Hosea 6:3 - Wunta Mempori

³ Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

Hosea 6:3 ပူးပေါင်းရင်းမြစ်များ

2 Samueli 23:4

onae mewanta kana towea i tempono mo'oru, mo'oru anu nahi menseru, anu ba umari usa weweuo tesosangkilo ewo mongura i wita.

Ayubi 29:23

Mia mensikori aku kana monsikori usa, ka mentineo ngangado kana montine usa a poko'ariano tempo.

Po'unde-unde 19:4

Nahina lele ka nahina pau, suarado nahi teronge;

Po'unde-unde 19:6

anu meluarako kana umbungkoroi tama anu meluarako inso a bolongkono, mawongko kana pongkiari anu ta melempa.

Po'unde-unde 63:8

hangano gagi Komiumo tumulungi aku, ka i totono pe'egoano pani-Miu kukokora-kora mo'unde.

Po'unde-unde 65:9

Ka mia anu mpo'ia a luwuno tompano tolino ntengiriakono luwuno petondoni-Miu anu kinohali-haliako; pesabaakoano mo'oru ka telalono tekamburi. Iweweuo kokora-kora mo'unde.

Po'unde-unde 72:6

Po'ineeomo ka ikana usa anu metii a wawo mpada ewo, kana usa marombo anu umuwoio tolino!

Powadi 4:18

Sine, pesalaano mia mentee atuu kana wantano towea, anu komewa-mewantano hawe kona ntu'u ntonga oleo.

Yesaya 2:3

ka hadio sukuno tongku ira melako saru mpotae, ”Aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno pesalaa-Do, ka tompesala a mpesalaa-Do; hangano inso i Sioni ta saba pompaguru ka pau-Do i Ue inso i Yerusale.”

Yesaya 32:15

hawe kai inuwu ndi ontae Penaa inso i wawono; pada one ta gagi lere wua mpinopaho, lere wua mpinopaho ta rineke tobu.

Yesaya 44:3

Hangano, Aku umuwuo uwoi a wawo wita anu mokoranga, ka usa marombo a wawo wita anu mokari. Aku umuwuo Penaa-Ku a inulemu, ka ronso-Ku a ana'uemu.

Yesaya 5:6

aku mo'ineeo nahi pinesampai ka nahi binondei, ka ituwu ewo ka rui; aku parenta ira seru, ka si dopompotii usa i wawono.

Yesaya 54:13

Luwuno anamu ira megagi ana guru-Do i Ue, ka langkaiomo manangaido anamu.

Yeremia 24:7

Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Hosea 10:12

Porawomo menunu saru moleoa, sowiomo tiamu montonda petenunu mompehohawa! Anggaomo tiamu wita wo'ohu; temponomo umungke Ira i Ue, ranta ka Dohawe ka umusaiakomiu moleoa.

Hosea 14:5

Aku mokotompa ira inso a mpopebungkuido ndi Ongkue, Aku mehohawa ira hangano po'ehe-Ku, hangano tekuda-Ku telusa inso ndi ondae.

Hosea 14:6

Aku gagi kana tontoru a nto Isaraeli, ka onae ta tewile kana sisi bonse ka mepahoakono luwuno hakano kana hadio keu Libano.

Hosea 2:20

Ia oleo atuu Aku merorongeakono, kanandiomo pau-Do i Ue, Aku merorongeakono langi, ka langi ta merorongeakono tolino.

Mika 4:2

”aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno sala-Do, ka tompelempa a nsala-Do; hangano inso i Sioni ta hawe pompaguru ka pau-Do i Ue inso i Yerusale.”

Mika 5:2

Onaemo pu'uno dopo'inee ira ka ihaweako tempono beine anu kontongaano me'ana umariomo me'ana. Ka i'amba anu susuano inso a luwuno pepaekompono ira mpepokule a luwuno anano i Isaraeli.

Mika 5:7

Toreano inuleno i Yako ta hina i olodo hadio tongku, i tonga-tongano hadio tongku kana singa i olodo kondehora a ntobu, kana singa mongura i olodo bawaano bembe bimba; isuamo koa ilako, onae momperangkami ka moberi-beri; nahina anu motolao.

Sakaria 10:1

Po'emamo usa ndi Ondae i Ue a mpokotampulaano pepo'euano tempo motu'i ka wula usa! Ondaemo i Ue anu weweuo seru mo'ito, ka usa marombo Ira mompotii ndi ondae ka luwuno pinopaho a tonga mpada a sompo mia.

Maleaki 4:2

Ndi omiu anu dumoitoakono nee-Ku ta mesabaakowanta menteea saru pompokotompa a mpanino. Komiu mpeluarako ka mpelonso-lonso kana anano sapi toola inso a walano.

I MATIU 13:11

Sumangki Ira i Yesu, ”Ndi omiu mewineeako ka imento'orio rahasiano Poparentaa Suruga, sine ndi ondae naahi.

I LUKASI 1:78

hangano pe'aroa ka pompehohawa inso ndi Ondae Ue Alato, onaemo ka Dohawe kumita kita, mata'oleo mo'oru inso i wawono,

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 7:17

Ba isema anu behe weweuo po'ehe-Do, onae ta tumo'orio pompaguru-Ku andio ba te'inso ndi Ondae Ue Ala, ke pepau-Ku inso a ngkoroi-Ku Ongkue-Ku.

WINEWEUDO TINENA 17:11

To Yahudi i kota atuu mpe'aroa irapo sekono to Yahudi i Tesalonika, hangano domentarimao pau-Do i Ue atuu a mawongkono aroado ka sompo oleo dompepenteeo Wunta Mempori ka domento'orio, ba mentee luwuno atuu kanandio.

Winali 32:2

Po'ineeomo pompaguruku te'iti kana usa, pinauku i'iti kana tonturu, kana usa ntiri-ntiri a wawo ntumba mongura ka kana usa sumiwuio luwuno pinopaho.

IBARANI 3:14

Hangano mpohawe kitamo tia ndi Ondae i Kerisituu, poolo ka tompe'ini moroso a pompe'ala-alato anu amba-ambano hawe a pokotompaano.

2 PETURU 1:19

Hangano kanandio komoro-morosomami hangano pau anu dompohaweomo luwuno nabi. Tedoa moiko tewala impekokoongakono mengkena kana mompekokoongako hulu anu mewanta a mpo'ianga anu wongi-wongi hawe ka ipesabaako towea ka buntala i sabaano oleo saba mewanta i laro aroamiu.

MENGKAAA 22:16

”Ongkue, i Yesu, montena Akumo mala'eka-Ku ka dompesakosii mongkona luwuno andio ndi omue tiado bawaa. Ongkuemo tumba, onaemo inuleno i Daudi, buntala anu mewanta ntu'u.”