Hosea 7:1 - Wunta Mempori

¹ Tewala Kupokotompao Isaraeli, te'ungkahiomo salano i Eparai ka luwuno mosa'ono Samaria, hangano mpoweweu ira pompopo'oo; mia monako merumpa mewinso, gerombola mporontu i bungkuno.

Hosea 7:1 ပူးပေါင်းရင်းမြစ်များ

Yesaya 28:1

Masolaomo ntu'u ramba-ramba ulu pino'undeakodo anu memolangu i Eparai, ka peramba-rambado anu ntekokosi atuu butu koa bunga anu mompu'u moleu, anu po'iangano mantande a wawo lembo anu mewalo buuke mia anu mokolili ulu hangano anggoro!

Yesaya 59:12

Mentee ntu'u, pe'ewamami hadio i aro-Miu ka halamami mesakosii umewai kami; mentee ntu'u, kimento'orio pe'ewamami ka kime'akuio wineweumami anu mosa'o:

Yesaya 59:13

mpe'ewa kamimo ka humapu Ira i Ue, ka mepansia inso ndi Ondae Ue Alamami. Mpontoo kami porontua ka mpoweweu anu molengku, mentiaako pegaupi a laro aroa ka mpe'anaakono a mpau.

Yesaya 59:14

Songka tehidiomo i bungkuno, ka moleoa mentade olai, hangano menteea tetidu a mpo'iangado mia hadio ka moleo aroa nahi po'iangano.

Yeremia 51:9

Kami mpokotompao Babeli, sine nahi ta tompa. Bintaomo onae, aiwamo tompekule singge mia lumako i witano! Mentee ntu'u, pohukua haweomo i langi, tehaweomo a nseru!

Yehesikieli 16:46

Akamu anu lalu te'aka onaemo Samaria, anu mo'ia saru luwuno anano beine te'alaako i utaramu, ka akamu anu lalu mongura onaemo Sodomo, anu mo'ia saru luwuno anano beine te'alaako i selatamu.

Yehesikieli 23:4

Neeno anu te'aka i Ohola, ka neeno uaino i Oholiba, ondae mia-Ku. Ondae me'anaako ira ana ntama ka beine. Mongkona needo, i Ohola onaemo Samaria ka i Oholiba onaemo Yerusale.

Yehesikieli 24:13

Hangano omue kumokoburutiakono mokoburua koroimu, onaemo pu'uno inehe-Ku mokomorinako, sine omue nahi gagi morina inso a mokoburumu. Omue nahi kopinokomorina mbo'u hawe ka itemonto tekuda-Ku ndi omue.

Hosea 10:5

Palilino Samaria mpondidi-ndidi, medanggaraakono ana nsapi Beti-Aweni. Mentee ntu'u, palilino ira mpompemasusaakono, ka luwuno sando mpesombano ira mensabangio, hangano marambano meliahakoomo inso ndi onae.

Hosea 11:8

Kana'umpe nahi Aku merioko, hei Eparai, meweengakomu, hei Isaraeli? Kana'umpe nahi Aku merioko kana i Adima, weweuko kana i Seboimi? Aroa-Ku mepokule a ngkoroi-Ku, pompehohawa-Ku mansa haweako.

Hosea 12:1

I Eparai kumadua-Kune pegaupi, a nsuku Isaraeli saru pe'akala; Yehuda mbo'u moliu inso umpedaako Ira Ue Ala, inso umpedaako Ira Anu Tedoa Mempori anu metenunu.

Hosea 12:2

I Eparai mompakambi angi, ka molulu angi sabaano oleo asa oleo, mompokohadio pegaupi ka pobobarasai. Mpowutu ira pedandia saru Asuri, ka mpowawa lana a nto Masiri.

Hosea 4:17

I Eparai tepo'asaako ira lahumoa, po'ineeomo koa onae!

Hosea 4:2

butu montotonaa, megaupi, mompepate, monako, monsosabo, mobobarasai ka po'uwua rea tinondaako mbo'u po'uwua rea.

Hosea 5:1

Rongeomo andio, hei luwuno sando mpesomba, pekokoongakonomo hei to Isaraeli, ka ta'oomo biri, hei somborino mokole! Hangano tiamiumo pohuku atuu, hangano megagi komiumo dampa ndi Misipa, ka buani anu tinende i wawo ntorukuno Tabori,

Hosea 6:4

Hapa anu Aku weweuo ndi omue, hei Eparai? Hapa anu Aku weweuo ndi omue, hei Yehuda? Pompehohawamu kana gawu mo'oru, ka kana tontoru anu moliu tempono mo'oru.

Hosea 7:13

Masola iramo, hangano mpolai ira inso ndi Ongkue! Masola iramo, hangano dome'ewai Aku! Behe Aku tumolosi ira, sine mpegaupi ira ndi Ongkue.

Hosea 8:5

Nahi Kutarimao ana sapimu, hei Samaria; tekuda-Ku tensila ndi ondae! Hawe te'opia tehineno ondae nahi pinokomempori?

Hosea 8:9

Hangano ondae melako iramo i Asuri, kana kalide ntobu anu teponsia asa-asano; i Eparai montia-tiaomo pompowee pompehohawa.

Amosi 3:10

”Nahi domponto'ori mpoweweu anu mentee,” kanadiomo pau-Do i Ue, ”Ondae mpompokonsii ka pobobarasai i luwuno bentedo.”

Amosi 3:9

Paleleomo a luwuno bente i Asidodi ka a luwuno bente i wita Masiri, pauomo, ”Impepumpumo a ntorukuno Samaria ka mengkitaomo tewukaa langkai i tongano kota atuu ka popokonsiia anu hina i tu'ai.”

Amosi 8:14

ondae anu mpesumpa a neeno i Asima, pesomba beine Samaria ka dompotae, ’A nee-Do Ue Alamiu anu tuwu, hei Dani!’ saru, ’Tiano sala anu nahi mempori lumako i Bereseba!’ Ira ntebangku ka nahi ira mpewangu mbo'u.”

Mika 6:16

Omue metakokomo a luwuno pompakosino i Omiri ka a luwuno wineweuno somborino i Ahabi. Omue moweweukomo montonda tinoodo, ranta Kuweweuko gagi londa ka palilimu gagi pontiiano pomansu; kanandiomo komiu mentembio pontatado bawaa-Ku.”

I MATIU 23:37

”Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararuomo Kumingki pumpu ira anamu, mengkena kana indompu'u pumpu ira anano a ntoto panino, sine nahi mebehe.

I LUKASI 13:34

Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararu Kumingki pumpu ira anamu, mengkena kana ineno manu pumpu ira anano a ntoto panino, sine nahi imebehe.

I LUKASI 19:42

Dopotae, ”Anai, tedoa moiko tewala a oleo koa mbo'u andio upokonto'orio hapa anu kinere tiano rodoamu! Sine kanandio-andio mongkona atuu tewuni a matamu.