Hosea 6:5 - Wunta Mempori

⁵ Onaemo pu'uno Aku puro-puro ira molalo luwuno nabi, Aku mepateako ira pau a nganga-Ku, ka songka-Ku meluarako kana mewine.

Hosea 6:5 ပူးပေါင်းရင်းမြစ်များ

Tegagia 18:25

Nahi kupompe'ala-ala Komiu moweweu kanandio, mompepate mia mentee saru mia mosa'o gaudo, ranta mia mentee pinongkena saru mia mosa'o gaudo! Anu kanatuu nahi Komiu weweuo! Kana'umpemo Puu Mpobitara asa wawontolino mohuku nahi moleo?”

1 Mokole 14:6

Mansano irongeomo i Ahia unino pelempano beine, anu mewinso a mpewowa, motaeomo, ”Pewinsomo, hei kombiano i Yerobea! Tembio kau po'onde-onde omue mia susua? Tinena aku mohaweo pe'oliwi anu montaso ndi omue.

1 Mokole 17:1

I Elia, to Tisibe inso i Tisibe-Gilea, motaeakono i Ahabi, ”A nee-Do i Ue anu tuwu, Ue Alado to Isaraeli anu pinekakaakoku, nahi ta hina tontoru ke usa a luwuno ta'u andio, sangkadio ongkue anu pauo.”

1 Mokole 18:17

Mansano i Ahabi kumitao i Elia, motaeomo, ”Omueke atuu mia anu sumolangi ira to Isaraeli?”

1 Mokole 19:17

Isema anu tola inso a mponaino i Hasaeli, i Yesu anu ta mepateo. Isema anu tola inso a mponaino i Yehu, i Elisa anu ta mepateo.

2 Mokole 1:16

Motae i Elia ndi mokole, ”Kanandiomo pau-Do i Ue: Hangano itena iramo mia mo'ema pontiso ndi Baala-Sebubi anu pinesombai i Ekeroni, kana nahina Ue Ala i Isaraeli kai pinesikenoako pau-Do. Onaemo pu'uno nami komiu mewangu mbo'u inso a mpoturia pepomboleamiu, hangano manasa komiu mate.”

2 Tawarika 21:12

Ka i'amba haweomo ndi onae asa wunta inso ndi nabi Elia anu ihino, ”Kanandiomo pau-Do i Ue, Ue Alano i Daudi, ama mpu'umu: Omue tuwu nahi utondao sala ntumuwuno i Yosapa, amamu, ka i Asa mokole i Yehuda,

Ayubi 15:30

Onae nahi ta tola inso a wongi-wongia, tumbano ta moleuako langano api, ka onae ta pinokotampulaako penaano nganga-Do Ue Ala.

Ayubi 34:10

Onaemo pu'uno, omiu mia anu molino pinewowolomiu, ronge akumo: Ondae Ue Ala nahi Ira moweweu anu mosa'o, ka Anu Tedoa Pabawa moweweu molengku.

Po'unde-unde 119:120

Koroiku mondidi-ndidi doitoa-Komiu, kudoitoakono luwuno songka-Miu.

Po'unde-unde 37:6

Ira mosabao menteemu kana mewine, ka tiamu kana meene.

Yesaya 11:4

Sine onae ta bitara ira mia molema a moleoa, ka ta momputusi temoiko a mia anu tepokonsii a wita andio; tolino ta tumunduhiakono pauno kana montunduhiako tuko, saru pepuuri inso a ngangano ta mompepate mia mosa'o gauno.

Yesaya 58:1

Pebooliakonomo temeroku, siimo onto-ontoo! Pokolangkaio suaramu kana tawuwua, pauako iramo bawaa-Ku pe'ewado ka a inuleno i Yako halado!

Yeremia 1:10

To'oriomo, a oleo andio Kupotoroko a luwuno tongku ka a luwuno poparentaa ka upobuta ka mompobangku, ka upompepate ka mongkale-kale, ka upowangu ka mompaho.”

Yeremia 1:18

Ka Ongkue, menteeano a oleo andio Kuweweuko gagi kota mebente, gagi karu labu ka gagi rere mala umewaio luwuno wita andio, umewai ira mokoleno Yehuda ka luwuno mia pinemota'udo, umewai ira sando mpesombado ka palilino wita andio.

Yeremia 13:13

asalakono pauako ira: Kanandiomo pau-Do i Ue: Menteeano, luwuno palilino wita andio Aku mokobukeako ira molangua, moiko luwuno mokole anu mpentoro a ngkadera poparentaano i Daudi, luwuno sando mpesomba, luwuno nabi, maupo luwuno palilino Yerusale.

Yeremia 23:29

Kombake pau-Ku kana api, kanandiomo pau-Do i Ue ka kana palu-palu anu morawo pongku watu?

