano, singge mia a ntia pusakano.

Yeremia 10:14

Sompo mia mengkaa benge-benge, nahina tino'orino, ka sompo mia anu pande mo'angga wulaa gagi mokoko'ii hangano tinaha wineweuno. Hangano tinaha tinawano butu pompopo'oo, nahina penaa i larono,

Yeremia 48:13

Moabi ta gagi mokoko'ii hangano pinesombai Kamosi, kana suku Isaraeli gagi mokoko'ii hangano Beteli, pinerorohido.

Yeremia 50:2

”Pauomo i olodo luwuno tongku ka paleleomo, wuatako iramo bandera ka paleleomo, si wunio, pauomo: Babeli pinongko'alaomo, Pinesombai Bela pinokoko'ii, i Merodaki tededengke! Luwuno tinahano pinokoko'ii, luwuno lahumoano ntededengke!

Hosea 10:2

Aroado pande mpe'akala, kanandio-andio asalakono domentembio poko'ariano. Luwuno meda pontunua pesombado Ira rumawoo, luwuno tugu lahumoado Ira humoao.

Hosea 13:2

Maupo kanandio-andio tepahe ira ntehala, ka moweweu tiano koroino tinaha tinawa inso a nsalaka saru luwuno lahumoa, montonda saru ponto'orido; luwuno atuu wineweudo mia mpande mpoweweu. Pesombaakonomo pesomba ndi ondae!, paudo mia. Moikoomo mia woo-wooo ana nsapi!

Hosea 14:3

Wawaomo perongaakono luwuno pau andio, ka pepokulemo ndi Ondae i Ue; pepaumo ndi Ondae, ”I'oniniomo luwuno saala, ka Itarimaomo anu moiko. Gagi euno sapi, kami mpesombaakono mangakumami.

Mika 1:7

Luwuno tinahano ta pinuro, luwuno tambo pebelesuno ta tinunu, ka luwuno lahumoano Aku rumawo-rawoo; hangano inso a ntambo pebelesua atuu pinumpu luwu, ka ta wali gagi tambo pebelesu.

Habaku 2:18

Hapa tuduno tinaha pesomba pina'o, pina'ono anu weweuo? Hapa tuduno tinaha pesomba tinawa, anu mompaguru pegaupi atuu? Hangano anu weweuo me'ala-alao wineweuno, ka hinaano luwuno lahumoa wineweuno atuu beebe nahi dompepau.

WINEWEUDO TINENA 17:29

Hangano ontae te'inso a inule-Do Ue Ala, si tompompewowolo, nine tade-Do Ue Ala mengkena kana wulaa ke salaka ke watu, wineweu pepalindoa ka pandeno ntu'u mia.

WINEWEUDO TINENA 19:26

Kanandio-andio omiu isa'a mengkitao ka merongeo, kana'umpe i Paulu, komba butu i Epesu, sine mingki asa wawo wita Asia mbo'u ipopandei iramo ka mompokontesaa hadio mia ipotae, nine hapa anu wineweuno kaeno mia komba anu pinesombai.