Hosea 7:14 - Wunta Mempori

¹⁴ Nahi dompebooli ndi Ongkue inso i aroado, tendeano mperaaliki a mpepomboleado. Domensosorekio koroido hangano gandu ka anggoro, ka dome'ewai Aku.

Hosea 7:14 ပူးပေါင်းရင်းမြစ်များ

Peluarakoa 32:6

Tisomono mo'o-mo'oru mpopesombaako iramo pesomba tinunu ka pesomba tekaduduia. Ka do'amba tongku atuu mpentoro mpongkaa ka mpo'inu, umarino atuu mpentade pada mpewoo-woo.

Yesaya 29:13

Mepau Iramo i Ue, ”Hangano tongku andio aiwa me'umpedaako ngangano ka melangkaia-Kune wiwino, sine aroano olai inso ndi Ongkue, ka pesombano ndi Ongkue butu koa parentano mia anu hinapalano,

Yesaya 52:5

Sine kanandio-andio hapa mbo'u ta wineweu-Ku i ndi'ai? Kanandiomo pau-Do i Ue. Bawaa-Ku mewinawa iramo melako kanatuumo koa. Ondae anu mempabawaio me'unde-undeo koroido, kanandiomo pau-Do i Ue, ka nee-Ku pinepaukiako mpiha i larono asa ngkeu oleo.

Yesaya 65:14

Menteeano, luwuno tetenaa-Ku ira mengkokora-kora mpo'ude hangano mawongko aroado, sine komiu mperaali hangano masusa aroa, ka komiu mpengese hangano nahina pompe'osaia.

Yeremia 12:2

Omiu weweu ira tuwu ka dompehaka, ondae mentuwu mewalo ka mehasiliako wua. Omiu mpiha a wiwido, sine olai inso i aroado.

Yeremia 3:10

Umarino weweuo luwuno andio i Yehuda mbo'u, pepaekompono beine anu nahi petenunu atuu, mekule ndi Ongkue nahi moleo aroano, tendeano butu mo'onde-onde, kanandiomo pau-Do i Ue.”

Ponsabangi 2:18

Aroado mpebooli ndi Ondae i Ue. Hei, rere watuno ana beine Sioni, po'itiomo uwoi mata kana korono meene ka wongi; si po'ineeo koroimu menaa-naa, siimo irodo matamu!

Hosea 13:6

Tempono domempinakambi, memowohi ira; mansado memowohi, mpopelangka-langkai ira. Onaemo pu'uno ka domengkolupe Aku.

Hosea 13:9

Omue masola, hei Isaraeli, hangano omue umewai Aku, umewaio puu Mpontulungimu.

Hosea 3:1

Mepau Iramo i Ue ndi ongkue, ”Lakomo mbo'u, pekokonoomo beine anu hinao pinehohawano ka ineheno monsosabo, kana mbo'u Ondae i Ue mehohawa ira to Isaraeli, maupo dompewolili a luwuno pinesombai susua ka ineheno kukisi kisimisi pesomba kaanga.”

Hosea 8:2

Ndi Ongkue dompeboo-booli, ”Oo Ue Alaku, omami, to Isaraeli tumo'ori Komiu!”

Amosi 2:8

Ondae mpepombole i horino sompo meda pontunua pesomba a wawo sangka ginadedo mia, ka me'inuo anggorodo mia anu medinenda a raha-Do Ue Alado.

Amosi 8:3

Luwuno penani a mpo'ianga mempori ta gagi ponsabangi ia oleo atuu,” kanandiomo pau-Do Ue Ala. ”Hadio wata ngkoroi. Mia mpetadiakono isua-suamo koa. Penoro-noromo!”

Mika 2:11

Ande-andeno asa mia hawe saru hadio mpau mooa ka pegaupi, ipotae, ”Aku mompau anu ta gagi ndi omue mongkona anggoro ka ara,” ka onaemo anu tekona gagi mia anu mompau anu ta gagi a tongku andio!

Sakaria 7:5

”Pauako iramo luwuno palili ka a luwuno sando mpesomba, kanandio: Tempono imempuasa ka mposabangi a wula ko'olima ka ko'opitu i larono pitu pulu nta'u andio, nde mentee ntu'uke omiu mempuasaa-Kune?

ROMA 16:18

Hangano mia kanandiodo komba dompo'anggaako Ira i Kerisituu, Ueto, sine mpo'angga tiano kompodo ondaedo. Ka saru luwuno paudo anu mpo'o'ahiti ka pepaudo anu momoiko mopo'oo ira mia anu moleo aroado.

PILIPI 3:19

Tompaakoado onaemo masolaa, Uedo onaemo kompodo, marambado onaemo mokoburudo, pinewowolodo butu te'aro a ntuwu tolino.

YAKOBU 4:3

Ke mpekakai komiu koa, sine nahi mpontarima hapa-hapa, hangano sala impekakai, nde anu inemamiu atuu komiu mepingkoo mpotendeo po'eheno aroamiu.

YAKOBU 5:1

Gaagi kanandio-andio hei omiu mia mengkaea, impengesemo ka mensabangiomo marasaia anu ta umalukomiu!

Puu Mpobitara 9:27

Melako iramo ia lere mpopumpu wua anggorodo, domelandao kai tepuro'i, ka do'amba mpogawe. Melako ira a raha mpelahumoaado, mpongkaa ka mpo'inu saru mentotonaao i Abimele.