Hosea 4:12 - Wunta Mempori

¹² Bawaa-Ku mpesikeno a ngkeuno, ka tukono moweeakono sangkino, hangano penaa ponsosaboa mokopansia ira, ka ondae mponsosabo binta Ira Ue Alado.

Hosea 4:12 ပူးပေါင်းရင်းမြစ်များ

2 Mokole 17:7

Kai gagi kanatuu, hangano to Isaraeli ntehala iramo ndi Ondae i Ue, Ue Alado anu tumaate iramo mpeluarako inso i wita Masiri, inso a mpabawano i Pirao. Mpesomba iramo a luwuno pinesombai susua,

2 Tawarika 21:13

tendeano tumondao sala ntumuwudo mokole i Isaraeli ka weweuo Yehuda ka palilino Yerusale mponsosabo, kana anu wineweudo somborino i Ahabi. Tendeano upepate iramo pepaekompomu, luwuno somborido amamu anu moiko irapo sekono omue.

Po'unde-unde 106:39

Koroido domengkokoburutiakono hapa anu wineweudo, ka mpososaboako luwuno wineweudo.

Po'unde-unde 73:27

Hangano menteeano, isema anu olai inso ndi Omiu ta mate; Ipepate ira luwu mia, anu nahi petenunu mbo'u ndi Omiu.

Yeremia 10:8

Lahumoa atuu luwuno benge-benge ka monge-monge; pontisodo nahina tuduno; onae butu koa keu.

Yeremia 2:27

Dompotae a asa mpole keu: Omuemo amaku! ka a watu: Omuemo anu me'anaakune! Mentee ntu'u, dompebungkui Aku ka nahi dompewolili ndi Ongkue. Sine, mansano umalu ira masolaa mpotae ira: Oo, Ikadudui kamimo!

Yeremia 23:13

I olodo nabido to Samaria Kukitao mongkona anu nahi tekona: ondae mpompau anu ta gagi a neeno Baala ka mpokontesaao bawaa-Ku Isaraeli.

Yehesikieli 20:32

Nahi ta gagi hapa anu melurako i laro aroamiu, hapa anu pinaumiu, ’Inehemami kana luwuno tongku susua, kana luwuno suku i luwuno wita ka kimpesomba a ngkeu ka a watu.’

Yehesikieli 21:21

Hangano mokole i Babeli mentade a sampangano sala atuu, a pompu'uano orua sala atuu ta moweweu anu nahi manasa. Iseduo anano mpana, mo'ema pontiso inso a ntinaha pelahumoaa, ka iparesao ateno kondehora.

Hosea 14:3

Wawaomo perongaakono luwuno pau andio, ka pepokulemo ndi Ondae i Ue; pepaumo ndi Ondae, ”I'oniniomo luwuno saala, ka Itarimaomo anu moiko. Gagi euno sapi, kami mpesombaakono mangakumami.

Hosea 5:4

Luwuno wineweudo nahi pototono dompepokule ndi Ondae Ue Alado, hangano aroa ponsosaboa kongko a laro ngkoroido, ka nahi domento'ori Ira i Ue.

Hosea 6:10

I olodo to Isaraeli Kukitaomo luwuno mongkona anu mongkokongiri; i ra'ai pebelesuano i Eparai, i Isaraeli weweuo koroino mokoburu.

Hosea 9:1

Siimo impo'unde, hei Isaraeli! Siimo impeboo-booli kana luwuno tongku! Hangano monsosabokomo binta Ira Ue Alamu, ukekewoio tambo mpebelesu a sompo ponsesaa gandu.

Imama 17:7

Siimo mbo'u dompopesombaako pesombado a onitu kana bembe, hangano mesomba a onitu bembe onaemo monsosabo. Onaemo atuu anu asalakono gagi pompakosi ranta nahina tampulaano ndi omiu hawe a inulemiu.

Imama 20:5

manasa Ongkue isa'a anu umaropio mia atuu saru asa nsomborino ka mokotampulao inso i tonga-tongano tongkuno saru luwuno mia anu tumondao mososabo, onaemo monsosabo mesombaio i Moloko.

Mika 2:11

Ande-andeno asa mia hawe saru hadio mpau mooa ka pegaupi, ipotae, ”Aku mompau anu ta gagi ndi omue mongkona anggoro ka ara,” ka onaemo anu tekona gagi mia anu mompau anu ta gagi a tongku andio!

Habaku 2:19

Masola ntu'u mia anu mepau a ngkeu asa mpole, ”Pelikemo!” ka a asa watu beebe nahi pepau, ”Pewangumo!” Kana'umpe ka ipokompopaguru? Lano onae mewaluako wulaa ka salaka, sine nahina ntu'u penaa i larono.

Podoaa 15:39

Tempono imengkitao rawe-rawe atuu, ta mopoto'oriakomiu a luwuno parenta-Do i Ue, ranta ka imeweweuo, ka nami mentondao mbo'u po'eheno aroa ka matamiu, anu weweu komiu mepansia.

Winali 31:16

Mepau Ira i Ue ndi Musa, ”To'oriomo, omue komohawe penaa-naa meronga saru uempu'umu. Ka i'amba tongku andio ira mpentade ka mponsosabo mpontonda pinesombai susua i wita, ba isua komiu mpewinso. Ira mebinta Aku ka nahi domentondao pedandia-Ku anu winutu-Ku saru ondae.

Puu Mpobitara 18:5

Mpotae ira ndi onae, ”Pesikeno ndi Ondae Ue Ala, ka kimento'orio, mongkona pelempamami andio, ba ta me'ura.”