Hosea 4:16 - Wunta Mempori

¹⁶ Hangano Isaraeli umewa kana sapi anu umewa, kana'umpe ta gagi Dopakambi Ira i Ue kanandio-andio, kana bimba a ntanalapa?

Hosea 4:16 ပူးပေါင်းရင်းမြစ်များ

Po'unde-unde 78:8

ka si kana uempu'udo, inule anu humapu Ira i Ue ka me'ewa, inule anu nahi rodo aroado ka nahi moroso dompe'ini ndi Ondae Ue Ala.

Yesaya 22:18

ka kupaluluko moroso gagi asa mpalulu ka lumundiko kana golu a wita anu tewile malua; i tu'aimo komate, ka i tu'aimo po'iangado kareta pompelangkai ndi omue, hei omue mokoko'iiado somborino uemu!

Yesaya 30:23

Ka i'amba Ondae i Ue Ira mompotiiakono usa a inii anu rinawomiu i wita, ka roti hasilino wita atuu ta mo'ahi ka hadio ntu'u. I tempo atuu pinotuwumu ira mpongkaa ewo a ntonga mpada anu malua;

Yesaya 5:17

Bimba ira mpongkaa ewo i ra'ai kana a mpada po'iangado, anano bembe ira mpo'ungke mpongkaa a nterongkano rahano mia kaea.

Yeremia 14:7

”Maupo luwuno salamami mpesakosii umewai kami, Itulungi kamimo, oo Ue, a nee-Miu! Tedoa hadio pehapumami, ndi Omiumo kimentehala.

Yeremia 3:11

Ondae i Ue mepau mbo'u ndi ongkue, ”I Isaraeli anu mehapuakono pompe'ala-alano atuu mopokitao koroino menteeopo sekono i Yehuda anu nahi petenunu atuu.

Yeremia 3:6

Ondae i Ue mepau ndi ongkue i tempono mokole Yosia, ”Umariomoke ukitao hapa anu wineweuno i Isaraeli anu mehapuakono pompe'ala-alano atuu? Kombake onae mewuatako a sompo pongku anu kontasi-tasi ka lumako a ntoto sompo keu anu marombo ka mebelesu i ra'ai?

Yeremia 3:8

Ikitao nine hangano ponsosabono Kupensuaakonomo i Isaraeli anu mehapuakono pompe'ala-alano atuu, ka moweeakono wunta teposuaa. Sine i Yehuda, pepaekompono beine anu nahi petenunu atuu, nahi doito, tendeano lumako mbo'u mebelesu.

Yeremia 31:18

Kurongeomo mentee ntu'u i Eparai mengese, ’Itunduhi akumo, ka kutarimao petunduhi, kana ana nsapi anu nahi pinaguru. Iwawa akumo mekule ka ineheku mepokule, hangano Omiumo Ue, Ue Alaku.

Yeremia 5:6

Onaemo pu'uno singa inso a ntobu ta merangkami ira, ka serigala i pada one ta rumako ira. Nggapu langkai meboti-boti ta mompora umpeda a luwuno kotado, sompo mia anu meluarako ta meberi-berio. Hangano hadioomo halado, ka tesaado tetiangi.

Yeremia 7:24

Sine nahi domebehe mperorongeakono ke menta'oo birido, tendeano mentondao luwuno tinoo ka moteano aroado anu mosa'o, ka ondae mpopokitao bungkudo ka komba arodo.

Yeremia 8:5

Tembio ka dompewolili tongku andio, luwuno ihino Yerusale mpewolili mpiha? Ondae mpe'ini a pompopo'oo, nahi dobehe mpekule.

Hosea 10:11

I Eparai i ndi'ipua asa ana nsapi anu tepaguru, anu ineheno monsesa, palasano anu tekosi Kupo'ineeo, sine kanandio-andio, i Eparai Kutenao mo'angga; i Yehuda asalakono mompadeko, i Yako asalakono mongkambu wita tiano onaeno.

Hosea 11:6

Ponai ta me'a'e a luwuno kotado, rumopuo luwuno lansono pewowado ka ta kumaa ira, hangano luwuno tinoodo.

Hosea 11:7

Bawaa-Ku mpekorahako mpebungkui Aku; Mpebooli ira a Baala ka mpenaa-naa mpelangkaio nee-Ku.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

Sakaria 7:11

Sine nahi dobehe pomperio, pompembuu-mbuu ira, me'ewa ka mpompebongo-bongo kasi domporonge.

1 Samueli 15:11

”Me'o'ole Aku motoroo i Saulu gagi mokole, hangano ipebungkui aku ka nahi tondao pau-Ku.” Mompemasusaomo i Semueli, onaemo ka ipekakai ndi Ondae i Ue asa wongi.