Hosea 4:1 - Wunta Mempori

¹ Rongeomo pau-Do i Ue, hei Isaraeli, hangano Ondae i Ue hinao kara-kara saru palilino wita andio, hangano nahina petenunu, nahina pompehohawa, ka nahina ponto'ori mongkona Ondae Ue Ala i wita andio;

Hosea 4:1 ပူးပေါင်းရင်းမြစ်များ

1 Mokole 22:19

Motae i Mika, ”Onaemo pu'uno, irongeomo pau-Do i Ue. Kukita Iramo i Ue mentoro a wawo kadera poparentaa-Do ka luwuno sorodadu suruga mpentade umpeda ndi Ondae, i koana ka i manggali-Do.

Po'unde-unde 81:9

Rongeomo hei bawaa-Ku, Aku moweeakomiu pepopoto'ori; hei Isaraeli, tewala beheko rumonge Aku:

Yesaya 1:10

Rongeomo pau-Do i Ue, hei luwuno petewawano Sodomo! Ta'oomo birimiu a pompaguru-Do Ue Alato, hei palilino Gumora!

Yesaya 1:18

Aiwamo, moikoomo tompekara-kara! Pau-Do i Ue. Tewala halamu motaha kana kirimisi, ta gagi mopute kana seru baku; tewala motaha kana kasumba, ta gagi mopute kana wulu bimba.

Yesaya 28:14

Onaemo pu'uno, rongeomo pau-Do i Ue, hei luwuno puu mpompasinggiri anu meparentao tongku andio anu mekongko i Yerusale!

Yesaya 34:1

Ime'umpedamo, hei luwuno tongku, rongeomo, ka pekokoongakonomo, hei luwuno suku tongku! Moikoomo irongeo tolino saru luwuno ihino, wawontolino ka luwuno anu tuwu i wawono.

Yesaya 34:8

Hangano Ondae i Ue pakosio asa oleo pombaloa ka ta'u pohukua umalaakono Sioni.

Yesaya 5:3

Kanandio-andio, hei palilino Yerusale, ka to Yehuda, bitaraomo olono ongkue ka lere anggoroku.

Yesaya 59:4

Nahina anu mowinso kara-kara anu mentee pu'uno, ka nahina anu mobitara anu moroso pu'uno. Mia mpoperorohi anu nahina tuduno ka mompau pegaupi, mia mentiaako masolaa ka me'anaako lambaha.

Yesaya 59:8

Sala sintuwu nahi domento'orio, ka nahina moleoa a hanga ngkarudo. Domentondao luwuno sala anu molengku, ka sompo mia anu mesala i tu'ai nahi ta hori monto'ori sintuwu.

Yesaya 66:5

Rongeomo pau-Do i Ue, hei omiu anu medoitoakono pau-Do! Ondae pepaekompomiu anu umo'aliaakomiu, ka lumiahako komiu hangano nee-Ku, mpotae iramo, ”Moikoomo Dopopokitao i Ue maramba-Do, ka kimengkitao mawongkomiu!” Sine, tendeano ondaemo anu ira mempinokoko'ii.

Yeremia 11:7

Mentee ntu'u Kupopoto'oriako iramo uempu'umiu, i tempono Kutaate ira mpeluarako inso i wita Masiri. Maupo hawe tempo andio Kupopoto'oriako ira mpiha: Rongeomo pau-Ku!

Yeremia 19:3

Pauomo: Rongeomo pau-Do i Ue, hei luwuno mokoledo to Yehuda ka palilino Yerusale! Kanandiomo pau-Do i Ue asa wawontolino, Uedo to Isaraeli: Menteeano, Aku mompotii masolaa a mpo'ianga andio, ranta birino mia anu rumongeo, ngingii!

Yeremia 2:4

Rongeomo pau-Do i Ue, hei inuleno i Yako, hei luwuno pe'etu inuledo to Isaraeli.

Yeremia 2:9

Onaemo pu'uno Aku mekara-kara mbo'u saru omiu, kanandiomo pau-Do i Ue, ka saru ana'uemiu Aku mekara-karaako ira mbo'u.

Yeremia 25:31

Suara magaga ta hawe i tompano tolino, hangano Ondae i Ue hinao tinuntu-Do a luwuno tongku. Dopekara-karakono luwuno anu tuwu; Mia mosa'o gauno Ira meweengakono a mponai, kanandiomo pau-Do i Ue.

Yeremia 34:4

Maupo kanatuu, rongeomo pau-Do i Ue, hei Sedekia, mokoledo to Yehuda, kanandiomo pau-Do i Ue mongkona omue: omue nahi komateako ponai!

Yeremia 4:22

”Mentee ntu'u, bawaa-Ku atuu mebenge-benge, nahi domento'ori Aku! Ondae onaemo nana'ote monge-monge, nahina tino'orido! Ondae pande mpoweweu mosa'o, sine nahi domponto'ori mpoweweu moiko.”

Yeremia 4:28

Hangano mongkona andio tolino ta mompemasusa, ka langi i wawono gagi wongi-wongi, hangano Kupauomo, Kuposongkaakonomo, nahi Aku me'o'oleakono ka nahi ta mepokule inso mongkona atuu.”

