Hosea 6:1 - Wunta Mempori

¹ ”Aiwamo tompepokule ndi Ondae i Ue, hangano momperangkami Iramo, sine Ira mokotompa kita, monsepi Iramo, sine Ira walu kita.

Hosea 6:1 ပူးပေါင်းရင်းမြစ်များ

2 Tawarika 30:6

Ka i'amba melako iramo luwuno tinena a luwuno Isaraeli ka Yehuda mewawao wunta inso a mokole ka luwuno petewawa. Menunu saru parentado mokole, dompotae, ”Hei, to Isaraeli, impepokulemo ndi Ondae i Ue, Ue Alano i Burahima, i Saki ka i Isaraeli, ka Ondae Ira mekule ia anu tebinta inso i olomiu, ondae anu mentola inso a ngkaedo mokole Asuri.

Ayubi 16:9

Tekuda-Do momperangkami ka me'iwaliakune, Ondae mokingkio ngisi-Do ndi ongkue; iwaliku kumitaakune matano montaso.

Ayubi 22:23

Tewala tepidiko ndi Ondae Anu Tedoa Pabawa ka me'urumako; tewala upoko'olaio molengkua inso a ngkemamu,

Ayubi 34:29

Tewala Ondae merodo-rodo, isema ta mohuku? Tewala Dowunio rupa-Do, isema ta kumita Ira? Ondae umatorao aasa tongku maupo nte'o'asa mia

Ayubi 5:18

Hangano Ondae anu belaio, sine Ondae koa mbo'u anu waluo; Ondae anu tumunduhio, sine kae-Do koa mbo'u anu mokotompao.

Po'unde-unde 30:7

Tempono kumanangai hori aku motae, ”Nahi aku telelu ranta nahina tampulaano!”

Po'unde-unde 6:2

Oo Ue, Siimo Ihuku aku a laro mosa'ono aroa-Miu, ka siimo Itunduhi aku a laro tensilano tekuda-Miu.

Po'unde-unde 71:20

Maupo Iweweu akumo membasaio hadio masusaa ka masolaa, Komiu koa wali motuwu aku, ka inso a ondaloano ntu'u tolino Komiu koa wali wuatako aku.

Puu Pontutulu 3:3

hinao tempo mompepate ka hinao tempo mompokotompa; hinao tempo mohoa ka hinao tempo mowangu;

Yesaya 17:7

I tempo atuu mia ta mengkita ndi Ondae anu mokogagio, ka matano ta mengkita ndi Ondae Anu Tedoa Mempori, Ue Alado to Isaraeli;

Yesaya 2:3

ka hadio sukuno tongku ira melako saru mpotae, ”Aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno pesalaa-Do, ka tompesala a mpesalaa-Do; hangano inso i Sioni ta saba pompaguru ka pau-Do i Ue inso i Yerusale.”

Yesaya 30:22

Omue komokoburuako ira tinahamu anu mewaluako salaka ke luwuno lahumoamu anu me'apiiako wulaa; onae kotumadio kana sawu hawe wulano beine saru motaeakono, ”Polaimo!”

Yesaya 30:26

Mewineno wulantii ta kana mewineno oleo mokula ka mewineno oleo mokula ta meluka opitu, kana mewine opitu oleo, i tempono Ondae i Ue waluo mobela langkaino bawaa-Do ka mokotompao mobela hanga mpetunduhia.

Yesaya 55:7

Moikoomo mia mosa'o gauno bintao salano, ka mia lambaha bintao tinoono. Moikoomo ipepokule ndi Ondae i Ue, asalakono Ira mehohawao, ka ndi Ondae Ue Alato, hangano Ondae mo'onini hala hadio ntu'u.

Yeremia 3:22

Pepokulemo, hei nana'ote anu mehapuakono pompe'ala-alano! Aku mokotompa komiu inso a mpehapuamiu.” ”Ndio kamimo, me'aiwa kami ndi Omiu, hangano Omiumo Ue, Ue Alamami.

Yeremia 30:12

Mentee ntu'u, kanandiomo pau-Do i Ue: Tedoa mapari mobelamu, mobelamu nahi ta tompa!

Yeremia 30:17

Menteeano Aku mokotompako, Aku pakulio luwuno mobelamu, kanandiomo pau-Do i Ue, hangano omue pinauomo ’anu tinadi’, Sioni anu nahina umungkeo maupo te'asa mia.

Yeremia 33:5

Ondae ira mpetea umewai ira to Kasidimi ka weweuo kota andio bukeako wata ngkoroino mia pinepate-Ku hangano tekuda-Ku ka tensilano tekuda-Ku. Hangano, Kuwuniomo rupa-Ku inso i kota andio hangano luwuno wineweudo anu mosa'o.

Yeremia 33:6

Menteeano, Aku mompotii ndi ondae tompaa ka pompokomoiko, ka Aku mokotompa ira ka mosabaako ira sintuwu ka rodoa anu hadio ntu'u.

Yeremia 50:4

I tempo atuu, kanandiomo pau-Do i Ue, to Isaraeli ira mehawe, mperonga to Yehuda; ira mpelempa saru mpengese ka umungke Ira i Ue, Ue Alado.

Yeremia 50:5

Ondae mpesikenoakono sala lumako i Sioni, i ra'aimo te'aroano rupado. Ondae me'aiwa ka tepo'asaako Ira i Ue, a laro mpedandia nahina tampulaano anu nahi ta kinolupe!

Ponsabangi 3:11

Dopelengkuakono salaku, beri-beri aku ka weweu aku tededengke.

Hosea 11:10

Ira mpetonda ndi Ondae i Ue; Ira mengaoli kana singa. Mentee ntu'u, Ira mengaoli. Nana'ote ira mehawe saru mpondidi-ndidi inso i sumooano oleo,

Hosea 12:6

Ondaemo i Ue, Ue Alano luwuakoano, Ondae nineeako Ue.

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Hosea 14:4

Asuri nahi pokokadudui kami; nahi kami mpopesawiki ngara, ka nami kami mpotae mbo'u, ’Ue Alamami’ a wineweuno kaemami. Hangano ndi Omiu nana'ote nahina amano mohawe pompehohawa.”

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Imama 14:48

Sine tewala aiwa sando mpesomba kai paresao ka mengkaa tondonino atuu nahi tetiangi maluano i laro raha atuu, umarino inapii rereno, asalakono sando mpesomba mokomanasao raha atuu nahi mokoburu, hangano tondonino atuu tetadiomo.

Sepanya 2:1

Impepumpumo ka inteporokomo, hei tongku anu nahi mpoto'ori mongkoko'ii,

Winali 32:39

Imengkitaomo kanandio-andio, nine Ongkue, Ongkuemo Ue. Nahina Ue Ala sangkadio Ongkue. Ongkuemo anu mompepate ka mompotuwu, Ongkuemo anu mobelai ka Ongkuemo anu mokotompa, nahina anu mokompotolao inso a ngkae-Ku.

1 Samueli 2:6

Ondae i Ue mompepate ka mompotuwu, ka Ondae mompotii a mpo'iangado mia mate ka mowuatako inso i ra'ai.

1 Samueli 7:3

Ka i'amba i Semueli motaeako ira luwudo to Isaraeli, ”Tewala komiu mpepokule ndi Ondae i Ue a bobotolino aroamiu, imeliahakono luwuno anu pinesombaido mia hawe ka i Asitore inso i olomiu ka impo'asao aroamiu ndi Ondae i Ue. Butu ndi Ondae pesombaamiu, ka Ondae i Ue Ira motolakomiu inso a ngkaedo to Pelisiti.”