Hosea 4:15 - Wunta Mempori

¹⁵ Tewala mansako monsosabo, hei Isaraeli, siimo Yehuda tetonda saala! Siimo lako i Giliga; siimo pewuatako i Beti-Aweni, ka siimo pesumpa, ”A nee-Do i Ue anu tuwu!”

Hosea 4:15 ပူးပေါင်းရင်းမြစ်များ

2 Tawarika 17:4

tendeano umungke Ira Ue Alano uempu'uno. Onae tuwu tumondao luwuno parenta-Do ka nahi poweweu kana i Isaraeli.

2 Tawarika 21:11

Ka iweweuo mbo'u luwuno pompesombaia a luwuno torukuno i Yehuda. Onae weweu ira palili i Yerusale mponsosabo ka onae mokopansia ira to Yehuda.

Yesaya 48:1

Rongeomo pau andio, hei suku inuleno i Yako, anu pinewuaako nee Isaraeli anu mepu'u inso a inuleno i Yehuda, anu mesumpa a nee-Do i Ue ka umakuio Ue Alado to Isaraeli, sine nahi a menteeano ntu'u ka moleo aroa.

Yeremia 44:26

Onaemo pu'uno, rongeomo pau-Do i Ue, hei luwuno to Yehuda anu mpo'ia i wita Masiri: Menteeano, mesumpa Akumo a nee-Ku anu langkai, pau-Do i Ue, nee-Ku nahi ta mebooliakono mbo'u maupo te'asa to Yehuda a luwuno wita Masiri, ka dompotae, ’A Nee-Do Ue Ala anu tuwu!’

Yeremia 5:2

Maupo dompotae, ”A nee-Do i Ue anu tuwu,” mengkaano ondae mpesumpa nahi mentee.

Yehesikieli 20:39

Hei omiu, suku Isaraeli, kanandiomo pau-Do Ue Ala, po'ineeomo singge mia lumako mesomba a luwuno lahumoano. Sine lembuino komiu meronge Aku ka nee-Ku anu mempori nahi kinokoburutiako mbo'u luwuno pesomba ka lahumoamiu.

Hosea 10:5

Palilino Samaria mpondidi-ndidi, medanggaraakono ana nsapi Beti-Aweni. Mentee ntu'u, palilino ira mpompemasusaakono, ka luwuno sando mpesombano ira mensabangio, hangano marambano meliahakoomo inso ndi onae.

Hosea 10:8

Luwuno po'ianga pesombaa ndi Aweni, anu gagi halano Isaraeli, ta pinokotampula. Ewo rui ka rui ta tuwu a wawo luwuno meda pontunua pesombano. Ira mpotae a luwuno torukuno, ”Howui kamimo!” Ka a luwuno pongku wita, ”Tehoamo dumunsi kami!”

Hosea 12:1

I Eparai kumadua-Kune pegaupi, a nsuku Isaraeli saru pe'akala; Yehuda mbo'u moliu inso umpedaako Ira Ue Ala, inso umpedaako Ira Anu Tedoa Mempori anu metenunu.

Hosea 12:11

Mepau Akumo a luwuno nabi, mompowee hadio anu kinita, ka molalo luwuno nabi Kupohaweo pandiri.

Hosea 12:12

Kombake Gileadi atuu lambaha? Ondae megagi nahina tuduno. Kombake i Giliga dompesombaakono luwuno sapi lakino? Luwuno meda pontunua pesombado mbo'u gagi howuno watu a banga-bangano lere.

Hosea 4:12

Bawaa-Ku mpesikeno a ngkeuno, ka tukono moweeakono sangkino, hangano penaa ponsosaboa mokopansia ira, ka ondae mponsosabo binta Ira Ue Alado.

Hosea 5:8

Puuriomo tawuwua i Gibeoni, ka napiri i Rama. Peboolimo i Beti-Aweni, ”Petangkoromo, i bungkumu hei Benami!”

Hosea 9:15

Luwuno wineweudo mosa'o gagi i Giliga, mentee ntu'u, maupo i ra'ai Ku'o'aliaako ira. Hangano mosa'ono luwuno wineweudo, Aku sumaari ira inso i raha-Ku. Nahi Aku mehohawa ira mbo'u; luwuno mia pinemota'udo onaemo puu mpe'ewa.

Amosi 4:4

”Aiwamo i Beteli ka poweweumo wineweu mosa'o, i Giliga ka pokohadioomo wineweu mosa'o! Wawaomo pesomba sinumbelemu i tempono mo'oru, ka pesomba tia hopulumu a oleo ko'otolu!

Amosi 5:5

Siimo ime'ungkeo Beteli, siimo imelako i Giliga ka siimo impe'asambaliako i Bereseba, hangano Giliga manasa tinadi a mpontadia ka Beteli ta tampula.”

Amosi 6:10

Maamano, puu mpotunu anu tumunuo wata ngkoroi atuu, ta aiwa tumandeo ka lumuarakono wata ngkoroi atuu inso a raha atuu. Onae mesikeno a mia anu kongko i bungkuno raha, ”Da hinaoke mia pe'asamu?” Sangkino, ”Nahina.” Ka i'amba motae, ”Penoro-noro si pepau!” Hangano komba tempono popauo nee-Do i Ue!

Amosi 8:14

ondae anu mpesumpa a neeno i Asima, pesomba beine Samaria ka dompotae, ’A nee-Do Ue Alamiu anu tuwu, hei Dani!’ saru, ’Tiano sala anu nahi mempori lumako i Bereseba!’ Ira ntebangku ka nahi ira mpewangu mbo'u.”

EPESU 5:11

Si mpompokowali a luwuno wineweu wongi-wongi anu nahi pewuaako hapa-hapa, sine tendeano imposabaomo luwuno wineweu atuu.

Yosua 5:9

Mepau iramo i Ue ndi Yosua, ”Oleo andio Ku'oniniomo salamiu i wita Masiri.” Onaemo ka po'iangaamiu atuu nineeako Giliga ranta kanandio.

Yosua 7:2

Montenaomo mia i Yosua orua ira inso i Yeriko lumako i Ai, umpeda i Beti-Awe, sabaano oleo inso i Beteli, ka i potaeako ira kanandio, ”Lakomo raane ka i padasoo inia atuu.” Lumako iramo mia atuu ka dopadasoo i kota Ai.