Hosea 6:6 - Wunta Mempori

⁶ Hangano inehe-Ku petenunu mompehohawa ka komba pesomba sinumbele; Inehe-Ku ponto'oria mongkona Ondae Ue Ala, laluaopo sekono pesomba tinunu.

Hosea 6:6 ပူးပေါင်းရင်းမြစ်များ

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

Po'unde-unde 50:8

Komba hangano pesomba sinumbelemu ka Kukuahakomu; kombake pesomba tinunumu wela pinesombaako i aro-Ku?

Powadi 21:3

Moweweu menteea ka moleoa Dopemoikoopo i Ue sekonopo pesomba.

Puu Pontutulu 5:1

Si madara ungkahio ngangamu, ka siimo ipodadu aroamu moluarako pau i aro-Do Ue Ala, hangano Ondae Ue Ala kongko Ira i suruga ka omue i tolino. Onaemo atuu, po'ineeomo ka itedei koa paumu.

Yesaya 1:11

”Hapa tuduno ndi Ongkue pesombamu anu ntehohadio?” Pau-Do i Ue; ”Kute'osaakonomo luwuno pesomba tinunu kana bimba lakino ka tabano ana nsapi anu mewalo. Reano sapi ka anano bembe-bimba lakino nahi Kupe'eheo.

Yesaya 58:6

Naahi! Mepuasa anu inehe-Ku onaemo ka ulolohi ira pompongu lambaha ka motola ira kolorono tinembi, ka upokomaradeka ira anu ntebobarasai ka puduo sompo tinembi,

Yeremia 22:16

Onae umalaakono kara-karano mia marasai ka mia mongkokolaro, ranta luwuno atuu moiko. Kombake atuu pengkonaano tumo'ori Aku? kanandiomo pau-Do i Ue.

Yeremia 7:22

Mentee ntu'u, nahi Kupepau ke mompowee parenta a uempu'umiu mongkona pesomba tinunu ka pesomba sinumbele tempono Kuwawa ira mpeluarako inso i wita Masiri.

Danieli 4:27

Gagi, oo mokole, po'ineeomo patuduku andio ipemoikoo i aroamiu ueku: ipoweweumo moleoa ka itepotolamo koroimiu inso a hala, ka ipopokitaomo pompehohawa a mia anu tepokonsii. Ba kanatuu me'uraamiu ueku ta motilalo!”

Hosea 14:2

Pepokulemo, hei Isaraeli ndi Ondae i Ue, Ue Alamu, nde tetidukomo hangano salamu.

Hosea 2:20

Ia oleo atuu Aku merorongeakono, kanandiomo pau-Do i Ue, Aku merorongeakono langi, ka langi ta merorongeakono tolino.

Hosea 4:1

Rongeomo pau-Do i Ue, hei Isaraeli, hangano Ondae i Ue hinao kara-kara saru palilino wita andio, hangano nahina petenunu, nahina pompehohawa, ka nahina ponto'ori mongkona Ondae Ue Ala i wita andio;

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Amosi 5:21

”Ku'o'aliaakono, Kupekodeio porame-ramemiu ka nahi Kupe'eheo tepumpua langkaimiu.

Mika 6:6

”Saru hapake bakanaano kulako me'aro ndi Ondae i Ue ka menggolontu mesomba ndi Ondae Ue Ala anu a mantandeano? Asalakono ke aku lumako me'aro ndi Ondae saru pesomba tinunu, saru ana nsapi anu tinuwuno asa nta'u?

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

I MATIU 12:7

Tewala lano impokonto'orio tinoono pau andio: Anu inehe-Ku onaemo pompehohawa ka komba pesomba, asalakono nahi komiu mehukuo mia anu nahina salano.

I MATIU 5:7

Me'uraomo mia anu me'aroa, hangano ira mpohawe pe'aroaa.

I MATIU 9:13

Gagi imelakomo ka impepaguruakonomo pengkonaano pau andio: Anu inehe-Ku onaemo pe'aroa ka pompehohawa ka komba pesomba, hangano hawe-Ku komba aiwa mompoboi mia mentee, tendeano mia tehala.”

I MARAKUSU 12:33

Lano mehohawa Ira tompaano aroa ka tompaano ponto'ori ka tompaano roso, ka mehohawao mbo'u pe'asa mia kana koroito ontaeto laluaopo langkai sekonopo luwuno pesomba tinunu ka pesomba sinumbele.”

Yosua 5:5

Nde luwudo mia anu mpeluarako inso i wita Masiri mpentindi iramo, sine luwudo mia anu hina i pada one ia mpelempaado meluarako inso i Masiri, napi domentinindi.

1 YOHANE 2:3

Ka ndiomo tondonino, nine tomento'ori Ira Ue Ala, onaemo tewala tomentondao luwuno parenta-Do.

1 YOHANE 3:6

Onaemo pu'uno sompo mia anu kongko mpiha ndi Ondae, nahi poweweu mbo'u hala; sompo mia anu kongko moweweu hala, nahi kita Ira ka nahi to'ori Ira.

1 Samueli 15:22

Sine ipotae i Semueli, ”Nde Ira memoikoo i Ue pesomba tinunu ka pesomba sinumbele, mengkena kana momperorongeako pau-Do i Ue? Menteeano, moikoopo momperorongeako, sekonopo pesomba sinumbele, tumondao songka-Do, moikoopo sekono tabano bimba laki.