Hosea 7:11 - Wunta Mempori

¹¹ I Eparai gagiomo kana marapatii anu momperorongeako, nahi pompewowolo; a nto Masiri dompebooli, a nto Asuri domelako.

Hosea 7:11 ပူးပေါင်းရင်းမြစ်များ

2 Mokole 15:19

I Puli mokole i Asuri, hawe sumapoio wita atuu. Ka i'amba i Menahemi moweeakono i Puli asa nsowu talenta salaka, kai pokowalio mokorosoo poparentaa atuu a ngkaeno.

2 Mokole 16:7

I Ahasi montena mia lumako ndi Tigalati-Pileseri, mokoledo to Asuri, saru pe'oliwi, ”Ongkue andio atamiu ka anamiu. Aiwamo kadudui aku inso a ngkaeno mokoledo to Arami ka inso a ngkaeno mokoledo to Isaraeli anu aiwa iramo sumapoi aku.”

Powadi 15:32

Isema nahi perioo pompaguru tumadio koroino onaeno, sine isema rumongeo pongkuahako, mohawe pinewowolo molino.

Powadi 17:16

Hapa tuduno doi a ngkaeno mia monge-monge? Nde ta mo'oliako ponto'ori anu menteeke sekono onae nahi molino pinewowolono?

Powadi 6:32

Isema monsosabo nahi molino pinewowolono; mia anu moweweu kanatuu sumolangio koroino.

Yeremia 2:18

Kanandio-andio, hapa uramu lumako i Masiri, komo'inu uwoi koro Nili? Ka hapa uramu lumako i Asuri, komo'inu uwoi koro Eparata?

Yeremia 2:36

Tedoa upemoruanao a pongkitamu kobalio pelelumu! Maupo inso i Masiri komohawe mokoko'ii, kana ipokoko'iikomo i Asuri.

Hosea 11:11

kana manu-manu anu mondidi-ndidi hawe inso i Masiri, ka kana marapatii inso i wita Asuri, ka Ku'amba numaa ira mbo'u a luwuno rahado, kanandiomo pau-Do i Ue.

Hosea 12:1

I Eparai kumadua-Kune pegaupi, a nsuku Isaraeli saru pe'akala; Yehuda mbo'u moliu inso umpedaako Ira Ue Ala, inso umpedaako Ira Anu Tedoa Mempori anu metenunu.

Hosea 12:2

I Eparai mompakambi angi, ka molulu angi sabaano oleo asa oleo, mompokohadio pegaupi ka pobobarasai. Mpowutu ira pedandia saru Asuri, ka mpowawa lana a nto Masiri.

Hosea 14:3

Wawaomo perongaakono luwuno pau andio, ka pepokulemo ndi Ondae i Ue; pepaumo ndi Ondae, ”I'oniniomo luwuno saala, ka Itarimaomo anu moiko. Gagi euno sapi, kami mpesombaakono mangakumami.

Hosea 4:11

Anggoro ka uwoi anggoro mokontetadio pinewowolo mentee.

Hosea 4:6

Bawaa-Ku memasola hangano nahi doto'ori Ira Ue Ala; hangano nahi utarimao ponto'oria atuu, Ongkue mbo'u nahi Aku tumarimako gagi sando mpesomba-Ku. Hangano ukolupeo pompaguru-Do Ue Alamu, Ongkue mbo'u Aku kumolupe ira anamu.

Hosea 5:13

Mansano kumitao i Eparai hakino, ka i Yehuda kumitao moboono, lumakoomo i Eparai a nto Asuri ka montena mia lumako ndi Mokole Mosia. Sine maupo onae nahi polio mokotompa komiu ka umoninio moboo atuu inso ndi omue.

Hosea 5:4

Luwuno wineweudo nahi pototono dompepokule ndi Ondae Ue Alado, hangano aroa ponsosaboa kongko a laro ngkoroido, ka nahi domento'ori Ira i Ue.

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Hosea 9:3

Nahi ira mpo'ia mpiha i wita-Do i Ue. I Eparai asalakono mekule i Masiri, ka i Asuri ira mpongkaa kaanga mokoburu.

Hosea 9:6

Hangano moiko koa dompeliahako inso a mporopua, sine Masiri ta pumpu ira, Mepisi ta kumaburu ira. Rui ta tumutuwio luwuno sangka salakado anu masuli olino; ewo rui ta tuwu a laro luwuno kemado.

Obaja 1:7

Hawe a tompa tida omue domensaariko wali-walimu; omue pinopo'oo, domenagiko sambe'emu. Ondae anu mpe'asa mpongkaa saru omue mpota'oakomu oho. Mongkona atuu nahi pokonto'orio.

I MATIU 10:16

”Kitao, Kutena komiu kana bimba i tonga-tongano serigala, onaemo pu'uno ka imempade mpe'aka kana ule ka imemauru kana marapatii.