Hosea 8:4 - Wunta Mempori

⁴ Mpopotoro iramo mokole, sine nahi dompesikeno ndi Ongkue; mpopotoro ira mia pinemota'u, sine nahi Kuto'orio. Inso a wulaa ka salaka domeweweuo luwuno lahumoa tiado ondaedo, ranta ka domempinokotampula.

Hosea 8:4 ပူးပေါင်းရင်းမြစ်များ

1 Mokole 12:28

Umarino mo'ema patudu, ondae mokole moweweu orua ana nsapi laki inso a wulaa. Ka i'amba motae ndi ondae, ”Sompoomo tehineno imelako i Yerusale. Hei Isaraeli, imengkitaomo pinesombaimiu anu wawakomiu mpeluarako inso i wita Masiri.”

1 Mokole 13:34

Mongkona atuu gagi halado somborino i Yerobea, ranta ka domerinopu inso i wawontolino.

1 Mokole 16:31

Napi pesompoo tuwu a laro luwuno halano i Yerobea anano i Nebati, i'alao mbo'u i Isebeli, anano i Etiba'ali, mokoledo to Sidoni, gagi kombiano, ranta kai lako mesomba a Baala ka ipenggolontu melangkaio.

Yeremia 16:20

Polioke mia moweweuakono koroino onaeno luwuno pinesombai? Anu wineweuno atuu komba Ondae Ue Ala!”

Yehesikieli 18:31

Tadiomo inso ndi omiu luwuno polalo songka anu wineweumiu ndi Ongkue ka pokowo'ohuomo aroa ka penaamiu! Tembioke asalakono komiu memate, hei suku Isaraeli?

Danieli 3:1

Mokole Nebukanesa moweweu asa tinaha wulaa, mantandeno nomo pulu hiku ka maluano onoo hiku anu pinontadeno i lembono Dura i wita Babeli.

Hosea 13:1

Mansano mepau i Eparai, mpondidi-ndidi iramo mia; onae inunde-unde i Isaraeli, sine onae saala hangano Baala, umarino atuu mateomo.

Hosea 13:11

Kupoweeakomu asa mokole a laro ntekuda-Ku ka umalao a laro mosa'o-Ku.

Hosea 13:2

Maupo kanandio-andio tepahe ira ntehala, ka moweweu tiano koroino tinaha tinawa inso a nsalaka saru luwuno lahumoa, montonda saru ponto'orido; luwuno atuu wineweudo mia mpande mpoweweu. Pesombaakonomo pesomba ndi ondae!, paudo mia. Moikoomo mia woo-wooo ana nsapi!

Hosea 2:8

Onaemo pu'uno Aku wali umalao gandu-Ku i tempono ka anggoro-Ku i tempono, Aku wali sumintakio sawu wulu bimba ka sawu lena-Ku anu tumutuwio anuno.

Hosea 8:3

To Isaraeli nahi tarimao anu moiko; po'ineeomo ka iluluo iwali!

I MATIU 25:12

Sine sumangki: Kupauakomiu, menteeano nahi kuto'ori komiu.

I LUKASI 13:25

Tewala mentadeomo umbu raha ka itondoomo pewowa, komiu mpentade i bungkuno ka metingko-tingkoo tondo saru mpotae: Ue, I'ungkahiakami tondo! Ka Ira sumangki ka motaeakomiu: Nahi Kuto'orio ba isua ime'inso.

I LUKASI 13:27

Sine Ira motaeakomiu: Nahi Kuto'orio ba isua ime'inso, impolaimo inso i aro-Ku, hei luwumiu anu mpoweweu mosa'o!

I YOHANE 10:14

Ongkuemo Puu Pompakambi anu moiko ka Kuto'ori ira bimba-Ku ka bimba-Ku domento'ori Aku

GALATIA 4:9

Sine kanandio-andio umarimiu mento'ori Ira Ue Ala, ke moikoopo, umari-Do tumo'ori komiu Ue Ala, kana'umpeke ka komiu mpepokule mbo'u a mperupa-rupa pabawano wawontolino anu molema ka mongkokolaro ka mpompu'u mpe'atao mbo'u koroimiu ndi onae?