Hosea 8:14 - Wunta Mempori

¹⁴ I Isaraeli kumolupeo anu mokogagio ka montadeo luwuno langkanae; i Yehuda mokohadioo kota mebente; sine Aku mompotola api i larono luwuno kotado, ka i'amba luwuno bente ka langkanaedo ta kumaano.

Hosea 8:14 ပူးပေါင်းရင်းမြစ်များ

1 Mokole 12:31

Iweweu ira mbo'u raha mpesombaa po'unde-undea lahumoa ka ipotoro ira sando mpesomba inso a mpalili anu komba inuleno i Lewi.

1 Mokole 16:31

Napi pesompoo tuwu a laro luwuno halano i Yerobea anano i Nebati, i'alao mbo'u i Isebeli, anano i Etiba'ali, mokoledo to Sidoni, gagi kombiano, ranta kai lako mesomba a Baala ka ipenggolontu melangkaio.

2 Mokole 18:13

Ia ta'u kohopulu ka opaa poparentaano mokole Hisikia, i Sanaheri mokoledo to Asuri lumako sumapoio luwuno kota mebente i wita Yehuda, ka i'amba mongko'alao.

2 Tawarika 26:10

Iwangu ira mbo'u menara i pada one ka mongkeke hadio sumuru, hangano hadio pinotuwuno, moiko a Lembono maupo a wita Mantandeano. Onae hinao puu mpelereno ka puu mpodagaino lere anggoro, a luwuno torukuno ka wita anu mewalo, hangano i'ineheno mepinopaho.

2 Tawarika 27:4

Iwanguo mbo'u luwuno kota i mentorukuno Yehuda ka luwuno bente saru menara a luwuno tobu.

Po'unde-unde 106:21

Domengkolupe Ira Ue Ala anu kumadudui iramo, anu mokomengkaaomo langkaino pabawa-Do i Masiri:

Po'unde-unde 95:6

Pewinsomo, aiwamo tompenggolontu mpesomba, mpenggolontu i aro-Do i Ue anu mokogagi kita.

Yesaya 17:10

Hangano ukolupe Iramo Ue Ala anu kumaduduiko, ka nahi upewowoloo torukuno watu rosomu. Onaemo pu'uno, maupo upoweweu lere anu tekosi ka mompahoakono pinopaho anu inso a wita susua,

Yesaya 29:23

Hangano, i tempono domengkitao inuleno, hapa anu wineweuno kae-Ku i tongado, ira mpokomemporio nee-Ku; ira mpokomemporio Anu Tedoa Memporino i Yako, ka dontededengkeako Ira Ue Alado to Isaraeli;

Yesaya 42:13

Ondae i Ue meluarako metea kana pongkiari, kana sorodadu Dopokingkio roso-Do metea; maroa Ondae kokora-kora, oo, mebooli Ira hio, a luwuno iwali-Do Dopokomengkaao pongkiari-Do.

Yesaya 42:25

Onaemo pu'uno, Do'uwuo ndi onae mokulano tekuda-Do ka mongkokongirino peteaa, anu mokomo'aio inso a luwuno siuno, sine nahi pe'o'oleakono, ka anu tumunuo, sine nahi pekokoongakono.

Yesaya 43:21

bawaa anu Kuweweuo tia-Ku ira mempaleleo telele-Ku.”

Yesaya 9:10

Onaemo ka Dotena ira i Ue tadulako sorodaduno i Resini umewai ira, ka lumelu ira iwalido:

Yesaya 9:9

”Rere watu tela tebangku, towali mpontadeo inso a watu anu pinolei; keu ara mentinuehi, tome'euakono keu arasi.”

Yeremia 17:27

Sine tewala nahi mperorongea-Kune ka impokomemporio oleo Saba ka nahi mpowawa parewa telalo a luwuno pewowa langkaino Yerusale a oleo Saba, asalakono a luwuno mpewowa langkaino Aku molangao api, anu ta kumaano ka ipingko luwuno benteno Yerusale, ka anu nahi pinokompepate.”

Yeremia 2:32

Polioke asa ana beine kumolupeo peramba-rambano, ke asa umbungkoroi beine kumolupeo peboo ntongano? Sine bawaa-Ku domengkolupe Akumo, nahi pinokodoa mbo'u tehineno.

Yeremia 23:27

anu mpontooako luwuno mo'ipido anu domentutuluo a asa mia ka anu susua, weweu ira bawaa-Ku mengkolupeo nee-Ku, mengkena kana uempu'udo mengkolupeo nee-Ku hangano Baala?

Yeremia 3:21

Rongeo! A wawo luwuno pongku londa teronge pengesedo nana'ote Isaraeli anu mpo'ema ntu'u, hangano mpobiniki iramo sala anu tesaa, ka kumolupe Ira i Ue, Ue Alado.

Yeremia 5:17

Ira mengkaano ka ipingko hasilino sinowimu ka kaangamu, mengkaano ka ipingko anamu tama ka beine, mengkaano ka ipingko bawaano bembe bimbamu ka sapimu, mengkaano ka ipingko keu anggoro ka keu aramu, ka merawo-rawoakono ponai luwuno kotamu anu mebente, anu pinerorohimu.”

Yehesikieli 23:35

Onaemo pu'uno, kanandiomo pau-Do Ue Ala: Hangano omue kumolupe Aku ka mebungkui Aku, kanandio-andio tembiomo asa-asamu mokoburumu ka pebelesumu.”

Hosea 13:6

Tempono domempinakambi, memowohi ira; mansado memowohi, mpopelangka-langkai ira. Onaemo pu'uno ka domengkolupe Aku.

Hosea 2:13

”Onaemo pu'uno, menteeano Aku popandeio ka wawao i pada one, ka i'amba mepau mokorodoo aroano.

Hosea 4:6

Bawaa-Ku memasola hangano nahi doto'ori Ira Ue Ala; hangano nahi utarimao ponto'oria atuu, Ongkue mbo'u nahi Aku tumarimako gagi sando mpesomba-Ku. Hangano ukolupeo pompaguru-Do Ue Alamu, Ongkue mbo'u Aku kumolupe ira anamu.

Amosi 1:10

Aku mompotola api a laro rere watu Tirusi, ka benteno mo'ai luwu.”

Amosi 1:12

Aku mompotola api a laro Temani, ka benteno i Bosora mo'ai luwu.”

Amosi 1:14

Aku molangao api a rere watu Raba, ranta luwuno bente mo'ai luwu, tinondaako pohio i tempo peteaa, tinondaako opue i tempono melompiu.

Amosi 1:4

Aku mompotola api a laro langkanaeno i Hasaeli, ranta luwuno benteno i Benihada mo'ai luwu;

Amosi 2:5

Aku mompotola api a laro Yehuda, ranta luwuno bente Yerusale mo'ai luwu.”

EPESU 2:10

Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

Winali 32:18

Torukuno Watu anu gagi amamiu nahi mperioo, ka Ondae Ue Ala anu me'anaakomu, imengkolupeo.