Yeremia 5:4

Ka ku'amba mompewowolo, ”Ondae butu koa mia kodei; ondae mia mebenge-benge, hangano nahi domento'orio sala-Do i Ue, songka-Do Ue Alado.

Yeremia 51:5

sekono Isaraeli ka Yehuda nahi Dobintao Ue Alano, Ue Alano luwuakoano gagi tuwu beine, hangano witado to Kasidimi atuu bukeako sala ndi Ondae Anu Tedoa Mempori, Ue Alado to Isaraeli.

Yeremia 6:13

”Hangano, inso anu lalu kodei hawe anu lalu langkai i olodo, luwuno mpo'ungke me'uraa, moiko nabi maupo sando mpesomba luwuno mpompopo'oo.

Yeremia 7:28

Onaemo pu'uno, pauako iramo: Ndiomo tongku anu nahi behe merorongeakono pau-Do i Ue, Ue Alado, ka nahi dobehe mpontarima pohuku! Moleono aroado pingkoomo, tepahihiomo inso a ngangado.”

Yeremia 9:20

Onaemo ka imerongeo pau-Do i Ue, hei luwuno beine, po'ineeomo ka itarimao birimiu pau inso a nganga-Do; paguruako iramo ponsabangi anamiu beine, ka penani ponsabangi, singge mia a wali-walino:

Yeremia 9:3

Ondae melongkuo elodo kana pana; komba menteea sine pegaupi anu me'a'e i wita atuu. ”Mentee ntu'u, ondae mpelungka inso a wineweu mosa'o lumako a wineweu mosa'o, sine nahi domento'ori Aku”, pau-Do i Ue.

Yeremia 9:7

Onaemo pu'uno, kanandiomo pau-Do Ueno luwuakoano, ”Menteeano, Aku mokolonoo ka umarahako ira, hangano hapa mbo'u anu Aku mokoweweuo a ana beinedo bawaa-Ku?

Yehesikieli 16:35

Onaemo pu'uno, hei beine belesu, rongeomo pau-Do i Ue!

Hosea 12:2

I Eparai mompakambi angi, ka molulu angi sabaano oleo asa oleo, mompokohadio pegaupi ka pobobarasai. Mpowutu ira pedandia saru Asuri, ka mpowawa lana a nto Masiri.

Hosea 12:3

Ondae i Ue mekara-kara saru Yehuda. Ira humukuo Yako menunu saru peleluno, ka Ira weeakono montonda saru luwuno wineweuno.

Hosea 5:1

Rongeomo andio, hei luwuno sando mpesomba, pekokoongakonomo hei to Isaraeli, ka ta'oomo biri, hei somborino mokole! Hangano tiamiumo pohuku atuu, hangano megagi komiumo dampa ndi Misipa, ka buani anu tinende i wawo ntorukuno Tabori,

Hosea 5:4

Luwuno wineweudo nahi pototono dompepokule ndi Ondae Ue Alado, hangano aroa ponsosaboa kongko a laro ngkoroido, ka nahi domento'ori Ira i Ue.

Yoeli 1:2

Rongeomo andio, oo luwuno mia memota'u, imenta'oomo birimiu, oo luwuno palili! Horioke gagi kanandio i tempomiu, ke i tempodo uempu'umiu?

Amosi 3:1

Rongeomo pau andio, anu pinau-Do i Ue mongkona omiu, hei to Isaraeli, mongkona luwuno suku anu umariomo Kutaateo meluarako inso i wita Masiri,

Amosi 7:16

Kanandio-andio, rongeomo pau-Do i Ue! Omue motae, ’Siimo pompau anu ta gagi umewaio Isaraeli, ka si kuahako ira inuleno i Saki.’

Mika 6:2

Rongeomo, oo luwuno torukuno potuntu-Do i Ue, ka ta'oomo biri, oo luwuno empehino tolino! Hangano Ondae i Ue hinao potuntu-Do a bawaa-Do, ka Ondae mekara-kara saru Isaraeli.

I YOHANE 8:55

kahinaano nahi imento'ori Ira, sine Ongkue tumo'ori Ira. Ka tewala motae Aku: Nahi Kuto'ori Ira, megaupi Akumo, mengkena kana omiu, sine Kuto'ori Ira ka Kutondao pau-Do.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

1 KORINTI 15:34

Iwali mpewowoloo temoi-moiko ka si mpoweweu mbo'u hala! Hinao i olomiu anu nahi to'ori Ira Ue Ala. Mongkona andio kupauo, ka intekoko'ii koa.

MENGKAAA 2:11

Isema mebiri, po'ineeomo ka ipomperorongeako hapa anu pinau-Do Penaa a luwuno bawaa: Ba isema monangi, onae nahi ta marasai hapa-hapa a matea anu kompenduano.”

MENGKAAA 2:29

Isema mebiri, po'ineeomo ka iperorongeakono hapa anu pinau-Do Penaa a luwuno bawaa.”