Hosea 7:16 - Wunta Mempori

¹⁶ Mpepokule ira sine komba ndi Ondae Anu i Wawono, ondae kana pana anu teposule pe'aroano; luwuno mia pinemota'udo ira memateako ponai, hangano elodo bukeako pontotonaa. Onaemo pasinggiri ndi ondae i wita Masiri te'ipua.

Hosea 7:16 ပူးပေါင်းရင်းမြစ်များ

Po'unde-unde 12:3

Luwuno mia pompau pegaupi, asa mia a anu susua, ondae mpepauako wiwi anu mo'ahi ka aroa anu mesampa.

Po'unde-unde 12:4

Po'ineeomo Ue Iseseio luwuno wiwi anu mo'ahi ka sompo elo anu labampau.

Po'unde-unde 12:5

Dompotae, ”Saru elomami, omami mponangi! Wiwimami bisa mompau hapamo koa! Nde isemake uemami?”

Po'unde-unde 17:10

Aroado tetondo a mpe'aroa mompehohawa, ondae melaba mpau;

Po'unde-unde 52:2

tempono i Do'egi, to Edomi, aiwa pauakono i Saulu nine i Daudi haweomo a rahano i Abimele.

Po'unde-unde 57:4

Ira montena anu montulungi inso i suruga ka kumadudui aku, tumaroio mia anu lumulu aku. Sela Ondae Ue Ala Ira tumenao pompehohawa ka mentee-Do.

Po'unde-unde 73:9

Ondae mpenganga umewaio langi, ka elodo melaba mpau i tolino.

Po'unde-unde 78:37

Aroado nahi petako ndi Ondae, ka nahi dompetenunu a mpedandia-Do.

Po'unde-unde 78:57

domebintao pompe'ala-alado ka mehapuo pedandia kana uempu'udo, mpepokule kana pana anu mepokule lakoano;

Yesaya 3:8

Mentee ntu'u, Yerusale tetiduomo ntu'u ka Yehuda tekale-kaleomo; hangano pau ka wineweudo ndi Ondae i Ue, umewaio maramba-Do.

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

Yeremia 3:10

Umarino weweuo luwuno andio i Yehuda mbo'u, pepaekompono beine anu nahi petenunu atuu, mekule ndi Ongkue nahi moleo aroano, tendeano butu mo'onde-onde, kanandiomo pau-Do i Ue.”

Yeremia 42:18

Mentee ntu'u, kanandiomo pau-Do Ueno luwuakoano, Ue Alado to Isaraeli: Kana te'uwuno tekuda-Ku ka mokulano mosa'ono aroa-Ku a mpalilino Yerusale, kanatuumo ta te'uwu mokulano mosa'ono aroa-Ku ndi omiu, tewala omiu melako i Masiri. Komiu megagi totonaa, mongkokongiria, pontotonaa ka mokoko'iia; nahi komiu mengkitao mbo'u po'ianga andio.

Yehesikieli 23:32

Kanandiomo pau-Do Ue Ala: Omue asalakono mo'inu inso a mpialano akamu, piala anu ondalo ka malua, onaemo piala anu hadio ihino; omue gagi pengingisia ka pasinggiria.

Yehesikieli 36:20

Maupo isua domelako i olodo luwuno tongku, domengkokoburutio nee-Ku anu mempori, tempono domempasinggiri ira mia: Dompotae ondae bawaa-Do i Ue, sine ondae asalakono mpeluarako inso i wita-Do.

Danieli 7:25

Onae ta pauo pau anu umewai Ira Anu Tedoa Mantande, bobarasai ira mia mempori-Do Anu Tedoa Mantande, ka merokuhi balio tempo ka songka. Ira mempineweengako a ngkaeno i larono asa tempo ka orua tempo ka entonga tempo.

Hosea 11:5

Kombake ondae asalakono mpekule i wita Masiri? Po'ineeomo Asuri gagi mokoledo, hangano nahi domebehe ntepidi.

Hosea 11:7

Bawaa-Ku mpekorahako mpebungkui Aku; Mpebooli ira a Baala ka mpenaa-naa mpelangkaio nee-Ku.

Hosea 6:4

Hapa anu Aku weweuo ndi omue, hei Eparai? Hapa anu Aku weweuo ndi omue, hei Yehuda? Pompehohawamu kana gawu mo'oru, ka kana tontoru anu moliu tempono mo'oru.

Hosea 7:13

Masola iramo, hangano mpolai ira inso ndi Ongkue! Masola iramo, hangano dome'ewai Aku! Behe Aku tumolosi ira, sine mpegaupi ira ndi Ongkue.

Hosea 9:3

Nahi ira mpo'ia mpiha i wita-Do i Ue. I Eparai asalakono mekule i Masiri, ka i Asuri ira mpongkaa kaanga mokoburu.

Hosea 9:4

Nahi ira mpotawa anggoro gagi pesomba ndi Ondae i Ue ka pesomba sinumbeledo nahi ta mokonsanaao aroado. Rotido kana roti pompemasusa, sompo mia anu kumaano ta gagi mokoburu, hangano rotido butu tiado ondaedo, nahi moiko iwinawa a laro raha-Do i Ue.

Hosea 9:6

Hangano moiko koa dompeliahako inso a mporopua, sine Masiri ta pumpu ira, Mepisi ta kumaburu ira. Rui ta tumutuwio luwuno sangka salakado anu masuli olino; ewo rui ta tuwu a laro luwuno kemado.

Maleaki 3:13

Luwuno paumiu tedoa mosa'o a mpau-Do i Ue. Sine mpotae komiu, ”Paumami anu isua umewai Komiu?”

Maleaki 3:14

Mpotae komiu, ”Nahina tuduno mesomba ndi Ondae Ue Ala. Hapake urano tompekariao pompakosi-Do ka mpelempa saru sangka po'inombo i aro-Do Ueno luwuakoano?

I MATIU 12:36

Sine Kupauakomiu: Sompo pau anu nahina tuduno anu pinauno mia asalakono pinopotembiako a oleo pobitaraa.

I LUKASI 8:13

Anu tedonta a wita anu melaro watu atuu onaemo mia, anu mansado merongeo pau atuu, mawongko aroado mentarimao, sine ondae atuu nahi pehaka, sarai koa dompe'ala-alao ka a tempo po'ara-arahakoa mpeposuka ira.

YAKOBU 3:5

Kanandio koa mbo'u elo, maupo aasa parewano koroi anu kodei, sine mokompehamba-mabaako mongkona luwuno anu langkai. Kitao, maupo kana'umpe kodeino api, ipokosongkoo tobu langkai.

2 PETURU 2:8

hangano mia mentee andio mo'ia i tonga-tongado ka sompo oleo kumitao ka rumongeo luwuno wineweudo anu mosa'o atuu, ranta sumangano anu mentee atuu tebobarasai –

MENGKAAA 13:5

Ka a ngkondehora atuu pinoweeako ngangano, anu buke pompelangka-langkai ka pompepaukiako; ndi onae pinoweeako mbo'u pabawa ka iweweuo pato pulu ka orua wula tehineno.