Hosea 8:10 - Wunta Mempori

¹⁰ Maupo dompontia-tia pompowee atuu i olodo luwuno tongku, kanandio-andio Aku pumpu ira, ranta nami tehine mbo'u ira mpopu'u mentembio tembia inso a mokole ka luwuno anu pabawa.

Hosea 8:10 ပူးပေါင်းရင်းမြစ်များ

2 Mokole 14:26

Dokitaomo i Ue tedoa mopa'ino tebobarasaido to isaraeli, pingkoomo luwu moiko anu tetanggo ke anu tola ka nahina anu tumulungi ira to Isaraeli.

2 Mokole 17:3

I Salamaneseri, mokoledo to Asuri lumako umewaio. I Hosea gagi atano ka mo'owahi peki'ue ndi onae.

2 Mokole 17:4

Sine mokoledo to Asuri mohawe tepo'asaa umewa ndi Hosea anu tumena iramo mia melako ndi So, mokoledo to Masiri, ka nami pompesombaako mbo'u peki'ue ndi mokoledo to Asuri, kana wineweudo sompo ta'u. Onaemo pu'uno mokoledo to Asuri rumakoo ka itorungkuo.

1 Tawarika 5:26

Onaemo ka Doleluo Ue Alado to Isaraeli aroano i Puli, onaemo i Tiligati-Pileneseri, mokoledo to Asuri. Mokole atuu wawa ira a mpontadia: to Rube, to Gadi ka suku Manase anu entongano atuu. Iwawa ira i Halahi, i Habori, i Hara ka korono i wita Gosani; mekongko ira i ra'ai hawe oleo andio.

Yesaya 10:8

Ipotae, ”Kombake tadulako sorodaduku atuu luwuno mokole?

Yesaya 30:2

Ondae mpelungka melako i Masiri nahi dompo'ema pomputusi-Ku, ira mpepekadudui ndi Pirao ka mpepetaloi i totono pabawano Masiri.

Yesaya 36:13

Ka i'amba i rabi-sakehi atuu mentadeomo ka ipebooli meroku a mpau Yehuda, ipotae, ”Rongeomo paudo mokole langkai, mokoledo to Asiuri!

Yeremia 42:2

Dompotae ndi nabi Yeremia, ”Po'ineeomo po'emamami ka ihawe i aromu! Pekakaiakamimo ndi Ondae i Ue, Ue Alamu, tiado luwuno anu da mentuwu andio. Hangano, butumo koa omami anu mentuwu, tedeimo koa inso a mia anu hadio, kana anu ukitaakonomo matamu.

Yehesikieli 16:33

Mia mpoweeako ira tambo a luwuno beine belesu, sine omue posuleno. Omue moweeako ira pompowee gagi pompopandei a luwuno anu kumekewoiko ka moweeako ira pompowee nahi pototono ka inso a mpehori-horimu me'aiwa ndi omue ka impebelesu.

Yehesikieli 16:37

mentee ntu'u, onaemo pu'uno Aku pumpu ira luwu pinehohawamu, ondae anu mempopandeio aroamu, moiko anu kinekewoimu maupo anu ino'aliaakomu. Aku pumpu ira inso a mpehori-horimu ka dome'ewaiko ka mesungkeo pinekaria winunimu i arodo, ranta ka domengkitao luwu kolambe-lambemu.

Yehesikieli 22:20

Kana mia mopumpu salaka, mala, labu, tima mo'ito, ka tima mopute a laro pompokolonoa ka mompuuriakono api i totono ka ipokolonoo, kanatuumo Aku pumpu komiu a laro ntekuda-Ku ka mukulano tekuda-Ku saru numaa komiu i larono, umarino atuu mokolono komiu.

Yehesikieli 23:5

I Ohola mebelesu sekono onae mia-Ku. Onae tesingka a luwuno kinekewoino, a nto Asuri, luwuno sorodadu

Yehesikieli 26:7

Hangano, kanandiomo pau-Do Ue Ala: Mentee ntu'u, Aku wawao i Nebukanesa, mokole i Babeli inso i utara, mokoledo luwuno mokole, ka i'ewaio Tirusi mompake ngara, kareta, sorodadu mpengara, ka tepumpuno sorodadu anu hadio.

Danieli 2:37

Oo ueku mokole, mokoleno luwuno mokole, Ondae Ue Alano asa wawo langi meweengakono ndi omiu ueku poparentaa, pabawa, roso ka marambaa.

Hosea 10:10

Montonda po'ehe-Ku Aku sumepi ira. Luwuno tongku ira mpepumpu umewai ira, tempono domensinepi hangano hadiono salado.

Hosea 12:2

I Eparai mompakambi angi, ka molulu angi sabaano oleo asa oleo, mompokohadio pegaupi ka pobobarasai. Mpowutu ira pedandia saru Asuri, ka mpowawa lana a nto Masiri.

Hagai 2:6

Onaemo atuu dandi anu Kupokohinaomo saru omiu tempono impeluarako inso i Masiri. Penaa-Ku ta kongko mo'ia i tonga-tongamiu. Siimo imedoito.