Hosea 5:6 - Wunta Mempori

⁶ Saru asa bawaa bembe bimba ka sapi pesomba, domelako umungke Ira i Ue, sine nahi dohawe Ira; Dobinta iramo.

Hosea 5:6 ပူးပေါင်းရင်းမြစ်များ

Peluarakoa 10:9

Sumangki i Musa, ipotae, ”Luwu mami, maupo mia anu mongura ka mia mota'u, saru nana'ote mami tama ka beine ka pinotuwu mami, asa bawaa bembe bimba ka sapi mami, nde kami mpoweweu pompelangkai ndi Ondae i Ue.”

Powadi 1:28

I tempo atuu ira mpebooli ndi ongkue, sine nahi aku sumangki, ira memokua me'ungke aku, sine nahi aku hinawe.

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Powadi 21:27

Pesombano mia mosa'o gauno atuu mokoburu, tamoako mbo'u tewala pinesombaako a ntinoo anu mosa'o.

Penani Maramba 5:6

Pinehohawaku ku'ungkahiakono tondo, sine pinehohawaku mewoliliomo, lumako. Kana malimpu aku mansano moliu. Ku'ungkeo, sine nahi kuhaweo, kupoboio, sine nahi sangkio.

Yesaya 66:3

Mia monsumbele sapi lakino, sine mompepate mbo'u mia; mia mompesombaako bimba, sine mompudu keu we'uno dahu; mia mompesombaako pesomba kaanga, sine mompesombaako reano boe; mia mompesombaako dupa, sine mo'unde-unde mbo'u lahumoa. Onaemo pu'uno, mengkena kana ondae laludopo mpobiniki salado ondaedo, ka sumangano ineheno a mpinesombai mokoburudo,

Yeremia 11:11

Onaemo pu'uno kanandiomo pau-Do i Ue: Menteeano, Aku mompotiiako ira masolaa anu nahi dompokompeliahako. Tewala mpeboo-booli ira ndi Ongkue, nahi Aku merorongeako ira.

Yeremia 11:14

Ka omue, siimo pekakaiako ira tongku andio. Siimo powuatako po'ema ka pekakai tiado, hangano nahi Aku merorongeakono i tempono dompebooli ndi Ongkue hangano masolaado.

Yeremia 14:12

Maupo domempuasa, nahi Aku merorongeakono peboolido. Maupo dompopesombaako pesomba tinunu ka pesomba kaanga, nahi Aku memoiko ira. Tendeano Aku mokopingkoako ira ponai, saru mokoninggoa ka haki lele.”

Yeremia 7:4

Si mpe'ala-alao luwuno pau mpegaupi andio: ndio raha-Do i Ue, raha-Do i Ue, raha-Do i Ue!

Ponsabangi 3:44

Omiu mesoumbuako seru, ranta nahina pekakai anu haweako.

Yehesikieli 8:18

Onaemo pu'uno Aku moweweu a laro ntekuda; Nahi Aku mompehohawa ka nahi Kumokoko'unduakono. Maupo dompeboo-booli ndi Ongkue suarado meroku, nahi Aku merorongeako ira.”

Yehesikieli 8:6

Pau-Do ndi ongkue, ”Hei anano mia, nde ukitaoke hapa anu wineweudo, luwuno wineweu tedoa mokoburu anu wineweudo suku Isaraeli i ndi'ai, ranta Ongkue asalakono me'olaiako inso a mpo'ianga mempori-Ku? Tendeano kokumitao luwuno wineweu mokoburu anu lalu langkai mbo'u.”

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Amosi 8:12

Ira mpelakopi inso a ntahi lumako a ntahi ka mpelakopi olai inso i utara lumako i sabaano oleo ira mpo'ungke pau-Do i Ue, sine nahi domehaweo.

Mika 3:4

Ondae te'ipua ira mpeboo-booli ndi Ondae i Ue, sine nahi Ira sumangki; Ira wunio rupa-Do ndi ondae i tempo atuu, hangano luwuno mosa'oa anu wineweudo.

Maleaki 1:10

Ande-andeno hinao i olomiu anu tondoo pewowa ranta omiu nahi mpopolanga api a meda pontunua pesomba ndi Ongkue nahina pengkonaano. Nahi Aku tumarima komiu, pau-Do Ueno luwuakoano, ka nahi Aku mbo'u behe tumarimao pesomba inso a ngkaemiu.

I LUKASI 5:16

Sine monsuka Ira lumako a mpo'ianga anu boni-boni ka Dopekakai.

I YOHANE 7:34

Komiu me'ungke Aku, sine nahi komiu mehawe Aku, hangano nahi komiu mpoko'aiwa a mpo'ianga ba i sua Kupo'ia.”