Hosea 7:2 - Wunta Mempori

² Nahi dompokompewowoloo i laro aroado, nine Kupewowoloo luwuno wineweudo anu mosa'o. Maupo kanandio-andio luwuno wineweudo kumadu ira, luwuno kongko i aro-Ku.

Hosea 7:2 ပူးပေါင်းရင်းမြစ်များ

Ayubi 34:21

Hangano mata-Do dumagaio sala ntumuwuno mia, ka Dokitao luwuno pelempano;

Po'unde-unde 10:11

Onae mepau i laro aroano, ”Ondae Ue Ala kumolupeo; Ondae wunio rupa-Do, ka nahi ta hori mbo'u kumitao.”

Po'unde-unde 25:7

Luwuno hala tempono kumongura luwuno peleluku anu nahi pontonda songka siimo Irambeo mbo'u, menunu saru pompehohawa-Miu, Irambe akumo a moikoa-Miu, oo Ue.

Po'unde-unde 50:22

Pekokoongakonomo andio, hei omiu anu kumolupe Ira Ue Ala; ka si Kupomperangkami, ka nahina anu motolao.

Po'unde-unde 9:16

Luwuno tongku saampu a laro aa anu wineweudo, karudo kona rako a laro buani anu pinasado ondaedo.

Po'unde-unde 90:8

Salamami Inaao i aro-Miu, tendeano maupo anu tewuni a laro wantano rupa-Miu.

Yesaya 1:3

Sapi tumo'orio ueno, sine to Isaraeli naahi; kalide tumo'orio dulano ueno, sine bawaa-Ku naahi.”

Yesaya 26:16

Oo Ue, a laro ma'isoa dome'ungke Komiu; tempono pohuku-Miu umalu ira, mpe'anaiki ira a laro mpekakai.

Yesaya 44:19

Nahina anu tumimbangao, nahi sompo ponto'ori ke mokonto'orio ka ipauo, ”Entongano kutunuomo a laro api ka a wawo warono mbo'u kutunuo roti, kuraramio bau, ka ku'amba kumaano. Kana'umpe ta moiko toreano kuweweuo gagi lahumoa minokoburuako? Kana'umpe aku menggolontu mesomba a ngkeu motu'i?”

Yesaya 5:12

Katapi ka gambusu, rebana ka siloli, saru anggoro mokomaroao luwuno pogawedo, sine wineweu-Do i Ue nahi pinelangkai ka inangga-Do i Ue nahi pinerio.

Yeremia 14:10

Kanandiomo pau-Do i Ue mongkona tongku andio, ”Ondae tedoa mensanaa mpelakopi ka nahina umontoo karudo. Onaemo pu'uno nahi Dopemoiko ira i Ue. Kanandio-andio Ira rumambeo salado ka humuku ira hangano halado.”

Yeremia 16:17

Hangano mata-Ku te'aro a luwuno peleludo. Luwuno atuu nahi tewuni inso a pongkita-Ku, ka sala mpoweweudo mbo'u nahi tererei inso a pongkita-Ku.

Yeremia 17:1

”Halano Yehuda teburiako pena labu memata inta, tenggori a laro aroano ka a ntandu-tanduno meda pontunuado pesomba

Yeremia 2:19

Pelelumu anu mosa'o ta humukuko, ka ipehapuakono pompe'ala-alano ta bongoko! To'oriomo ka kitaomo, tedoa mosa'o ka mopa'ino tempono ubinta Ira i Ue, Ue Alamu; ka nahi udoito ndi Ongkue, kanandiomo pau-Do i Ue Alano luwuakoano.

Yeremia 32:19

langkai a laro ntinoo-Miu ka maramba a wineweu-Miu. Mata-Miu tewile kumitao luwuno peleludo anano mia anu paguruo sompo mia menunu saru peleluno ka menunu saru wuano wineweuno.

Yeremia 4:18

Pelelumu ka wineweumu pepu'uano ka i'aluko luwuno andio. Onaemo hukumu, mopa'i ntu'u, ranta dumuhuo atemu.”

Yeremia 44:21

”Pesomba anu tinunumiu ka uempu'umiu, luwuno mokolemiu ka luwuno mia pinemota'umiu, saru palili i wita andio a luwuno kotano Yehuda ka a luwuno sala i Yerusale, kombake luwuno atuu anu tendeano Dopewowoloo i Ue ka anu kinita-Do?

Yehesikieli 21:29

Maupo hinao luwuno pongkita anu nahi upementeeo ka luwuno tino'ori anu nahi upe'ala-alao, ponai atuu ta ninaa a we'udo mia mosa'o gaudo anu mpebungkui Ira i Ue, anu tempono haweomo tiano pohukua pokotompa.

Hosea 12:2

I Eparai mompakambi angi, ka molulu angi sabaano oleo asa oleo, mompokohadio pegaupi ka pobobarasai. Mpowutu ira pedandia saru Asuri, ka mpowawa lana a nto Masiri.

Hosea 4:9

Kana anu gagi a mpalili, kanandio koa mbo'u a nsando mpesomba: Aku humukuo hangano luwuno pomputusino ka luwuno wineweuno Aku sumuloakono.

Hosea 6:2

Ira motuwu kita umarino orua oleo, ia oleo ko'otolu Ira wangu kita, ka kita mentuwu i aro-Do.

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Hosea 9:15

Luwuno wineweudo mosa'o gagi i Giliga, mentee ntu'u, maupo i ra'ai Ku'o'aliaako ira. Hangano mosa'ono luwuno wineweudo, Aku sumaari ira inso i raha-Ku. Nahi Aku mehohawa ira mbo'u; luwuno mia pinemota'udo onaemo puu mpe'ewa.

Hosea 9:9

Tedoa ondalo domepansia kana a luwuno oleo Gibea; Ira mototoio salado ka ta hinuku halado.

Amosi 8:7

Ondae i Ue mesumpa Iramo a mpo'undeno i Yako, ”Menteeano nahi Aku hori kumolupeo luwuno wineweudo!

Yunu 1:2

”Lakomo pontuturako i Niniwe, kota anu langkai atuu, pebooliakonomo pepopoto'ori ndi ondae, hangano wineweudo mosa'o haweomo ndi Ongkue.”

Podoaa 32:23

Sine tewala nahi mpoweweu kanatuu, mentee ntu'u ntehala komiu ndi Ondae i Ue, ka komiu mpopembasai, nine halamiu atuu ta umalukomiu.

I LUKASI 12:2

Nahina maupo te'asa anu tetutuwi anu nahi ta inungkahi ka nahina maupo te'asa anu tewuni anu nahi ta tino'ori.

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

Winali 32:29

Tewala mempande ira pompewowolo, manasa ira mento'orio anu kanandio, ka mperioo tampulaado.

IBARANI 4:13

Ka nahina maupo te'asa anu tuwu tewuni i aro-Do, hangano luwuakoano nahi tetutuwi ka te'ungkahi i arono mata-Do, anu ndi Ondae asalakono kita mentanggumio.