Hosea 7:13 - Wunta Mempori

¹³ Masola iramo, hangano mpolai ira inso ndi Ongkue! Masola iramo, hangano dome'ewai Aku! Behe Aku tumolosi ira, sine mpegaupi ira ndi Ongkue.

Hosea 7:13 ပူးပေါင်းရင်းမြစ်များ

Nehemia 1:10

Kombake luwudo andio tetenaa-Miu ka bawaa-Miu anu Ipotolaako iramo roso-Miu anu langkai ka kae-Miu anu moroso?

Ayubi 22:17

Ondae atuu mpepau ndi Ondae Ue Ala, ”Olaimo inso ndi omami!” ka ”Anu Tedoa Pabawa mokompoweweu hapa ndi omami?”

Po'unde-unde 106:10

Kanatuumo Dokadudui ira inso a ngkaeno anu mo'o'aliaako, tumolosi ira inso a ngkaedo iwali;

Yesaya 30:1

Masola ntu'u nana'ote anu umewa, kanandiomo pau-Do i Ue, anu weweuo tinoo anu komba inso ndi Ongkue, anu mewinsokio tepo'asaa, anu komba hangano Penaa-Ku, ranta ka dompohowu hala metiangi hala.

Yesaya 30:2

Ondae mpelungka melako i Masiri nahi dompo'ema pomputusi-Ku, ira mpepekadudui ndi Pirao ka mpepetaloi i totono pabawano Masiri.

Yesaya 31:1

Masola ntu'u mia anu lumako mepetulungi i Masiri, anu momperorohi ngara, anu mompe'ala-ala a ngkaretano anu hadio, ka a sorodadu mpengara anu tedoa hadio, sine nahi dompengkita ndi Ondae Anu Tedoa Mempori, Ue Alado to Isaraeli, ka nahi dome'ungke Ira i Ue.

Yesaya 41:14

Siimo doito, hei tolodo Yako, hei ule-ule Isaraeli! Ongkuemo anu tumulungiko, kanandiomo pau-Do i Ue, ka anu tumolosiko onaemo Anu Tedoa Mempori, Ue Alado to Isaraeli.

Yesaya 43:1

Sine kanandio-andio, kanandiomo pau-Do i Ue anu mokogagiko, hei Yako, anu weweuko, hei Isaraeli, ”Siimo doito, hangano Kutolosikomo, Kupoboikomo a neemu, omue onaemo mia-Ku.

Yesaya 59:13

mpe'ewa kamimo ka humapu Ira i Ue, ka mepansia inso ndi Ondae Ue Alamami. Mpontoo kami porontua ka mpoweweu anu molengku, mentiaako pegaupi a laro aroa ka mpe'anaakono a mpau.

Yesaya 63:8

Ondae mepau, ”Mentee ntu'u, ondaemo bawaa-Ku, nana'ote anu nahi ta moweweu molengku.” Ondaemo Puu Pongkaduduido

Yeremia 14:10

Kanandiomo pau-Do i Ue mongkona tongku andio, ”Ondae tedoa mensanaa mpelakopi ka nahina umontoo karudo. Onaemo pu'uno nahi Dopemoiko ira i Ue. Kanandio-andio Ira rumambeo salado ka humuku ira hangano halado.”

Yeremia 42:20

Imempopo'ooomo koroimiu ka gagi masolaano penaamiu, tempono imentena aku ndi Ondae i Ue, Ue Alamiu, saru mpotae: Pekakaiakamimo ndi Ondae i Ue, Ue Alato, ka pauomo a menteeano ndi omami hapa anu pinau-Do i Ue, Ue Alato, ka kimeweweuo!

Yeremia 51:9

Kami mpokotompao Babeli, sine nahi ta tompa. Bintaomo onae, aiwamo tompekule singge mia lumako i witano! Mentee ntu'u, pohukua haweomo i langi, tehaweomo a nseru!

Yeremia 7:15

Aku metadiakomiu inso i aro-Ku, mengkena kana luwuno inuleno i Eparai, pepaekompomu atuu, Kupetadiakonomo.”

Ponsabangi 5:16

Ramba-ramba ulu tedontaomo inso a ulumami. Wainto kamipo, hangano mpoweweu kamimo hala!

