Hosea 3:4 - Wunta Mempori

⁴ Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Hosea 3:4 ပူးပေါင်းရင်းမြစ်များ

Tegagia 31:19

Ka i Laba se'eluno lumakoomo mogonti wuludo bimbano. I tempomo atuu i Raheli monakoo terapi pelahumoaano amano.

Tegagia 31:34

Sine i'alaomo i Raheli terapi pelahumoaa atuu ka mewinsoakono a laro lampino untano, ka mentoro i wawono. I Laba paresao luwuno kema atuu, sine nahi pohawe hapa-hapa.

Tegagia 49:10

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.

2 Samueli 6:14

I Daudi melense-lense i aro-Do i Ue tompaano rosono; ipokonao lemba epo inso a nsawu lena.

2 Mokole 23:24

I Yosia mokotampula ira puu pompoboi onitu ka luwuno anu mpongkita anu ta gagi, saru mbo'u tinaha terapimi, luwuno lahumoa ka luwuno pinesombai mokoburu anu tengkita i wita Yehuda ka i Yerusale, anu tinoono umihiio pauno songka Taura anu teburi a wunta hinaweno sando mpesomba Hilikia a raha-Do i Ue.

2 Tawarika 15:2

Onae lumako tepohaweakono i Asa, ka ipotae ndi onae, ”Ronge akumo, omue Asa saru luwuno Yehuda ka Benami! Ondae i Ue saru omiu tewala omiu saru Ondae. Tewala ime'ungke Ira, Dopemoikoo intepohaweako Ira, sine tewala imebinta Ira, Ira binta komiu.

Peluarakoa 28:4

Ndiomo sangka anu asalakono ira meweweuo: tutuwi rada, lemba epo, lemba meloe i bungkuno, lemba meloe i larono anu sinula, peboo ulu ka sulepe. Asalakono kanandiomo domeweweuo sangka mempori tiano i Haruni, akamu ka tiado luwuno anano, ka dompopekakaako gagi sando mpesomba ndi Ongkue.

Peluarakoa 28:6

Lemba epo atuu asalakono domeweweuo sinulaako bana wulaa, bana wungo motu'a, wungo mongura, motaha motu'a ka lena alusu anu kinoloro banano.

Ponsabangi 2:9

Dotano ira matubo a laro wita; pinudu ka Dorawo-rawoo luwuno lansono pewowano. Mokole ka luwuno petewawano kongko i olodo tongku, nahina pontiso, maupo nabi nahi dompotarima mbo'u pongkita inso ndi Ondae i Ue.

Yehesikieli 19:14

Ka i'amba meluarakoomo api inso a sampano anu kumaano sampa motutuno ka wuano, ranta nahina mbo'u ndi onae sampa anu moroso ka nahina tuko poparentaa.” Ndiomo ponsabangi ka ta pinake gagi ponsabangi.

Yehesikieli 20:32

Nahi ta gagi hapa anu melurako i laro aroamiu, hapa anu pinaumiu, ’Inehemami kana luwuno tongku susua, kana luwuno suku i luwuno wita ka kimpesomba a ngkeu ka a watu.’

Yehesikieli 21:21

Hangano mokole i Babeli mentade a sampangano sala atuu, a pompu'uano orua sala atuu ta moweweu anu nahi manasa. Iseduo anano mpana, mo'ema pontiso inso a ntinaha pelahumoaa, ka iparesao ateno kondehora.

Yehesikieli 21:31

Aku umuwuo bamburu-Ku ndi omue ka wurosio api tekuda-Ku ndi omue, umarino atuu meweengakomu a ngkaedo mia monge-monge anu tepaguru mporopu.

Danieli 11:31

Sorodaduno ira mehawe, mengkokoburutio po'ianga mempori ka bente atuu, mempahihio pesomba sompo oleo. Domenteahakono wineweu mokoburu anu mompepate.

Danieli 12:11

Mompu'u ipinenaa-naaako pesomba sompo oleo ka luwuno pinesombai mokoburu anu mompepate atuu tineahako, hinao asa nsowu ka rua etu ka sio pulu oleo.

Danieli 9:27

Mokole atuu ta weweuo pedandia atuu gagi dompemobeao hadio mia asa meluka opitu tempo tehineno. A entongano opitu tempo atuu onae ta mokompenaa-naaao pesomba sinumbele ka pesomba kaanga; ka i wawono pani mokoburua ta hawe anu mompepate, hawe a mporopua anu pinakosiomo umaluo anu mompepate atuu.”

Hosea 13:10

Isuaomoke mokolemu, ka ikaduduiko luwuno kotamu, ka luwuno anu pabawa ndi omue. Mongkona ondae mepaukomo, ”Weeakunemo asa mokole ka luwuno anu langkai potorono!”

Hosea 13:11

Kupoweeakomu asa mokole a laro ntekuda-Ku ka umalao a laro mosa'o-Ku.

Hosea 2:11

Aku rumopuo keu anggorono ka keu arano, mongkona teweweu atuu ipotae, ’Luwuno andio tamboku, anu domeweeakune mia pinehohawaku!’ Aku weweuo gagi tobu, ka luwuno kondehora i tonga mpada ta kumaano.

