Hosea 5:1 - Wunta Mempori

¹ Rongeomo andio, hei luwuno sando mpesomba, pekokoongakonomo hei to Isaraeli, ka ta'oomo biri, hei somborino mokole! Hangano tiamiumo pohuku atuu, hangano megagi komiumo dampa ndi Misipa, ka buani anu tinende i wawo ntorukuno Tabori,

Hosea 5:1 ပူးပေါင်းရင်းမြစ်များ

Yeremia 11:7

Mentee ntu'u Kupopoto'oriako iramo uempu'umiu, i tempono Kutaate ira mpeluarako inso i wita Masiri. Maupo hawe tempo andio Kupopoto'oriako ira mpiha: Rongeomo pau-Ku!

Yeremia 13:18

Pauako iramo mokole ka inedo mokole, ”Ipentoromo a po'ianga anu tetotoako, hangano songko mokole metiiomo inso a ulumiu!”

Yeremia 46:18

A nee-Ku anu tuwu, kanandiomo pau-Do Mokole anu nee-Do Ueno luwuakoano, ira hawe kana Torukuno Tabori i olono luwuno torukuno, kana Torukuno Karameli umpeda a ntahi.

Hosea 10:15

Kanandiomo ta wineweu ndi omue, hei Beteli, hangano mongkokongirino lambahamu. I tempono umpeda meene mokole Isaraeli ta pinokotampula.

Hosea 13:8

Aku sumapoi ira kana berua anu tetadi anano, Aku berio radado. I ra'ai Aku kumaa ira, kana singa waino; kondehora mo'ila i tongampada ta meberi-beri ira.

Hosea 4:1

Rongeomo pau-Do i Ue, hei Isaraeli, hangano Ondae i Ue hinao kara-kara saru palilino wita andio, hangano nahina petenunu, nahina pompehohawa, ka nahina ponto'ori mongkona Ondae Ue Ala i wita andio;

Hosea 6:9

Kana gerombola anu montowoki mia, kanandiomo tepo'asaado sando mpesomba; ondae mpompepate a nsala lumako i Sikemi, mentee ntu'u, mpoweweu ira tataa.

Hosea 9:8

I Eparai, bawaa-Do Ue Alaku, kontongaano mompadaso nabi, oho porako manu-manu hinao a asa ngkeu salano, pe'iwalia hinao a raha-Do Ue Alano.

Yoeli 1:2

Rongeomo andio, oo luwuno mia memota'u, imenta'oomo birimiu, oo luwuno palili! Horioke gagi kanandio i tempomiu, ke i tempodo uempu'umiu?

Amosi 3:1

Rongeomo pau andio, anu pinau-Do i Ue mongkona omiu, hei to Isaraeli, mongkona luwuno suku anu umariomo Kutaateo meluarako inso i wita Masiri,

Amosi 7:9

Luwuno pesombaano i Saki Aku mokotampulao ka luwuno po'ianga memporido to Isaraeli ta rinongka, ka somborino i Yerobea Aku umewaiakono ponai.”

Mika 3:1

Umarino atuu kupotae, ”Imerongeomo, hei luwuno mia pinemota'uno i Yako, ka luwuno petewawa suku Isaraeli! Kombake tekona imento'orio moleoa,

Mika 3:9

Rongeomo andio, hei luwuno mia pinemota'u sukuno i Yako, ka luwuno petewawado suku Isaraeli! Hei omiu anu mokokowuereakono moleoa ka anu mokomolengkuo luwuno anu moleo,

Mika 7:2

Mia mpope'ala-ala tampulaomo i witano, ka nami hina mbo'u mia moleo i olodo mia. Ondae luwudo mponsikori rea, singge mia mo'ohoako buani pe'asa miano.

Maleaki 1:6

Asa nana'ote melangkaio amano ka asa ata melangkaio ueno. Tewala Ongkue andio ama, isuake pompelangkai ndi Ongkue? Tewala Ongkue andio ue, isuake doitomiu ndi Ongkue? pau-Do Ueno luwuakoano ndi ondae, hei luwuno sando mpesomba anu mentatao nee-Ku. Sine mpotae komiu, ”Kana'umpeke kimentatao nee-Miu?”

Maleaki 2:1

Kanandio-andio, tiamumo parenta andio, hei luwuno sando mpesomba!

Puu Mpobitara 4:12

Mansano pinaleleako i Sisera, motae i Bara anano i Abinoa lumako i torukuno Tabo,

Puu Mpobitara 4:6

Metenaomo moboio i Bara anano i Abinoa inso i Kadesi i wita Napatali, ka ipotaeakono, ”Nde Ondae i Ue, Ue Alado to Isaraeli, meparenta kanandio: Imelakomo i torukuno Tabori wawa ira hopulu nsowu mia inuleno i Napatali ka inuleno i Sebulo merongaakomu,

1 Samueli 7:16

Sompo-sompo ta'u onae lumako i Beteli, i Giliga, ka i Misipa, moparenta gagi puu mpobitara a nto Isaraeli a luwuno po'ianga atuu.

1 Samueli 7:5

Ka i'amba motae i Semueli, ”Pumpu ira luwudo to Isaraeli i Misipa. Aku mekakaiakomiu ndi Ondae i Ue.”

1 Samueli 7:6

Mansado mpepumpu i Misipa, mpontambu ira uwoi ka dome'uwuo i aro-Do i Ue. I ra'ai mempuasa ira oleo atuu ka dompotae, ”Mentehala kamimo ndi Ondae i Ue.” Ka i Semueli moparenta gagi puu mpobitara a nto Isaraeli i Misipa.