Hosea 5:15 - Wunta Mempori

¹⁵ Aku lumako, mekule a mpo'ianga-Ku, ranta ka domemangaku saala ka umungkeo rupa-Ku. A laro masukaraado ira mengkekewoi Aku:

Hosea 5:15 ပူးပေါင်းရင်းမြစ်များ

Tegagia 42:21

Mpotae iramo pada ondaedo, ”Mentee ntu'u tomentembio halato a uaito atuu, hangano tomengkitao ma'iso ntu'u aroano tempono ipo'ema pompehohawato, sine nahi tomperorongeakono po'emano. Onaemo pu'uno ma'isoa andio umalu kita.”

2 Tawarika 7:14

ka bawaa-Ku anu ndi onae pinau nee-Ku, ka ipe'urumako, mekakai ka aiwa ndi Ongkue ka itepidi inso a luwuno halano anu mosa'o, manasa Aku rumongeo inso i suruga ka umampunio halado, saru momuleo witado.

Ayubi 33:27

Onae ta menani i arodo mia: Moweweu akumo hala ka mokomolengkuo anu moleo, sine mongkona atuu nahi Dosuloakune.

Po'unde-unde 107:13

Onaemo ka dompeboo-boolimo ndi Ondae i Ue a laro pompema'isodo, ka Dokadudui ira inso a masusado,

Po'unde-unde 107:19

Onaemo ka dompeboolimo ndi Ondae i Ue a laro pompema'isodo, ka Dokadudui ira a laro masusado,

Po'unde-unde 107:28

Onaemo ka dompeboo-boolimo ndi Ondae i Ue a laro pompema'isodo, ka Doluarako ira inso a masusaado,

Po'unde-unde 107:6

Onaemo ka dompeboo-boolimo ndi Ondae i Ue a laro pompema'isodo, ka Dopotola ira inso a masusaado.

Po'unde-unde 132:14

”Ndiomo po'ianga-Ku ranta nahina tampulaano, i ndi'ai Kupo'ia, hangano inehe-Ku.

Po'unde-unde 50:15

Peboolimo ndi Ongkue i tempono ma'isoa, Aku motolako, ka omue ko'umunde-unde Aku.” Sela

Po'unde-unde 78:34

Tewala Dopepate ira, onaemo ka dome'ungke Ira, ondae mpepokule ka merorohi Ira Ue Ala;

Po'unde-unde 83:16

luluako iramo angi mokora-Miu, ka pokotededengkeako iramo lompiu-Miu;

Powadi 8:17

Ongkue mehohawao mia anu mehohawa aku, ka mia anu mokua umungke aku ta humawe aku.

Yesaya 18:4

Hangano kanadiomo pau-Do i Ue ndi ongkue, ”Aku kongko momperodo mentango inso a mpo'ianga-Ku, kana rodono pompemokula ntu'u a ntonga oleo, kana gawu inso a tontoru a mokulano konsowia.”

Yesaya 26:16

Oo Ue, a laro ma'isoa dome'ungke Komiu; tempono pohuku-Miu umalu ira, mpe'anaiki ira a laro mpekakai.

Yesaya 26:21

Hangano menteeano, Ondae i Ue Ira ronga meluarako inso a mpo'ianga-Do Ira humukuo palilino tolino hangano salado, ka tolino mosabao rea anu te'uwu i wawono, nahi wunio mbo'u mia anu mempinepate i ra'ai.

Yesaya 26:9

Sumangaku tekewoi ndi Omiu i tempono wongi, oo, i tempono mo'oru aroaku umungke Komiumo; hangano tewala hawe Komiu bitarao tolino, palilino wawontolino ira mpepaguru hapa anu mentee.

Yeremia 2:27

Dompotae a asa mpole keu: Omuemo amaku! ka a watu: Omuemo anu me'anaakune! Mentee ntu'u, dompebungkui Aku ka nahi dompewolili ndi Ongkue. Sine, mansano umalu ira masolaa mpotae ira: Oo, Ikadudui kamimo!

