Hosea 3:5 - Wunta Mempori

⁵ Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Hosea 3:5 ပူးပေါင်းရင်းမြစ်များ

1 Mokole 12:16

Mansado mengkitao luwuno to Isaraeli nine nahi perorongeako ira mokole, mesangki ira palili ndi mokole, ”Hapa kita mpohawe ndi Daudi? Nahina tia pusakato ndi anano i Isai atuu! Imelako a ngkemamiu, hei to Isaraeli! Kanandio-andio orusuomo omuemu rahamu, hei Daudi!” Onae ka domelakomo to Isaraeli a ngkemado.

Yesaya 17:7

I tempo atuu mia ta mengkita ndi Ondae anu mokogagio, ka matano ta mengkita ndi Ondae Anu Tedoa Mempori, Ue Alado to Isaraeli;

Yesaya 2:2

Ta gagi a oleo pokotampulaano: torukuno po'iangano raha-Do i Ue ta mentade lumaloio punsuno luwuno torukuno ka kontasi-tasi i wawono luwuno pongku; luwuno tongku ta hadio ntu'u melako i ra'ai,

Yesaya 2:3

ka hadio sukuno tongku ira melako saru mpotae, ”Aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno pesalaa-Do, ka tompesala a mpesalaa-Do; hangano inso i Sioni ta saba pompaguru ka pau-Do i Ue inso i Yerusale.”

Yesaya 60:5

I tempo atuu omue kokohali-hali mengkita ka mompesanaa, omue kotekokodoho ka komawongko, hangano mare'ea inso i asatowano tahi ta melimba ndi omue, ka kaeano luwuno tongku ta melimba ndi omue.

Yesaya 9:13

Onaemo ka Dotebasio i Ue inso i Isaraeli ulu ka iki, watano ka sampano merongaako a oleo anu mengkena.

Yeremia 23:5

Menteeano, ta hawe tempono, kanandiomo pau-Do i Ue, nine Aku motuwuo Tumba Moleo tiano i Daudi. Onae ta moparenta gagi mokole pande mosongka ka ta weweuo moleoa ka menteea i wita atuu.

Yeremia 30:24

Tekuda-Do i Ue anu tensila atuu nahi ta temonto hawe ka Doweweuo ka mokogagio tinoono aroa-Do; a oleo pokotompa komiu mento'orio mongkona atuu.

Yeremia 30:9

Ira mpo'angga ndi Ondae i Ue, Ue Alado, ka ndi Daudi, mokoledo, anu Aku wanguako ira.

Yeremia 33:17

Hangano kanandiomo pau-Do i Ue: Nahi ta te'otu inuleno i Daudi anu mentoro a ngkadera poparentaado suku Isaraeli;

Yeremia 33:9

Kota andio ta gagi nee anu mompokomawongko, inunde-unde ka pinelangkai ndi Ongkue i arono luwudo tongku i tolino anu rumongeomo mongkona luwuno moikoa anu Kuweweuo ndi ondae; ira ntededengke ka mpondidi-ndidi hangano luwuno moikoa ka manangaia anu Kuweweuo ndi ondae.

Yehesikieli 16:63

Ka kanandio omue korumambeo anu i ndi'ipua ka mokoko'ii ranta ngangamu tekomu ntu'u hangano halamu, tempono kupoweweuakomu pesintuwua hangano luwuno wineweumu, kanandiomo pau-Do Ue Ala.”

Yehesikieli 38:16

Omue mentade umewai ira bawaa-Ku Isaraeli kana seru anu tumutuwio tolino. A tempo anu ta hawe mongkona atuu ta gagi, ka Aku wawako umewaio wita-Ku, ka domento'ori Aku luwuno tongku, i tempono Kupopokitao mempori-Ku ndi omue i arodo, hei Goge.

Yehesikieli 38:8

Tehine ntu'u umarino atuu komohawe parenta. Mapata'u-ta'u lembuino omue kolumako i asa wita anu wali winangu umarino peteaa. Palilino mepinumpu inso i olodo hadio tongku a wawo luwuno torukuno Isaraeli anu tehineomo tekale-kale. Ondae mewinawa mpeluarako inso i tongado luwuno tongku ka luwuno roodo dompo'ia.

Danieli 10:14

Ongkue aiwa weweuko ka upokonto'orio hapa anu ta gagi a tongkumu a oleo anu pokotompa; hangano pongkita mbo'u andio mongkona luwuno oleo atuu.”

Danieli 2:28

Sine, i suruga kongko Ira Ue Ala anu mosabao luwuno rahasia. Dopauakomiumo ueku Mokole Nebukanesa hapa anu ta gagi a oleo anu ta hawe. Ndiomo mo'ipi ka luwuno pongkita anu kinitamiu ueku a mpoturia:

Hosea 1:11

To Yehuda ka to Isaraeli ira ntepumpu mperonga ka pompotoro asa petewawado. Ira mpetorokio wita andio. Mentee ntu'u, tedoa langkai oleo Yisire'eli atuu!

Hosea 11:10

Ira mpetonda ndi Ondae i Ue; Ira mengaoli kana singa. Mentee ntu'u, Ira mengaoli. Nana'ote ira mehawe saru mpondidi-ndidi inso i sumooano oleo,

Hosea 5:15

Aku lumako, mekule a mpo'ianga-Ku, ranta ka domemangaku saala ka umungkeo rupa-Ku. A laro masukaraado ira mengkekewoi Aku:

Hosea 5:6

Saru asa bawaa bembe bimba ka sapi pesomba, domelako umungke Ira i Ue, sine nahi dohawe Ira; Dobinta iramo.

Hosea 6:1

”Aiwamo tompepokule ndi Ondae i Ue, hangano momperangkami Iramo, sine Ira mokotompa kita, monsepi Iramo, sine Ira walu kita.

Amosi 9:11

”Ia oleo atuu Aku wali montadeo laikano i Daudi anu tebangkuomo; Aku tumutuwio umeteno rereno, ka Aku wali wanguo rereno anu tehoa; Aku wali wanguo kana se'eluno,

Mika 4:1

Ta gagi a luwuno oleo pokotompa: Torukuno raha-Do i Ue ta mentade lumaloio punsuno luwuno torukuno ka kontasi-tasi mantande i wawono luwuno pongku; luwuno tongku ira mpetonda-tonda raane,

Podoaa 24:14

Kanandio-andio aku lumako a tongkuku. Moikoomo kupauakomu hapa anu ta wineweudo tongku atuu a tongkumu lembuino.”

ROMA 11:25

Hangano, ka si mpotae mempande komiu pepaekompo, ineheku ka imento'orio rahasia andio: Asa ntia inso a nto Isaraeli megagi iramo motea aroa hawe ka isompo doado luwuno tongku susua mpewinso.

ROMA 2:4

Inehemuke me'uru-uruo langkaino pe'aroa-Do, sabara-Do ka sanaano aroa-Do? Nahi uto'orioke, nine pe'aroa-Do Ue Ala onaemo tumaateko a ntepidia?

Winali 4:30

Tewala lembuino omiu a laro masukaraa ka luwuno anu andio umalu komiu, onae kai mpepokule ndi Ondae i Ue, Ue Alamiu, ka mperorongeakono suara-Do.