Hosea 8:13 - Wunta Mempori

¹³ Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Hosea 8:13 ပူးပေါင်းရင်းမြစ်များ

Peluarakoa 20:3

Si hina ndi omiu ue ala anu susua i aro-Ku.

Peluarakoa 32:34

Kanandio-andio lakomo, wawa iramo tongku atuu a mpo'ianga anu umariomo Kupauakomu. Mala'eka-Ku ta melempa i aromu. Sine i oleo pombaloa-Ku, mia atuudo Aku humuku ira hangano halado.”

Powadi 21:27

Pesombano mia mosa'o gauno atuu mokoburu, tamoako mbo'u tewala pinesombaako a ntinoo anu mosa'o.

Yesaya 1:11

”Hapa tuduno ndi Ongkue pesombamu anu ntehohadio?” Pau-Do i Ue; ”Kute'osaakonomo luwuno pesomba tinunu kana bimba lakino ka tabano ana nsapi anu mewalo. Reano sapi ka anano bembe-bimba lakino nahi Kupe'eheo.

Yeremia 14:10

Kanandiomo pau-Do i Ue mongkona tongku andio, ”Ondae tedoa mensanaa mpelakopi ka nahina umontoo karudo. Onaemo pu'uno nahi Dopemoiko ira i Ue. Kanandio-andio Ira rumambeo salado ka humuku ira hangano halado.”

Yeremia 6:20

Hapake tuduno ndi Ongkue impowawa dupa inso i Sieba ka towu anu moiko inso i wita anu olai? Nahi Kupekono ira pesomba tinunumiu ka luwuno pesomba sinumbelemiu nahi pokonsanaa Aku.

Yehesikieli 29:16

Ondae nahi gagi mbo'u pine'ala-alado suku Isaraeli, sine tendeano mopoto'oriakono Isaraeli salado tempono dompepokule ndi ondae mpepetulungi. Ka Masiri ta tumo'orio nine Ongkuemo Ue Ala.”

Hosea 11:5

Kombake ondae asalakono mpekule i wita Masiri? Po'ineeomo Asuri gagi mokoledo, hangano nahi domebehe ntepidi.

Hosea 12:11

Mepau Akumo a luwuno nabi, mompowee hadio anu kinita, ka molalo luwuno nabi Kupohaweo pandiri.

Hosea 4:9

Kana anu gagi a mpalili, kanandio koa mbo'u a nsando mpesomba: Aku humukuo hangano luwuno pomputusino ka luwuno wineweuno Aku sumuloakono.

Hosea 5:6

Saru asa bawaa bembe bimba ka sapi pesomba, domelako umungke Ira i Ue, sine nahi dohawe Ira; Dobinta iramo.

Hosea 6:6

Hangano inehe-Ku petenunu mompehohawa ka komba pesomba sinumbele; Inehe-Ku ponto'oria mongkona Ondae Ue Ala, laluaopo sekono pesomba tinunu.

Hosea 7:11

I Eparai gagiomo kana marapatii anu momperorongeako, nahi pompewowolo; a nto Masiri dompebooli, a nto Asuri domelako.

Hosea 7:16

Mpepokule ira sine komba ndi Ondae Anu i Wawono, ondae kana pana anu teposule pe'aroano; luwuno mia pinemota'udo ira memateako ponai, hangano elodo bukeako pontotonaa. Onaemo pasinggiri ndi ondae i wita Masiri te'ipua.

Hosea 7:2

Nahi dompokompewowoloo i laro aroado, nine Kupewowoloo luwuno wineweudo anu mosa'o. Maupo kanandio-andio luwuno wineweudo kumadu ira, luwuno kongko i aro-Ku.

Hosea 9:6

Hangano moiko koa dompeliahako inso a mporopua, sine Masiri ta pumpu ira, Mepisi ta kumaburu ira. Rui ta tumutuwio luwuno sangka salakado anu masuli olino; ewo rui ta tuwu a laro luwuno kemado.

Hosea 9:7

Haweomo luwuno oleo pohukua, haweomo luwuno oleo pombaloa, asalakono ka ito'oriomo Isaraeli, ”Nabi onaemo mia benge-benge, mia anu bukeako penaa onaemo mia mekombe!” Tendeano hangano langkaino salamu ka lansarano pe'iwalimu.

Hosea 9:9

Tedoa ondalo domepansia kana a luwuno oleo Gibea; Ira mototoio salado ka ta hinuku halado.

Amosi 3:2

”Butu omiu anu tino'ori-Ku inso a luwuno suku i wawontolino. Onaemo pu'uno Aku humuku komiu hangano luwuno salamiu.

Amosi 5:22

Maupo impesombaakono ndi Ongkue luwuno pesomba tinunu ka pesomba kaangamiu, nahi Kubehe, ka pesomba tekaduduiamiu onaemo pinotuwu anu mewalo, nahi Aku kumitao.

Amosi 8:7

Ondae i Ue mesumpa Iramo a mpo'undeno i Yako, ”Menteeano nahi Aku hori kumolupeo luwuno wineweudo!

I LUKASI 12:2

Nahina maupo te'asa anu tetutuwi anu nahi ta inungkahi ka nahina maupo te'asa anu tewuni anu nahi ta tino'ori.

1 KORINTI 11:20

Tewala ntepumpu komiu, komba ntepumpu komiu pongkaa a pelimbua-Do i Ue.

1 KORINTI 11:29

Hangano ba isema mongkaa ka mo'inu nahi tuduo koroi-Do i Ue, moweweuomo hukuno koroino.

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

Winali 28:68

Ondae i Ue Ira wawa komiu mpekapala mpekule i wita Masiri, telalo a nsala anu Kupauomo ndi omiu, ”Nahi komiu mengkitao mbo'u.” I ra'ai komiu me'asao koroimiu a iwalimiu gagi ata ntama ka beine, sine nahina anu mo'oli.

MENGKAAA 16:19

Ka i'amba tebansiomo kota langkai atuu gagi otolu ntia ka mentehoa iramo kotado luwuno tongku anu nahi domento'ori Ira Ue Ala. Ka Dorambeo Ue Ala Babeli anu langkai atuu ka Dopoweeakono tonde anu bukeako anggoro bamburuno tekuda-Do.

1 Samueli 15:22

Sine ipotae i Semueli, ”Nde Ira memoikoo i Ue pesomba tinunu ka pesomba sinumbele, mengkena kana momperorongeako pau-Do i Ue? Menteeano, moikoopo momperorongeako, sekonopo pesomba sinumbele, tumondao songka-Do, moikoopo sekono tabano bimba laki.