Yehesikieli 16:23

Umarino luwuno wineweumu anu mosa'o atuu – ’Masola, masolakomo!’ kanandiomo pau-Do Ue Ala –

Yehesikieli 18:2

”Hinao hapa saru omue, ranta ka imempauo popotundaa pau andio i wita Isaraeli: Luwuno ama mpongkaa wua momata ka ngisido anado gagi mongilu?

Yehesikieli 18:25

Sine, mpotae komiu: Wineweu-Do i Ue nahi kona ntu'u! Rongeomo ari, hei suku Isaraeli, hapake wineweu-Ku anu nahi kona ntu'u ke wineweumiu koa anu nahi kona ntu'u?

Yehesikieli 34:6

Luwuno bimba-Ku ntesaa a luwuno torukuno ka pongku anu mantande. Humbee, i luwuno wita atuu bimba-Ku ntesiarawo, nahina maupo te'asa mia anu merio ira ke umungke ira.

Hosea 11:2

Tepahe pinoboi, tepahe pontonda salado ondaedo. Ondae mpompesombaako pesomba a luwuno Baala, ka mpotunu pesomba tiano luwuno tinaha.

Hosea 5:7

Nahi dompetenunu ndi Ondae i Ue, hangano dompe'anaako iramo ana anu komba anado ntu'u; kanandio-andio ondae ka leredo ta rinawo-rawo a mporame-ramea wula wo'ohu.

Hosea 7:1

Tewala Kupokotompao Isaraeli, te'ungkahiomo salano i Eparai ka luwuno mosa'ono Samaria, hangano mpoweweu ira pompopo'oo; mia monako merumpa mewinso, gerombola mporontu i bungkuno.

Hosea 7:3

Aroano mokole dompokosanaakono wineweudo mosa'o, ka pegaupido a luwuno mia pinemota'u.

Hosea 9:12

Maupo dompokolangkai ira anado, Aku weweu ira ka dontetadi luwu anado. Mentee ntu'u, memasola iramo i tempono Ku'olai inso ndi ondae!

Hosea 9:17

Ondae Ue Alaku ta tumadi ira, hangano nahi domperorongeako Ira, ira mpelakopi i olodo luwuno tongku.

Yunu 1:10

Luwuno mia atuu tedoa medoito ka dompotae ndi onae, ”Hapamo anu wineweumu?” Luwuno mia atuu mento'orio, nine onae molai, olai inso i aro-Do i Ue, hangano mongkona atuu ipauako iramo.

Yunu 1:3

Sine i Yunu molai lumako i Tarasisi, olai inso i aro-Do i Ue. Onae lumako i Yapo ka ihaweo i ra'ai asa kapala anu ta melungka lumako i Tarasisi. I'owahio sewano pelempaano, ka i'amba mewuatako a ngkapala atuu lumako i Tarasisi merongaako ira, olai inso i aro-Do i Ue.

Mika 6:12

Luwuno mia mompoli i kota atuu mpoweweu hadio pobobarasaia, palilino mpegaupi ka elo a laro ngangado bukeako pompopo'oo.

Mika 6:4

Menteeano Ongkuemo anu tumaateko meluarako inso i wita Masiri, motolako inso a raha tepe'ataa ka tumenao i Musa wawako, saru i Haruni ka i Miriami.

I MATIU 23:37

”Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararuomo Kumingki pumpu ira anamu, mengkena kana indompu'u pumpu ira anano a ntoto panino, sine nahi mebehe.

Winali 15:15

Asalakono upewowoloo nine omue mbo'u i ndi'ipua ata i wita Masiri ka omue Dotolosiko i Ue, Ue Alamu. Onaemo pu'uno kuweeakomu parenta atuu a oleo andio.

1 YOHANE 1:10

Tewala mpotae kita, nine nahi tompoweweu hala, ka tomeweweu Ira gagi megaupi ka pau-Do nahina i laroto.

MENGKAAA 8:13

Ka ku'amba kumitao: kurongeo aasa manu-manu singko menee i tonga-tongano langi ka mepau saru suara meroku, ”Masola, masola, memasola iramo anu mpo'ia i wawontolino hangano unino tawuwua ko'otoluno mala'eka susua, anu da ta puurio tawuwuano.”