Imama 8:7

Umarino atuu ipokonaakono i Haruni lemba meloe i larono, tumanggoakono peboo ntongano, mokonaakono lemba meloe i bungkuno saru lemba epo ndi onae, metanggoakono koloro tanggono lemba epo, ranta kai tetanggo moroso ndi onae.

Sakaria 10:2

Hangano hapa anu pinauno terapimi onaemo mosa'o, ka anu kinitado mia anu nahi manasa ta gagi onaemo pegaupi, ka luwuno mo'ipi anu mempinaudo nahina pengkonaano; ondae mpontarero anu nahina tuduno. Onaemo pu'uno tongku atuu mpelakopi kana bawaano bimba ka pompemarasai hangano nahina puu mpompakambi.

Sakaria 13:2

I tempo atuu, kanandiomo pau-Do Ueno luwuakoano, Aku mokotampulao luwuno neeno lahumoa inso i wita andio, ranta nahi ira mempinau mbo'u. Luwuno mbo'u nabino ka luwuno tinoo mokoburu Aku mokotampulao inso i wita atuu.

I LUKASI 21:24

ka ira memateako mata mponai ka mewinawa gagi mia mentinawa a luwuno tongku, ka Yerusale ira melolandao luwuno tongku anu nahi domento'ori Ira Ue Ala, hawe ka isompoomo tempodo tongku atuudo.”

I YOHANE 19:15

Ka mpebooli iramo, ”Pepate Ira! Pepate Ira! Paso Ira a ngkeu pinotamba!” Ipotaeako ira i Pilatu, ”Asalakonoke ka kupasoo a ngkeu pinotamba mokolemiu?” Mesangki ira petewawado sando mpesomba, ”Nahina mokolemami sangkadio ondae Datu!”

IBARANI 10:26

Hangano tewala me'inungako kita moweweu hala, umarito mpohawe ponto'ori mongkona menteea, ka nami hina mbo'u pesomba po'onini hala atuu.

Puu Mpobitara 17:5

I Mika andio hinao raha pesombaano. Iweweuo lemba epo ka terapi ka ipotoroo asa anano anu tama gagi sando mpesomba.

Puu Mpobitara 18:14

Mpotae iramo mia olima atuu anu umari mempadasoo wita Laisi atuu. Mpotae ira ia pe'etudo, ”Imento'orioke, motae ilaro raha andiodo hinao lemba epo, terapi, tinaha ka tinaha hinola? Onae ka imento'oriomo hapa anu ta wineweumiu!”

Puu Mpobitara 8:27

Ka i'amba i Gideo moweweu asa epo lahumoa inso ia luwuakoano atuu, ka inaao i kotano, i Opara. I ra'ai luwudo to Isaraeli mpelahumoa, mpesombaio epo lahumoa atuu. Onaemo anu gagi sala leluno i Gideo saru pe'asa rahano.

1 Samueli 14:3

I Ahia anano i Ahitubi, pepaekompono i Ikabo, anano i Pinehasi, anano i Eli, sando mpesomba-Do i Ue i Silo, mowawa epo. Nahi domento'orio palili nine i Yonata lumakoomo.

1 Samueli 15:23

Mo'ewai songka mengkena halano kana mia puu mpososa'ori. Nahi pomperorongeako mengkena kana mosaono mia mpelahumoa. Hangano omue umewaiomo pau-Do i Ue, omue nami Dotarimako mbo'u gagi mokole.”

1 Samueli 2:18

I Semueli gagi puu mpompekakaako i aro-Do i Ue. Onae da mongura mompakeomo lemba epo inso a sangka lena.

1 Samueli 21:9

Ipotae sando mpesomba atuu, ”Ponaino i Golia to Pelisiti anu pinepatemu i Lembono Tarabanti, onae anu kongko i ndi'ai, tinongoako sawu i bungkuno epo. Tewala mingkiko umalao, alaomo, hangano nahina anu susua ndi'ai sangkadio ponai atuu.” Sumangki i Daudi, ”Nahina anu kanatuu, iwee akumo.”

1 Samueli 22:18

Ka i'amba mokole tumenao i Do'egi, ”Lakomo omue pepate ira sando mpesomba atuu.” Lumakoomo i Do'egi to Edomi atuu mepate ira sando mpesomba. Oleo atuu, halupulu ka olima mia pinepateno anu mpopake epo inso a hawu lena.

1 Samueli 23:6

Tempono ipolai i Abiata anano i Ahimele lumako ndi Daudi i Kehila, iwawao epo a ngkaeno.

1 Samueli 23:9

Mansano tumo'orio i Daudi tinoono i Saulu anu mosa'o ndi onae, ipotaeakono sando mpesomba i Abiata, ”Wawao epo atuu i ndi'ai.”

1 Samueli 30:7

Ka i'amba i Daudi parentao sando mpesomba Abiata anano i Ahimele, ipotae, ”Wawaomo epo ndi ongkue.” Iwawaomo i Abiata epo ndi Daudi.