Yeremia 3:13

Polomo koa akuiomo salamu, nine u'ewai Iramo i Ue, Ue Alamu. Utia-tiaomo pongkekewoimu a luwuno pinesombaido mia mehawe a ntoto sompo keu anu marombo, ka nahi perorongeakono pau-Ku, kanandiomo pau-Do i Ue.”

Yeremia 3:14

Impepokulemo, hei nana'ote anu mehapuakono pompe'ala-alano, kanandiomo pau-Do i Ue, hangano Ongkuemo uemiu! Aku umalakomiu, asa mia inso a sompo kota ka orua mia inso a sompo sombori, ka Aku wawakomiu i Sioni.

Ponsabangi 3:40

Aiwamo tompempenteeo ka memparesao tuwuto, ka tompepokule ndi Ondae i Ue.

Yehesikieli 10:4

Ka i'amba maramba-Do i Ue mewuatako inso i wawono kerubi te'aro i wawono montoweano pewowa Raha Mempori. Raha Mempori andio ibuketio seru atuu ka kintalano bukeako pansarino maramba-Do i Ue.

Yehesikieli 11:23

Ka i'amba maramba-Do Ue Ala mewuatako inso i tonga-tongano kota ka menaa-naa a wawo ntorukuno i sabaano oleo kota.

Yehesikieli 20:43

I ra'ai komiu merambeo luwuno pelelu ka wineweumiu anu kumokoburutio koroimiu. Komiu memokokowuere mengkitao koroimiu hangano luwuno wineweumiu anu mosa'o.

Yehesikieli 36:31

Komiu nterorambe a mpelelumiu anu mosa'o ka wineweumiu anu nahi moiko. Komiu memokoburuakono koroimiu hangano sala ka wineweumiu anu mokoburu.

Yehesikieli 6:9

I ra'ai, i tonga-tongano luwuno tongku, ba isua domewinawa gagi mia tinawa, luwuno mia anu tola inso i olomiu ira merambe Aku, tempono Kupokomahakiako ira ntu'u aroado anu mponsosabo atuu, anu me'olai iramo inso ndi Ongkue ka melimbao matado anu wela mponsosabo saru mentonda ira lahumoado. Ondae isa'a mekokowuereakono mengkitao mosa'oa anu wineweudo ka kumitao luwuno wineweudo anu mokoburu.

Yehesikieli 8:6

Pau-Do ndi ongkue, ”Hei anano mia, nde ukitaoke hapa anu wineweudo, luwuno wineweu tedoa mokoburu anu wineweudo suku Isaraeli i ndi'ai, ranta Ongkue asalakono me'olaiako inso a mpo'ianga mempori-Ku? Tendeano kokumitao luwuno wineweu mokoburu anu lalu langkai mbo'u.”

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Hosea 5:6

Saru asa bawaa bembe bimba ka sapi pesomba, domelako umungke Ira i Ue, sine nahi dohawe Ira; Dobinta iramo.

Mika 1:3

Hangano menteeano Ondae i Ue meluarako inso a mpo'ianga-Do ka metii melempa a wawo luwuno pongkuno tolino.

Podoaa 21:7

Ka do'amba tongku atuu me'aiwa ndi Musa ka dompotae, ”Ntehala kamimo, hangano mpepauki kamimo umewai Ira i Ue ka omue.” Pekakaimo ndi Ondae i Ue, ka Doliahako ira ule andio inso ndi omami. Ka i'amba i Musa mekakaiako ira tongku atuu.

I LUKASI 13:25

Tewala mentadeomo umbu raha ka itondoomo pewowa, komiu mpentade i bungkuno ka metingko-tingkoo tondo saru mpotae: Ue, I'ungkahiakami tondo! Ka Ira sumangki ka motaeakomiu: Nahi Kuto'orio ba isua ime'inso.

Puu Mpobitara 4:3

Mpebooli iramo to Isaraeli ndi Ondae i Ue, hangano hinao osio etu kareta labuno i Sisera ka ipokonsii ira to Isaraeli rua pulu nta'u tehineno.