Yeremia 5:14

Onaemo pu'uno kanandiomo pau-Do i Ue, Ue Alano luwuakoano, ”Hangano mpotae ira kanatuu, menteeano Aku weweuo luwuno pau-Ku, gagi api a laro ngangamu, ka tongku andio gagi keu, ka pingko ikaano api atuu.

Yehesikieli 11:4

Onaemo pu'uno pompaumo anu ta gagi ndi ondae, pompaumo anu ta gagi, hei anano mia!”

Yehesikieli 3:9

Kana inta, anu moteaopo sekono watu Kupokomoteao aroamu. Siimo doitoako ira ka siimo pondende kumitao rupado, hangano ondae atuu suku anu mpe'ewa.”

Yehesikieli 32:18

”Hei anano mia, poporongeomo ponsabangi, omue saru bawaano beinedo luwuno tongku anu tedoa moroso, mongkona mia hadio i Masiri ka potii iramo i tolino anu lalu i totono ntepohaweako ira anu mpetii iramo a laro ngkaburu.

Yehesikieli 43:3

Pongkita anu kinitaku atuu kana pongkita anu kinitaku tempono Do'aiwa Ira rumopuo kota atuu ka kana pongkita anu kinitaku a wiwi Ngkoro Kebari. Ka ku'amba menggolontu mesomba.

Sepanya 3:5

Sine Ondae i Ue atuu moleo i tonga-tongano, nahi Dopoweweu anu mosa'o. Mo'oru me'eu mo'oru Ondae mompowee songka-Do; i tempono saba oleo nahi Dohori menaa-naa. Sine mia lambaha nahi ponto'ori mokoko'ii!

WINEWEUDO TINENA 7:31

Ikohali-haliakono i Musa mongkona anu kinitano atuu, ka tempono lumako i tu'ai ta kumitao rangku, haweomo pau-Do i Ue ndi onae:

ROMA 2:5

Sine hangano moteano aroamu anu nahi behe tepidi, mohowuko pontekudaako a ngkoroimu omuemu a oleo tempo isua pontekudaako ka pohuku-Do Ue Ala anu moleo ta pinokomengkaa.

EPESU 6:17

ka imentarimaomo songko tekaduduia ka ponai-Do Penaa, onaemo pau-Do Ue Ala,

IBARANI 4:12

Hangano pau-Do Ue Ala tuwu ka moroso ka montasoopo sekono ponai isuamo koa anu memata patimbali; onae meduhu tedoa ondalo ranta monsuao sumanga ka penaa, luwuno lodi-lodi ka unto wukulaa; onae polio mosisinggeo pontimbanga ka pinewowolono aroato.

MENGKAAA 1:16

Ka a ngkae koana-Do mo'ini Ira opitu anano wula ka inso a nganga-Do meluarako aasa ponai montaso memata orua, ka rupa-Do mewanta kana mata'oleo anu mokula ntu'u.

MENGKAAA 2:16

Onaemo pu'uno tepidimo! Tewala nahi kanandio, Aku koa ronga aiwa ndi omue ka Aku meteaako ira mompake ponai anu a nganga-Ku andio.

MENGKAAA 9:15

Ka ipotola iramo opaa mala'eka anu pinatindaomo a langku ka oleo, wula ka ta'u ka dompepate ira asa ntia otolu inso a luwuno mia.

MENGKAAA 9:21

ka nahi dontepidi inso a pompepatea, sihiri, pebelesua ka ponakoa.

1 Samueli 13:13

Motae i Semueli ndi Saulu, ”Wineweumu andio tedoa benge-benge! Omue nahi upetenunu a songka-Do i Ue, Ue Alamu, anu Dopauakomu. Bakanaano Ondae i Ue Ira mokorosoo poparentaamu a nto Isaraeli ranta nahina tampulaano,

1 Samueli 15:22

Sine ipotae i Semueli, ”Nde Ira memoikoo i Ue pesomba tinunu ka pesomba sinumbele, mengkena kana momperorongeako pau-Do i Ue? Menteeano, moikoopo momperorongeako, sekonopo pesomba sinumbele, tumondao songka-Do, moikoopo sekono tabano bimba laki.

1 Samueli 15:32

Motae i Semueli, ”Wawao ndi ongkue i Aga, mokoledo to Amale.” Haweomo i Aga ndi Semueli, mawongko aroano hangano ipewowoloo, ”Nahi ta pinepate.”

1 Samueli 15:33

Sine ipotae i Semueli, ”Kana pinembasaido hadio beine anu ntetadi anado hangano ponaimu, kanatuukoa mbo'u ta membasaio inemu tetadi anano i olodo hadio beine.” Ka i'amba i Semueli sumumbeleo i Aga i aro-Do i Ue i Giliga.