Hosea 3:1 - Wunta Mempori

¹ Mepau Iramo i Ue ndi ongkue, ”Lakomo mbo'u, pekokonoomo beine anu hinao pinehohawano ka ineheno monsosabo, kana mbo'u Ondae i Ue mehohawa ira to Isaraeli, maupo dompewolili a luwuno pinesombai susua ka ineheno kukisi kisimisi pesomba kaanga.”

Hosea 3:1 ပူးပေါင်းရင်းမြစ်များ

2 Samueli 6:19

Ka i'amba a luwuno tongku atuu, luwuno to Isaraeli, moiko tama maupo beine, singge mia tiniaako asa roti, asa hea bau, ka asa mpole kukisi kisimisi. Ka i'amba luwuno tongku atuu singge mpekule i rahado.

2 Mokole 13:23

Sine Ondae i Ue tedoa mehohawa ira. Mewolili Ira ndi ondae hangano pedandia-Do saru i Burahima, i Saki ka i Yako. Nahi Do'eheakono rumopu ira ka tumadi ira inso i aro-Do ranta kanandio-andio.

1 Tawarika 16:3

Ka i'amba sompo mia Isaraeli, moiko tama maupo beine, singge mia tiniaako asa roti bonggoli, asa hea bau ka asa mpole kukisi kisimisi.

Nehemia 9:31

Sine hangano pompehohawa-Miu anu langkai, nahi ropu ira ka nahi binta ira. Menteeano Omiumo Ue Ala anu puu pompehohawa.

Po'unde-unde 123:2

Kitao, kana matado ata ntama te'aro a ngkaeno pe'ueado, kana matano ata beine te'aro a ngkaeno pe'ueano beine, kanatuumo matato te'aro ndi Ondae i Ue, Ue Alato, hawe ka Dopehohawa kita.

Peluarakoa 32:6

Tisomono mo'o-mo'oru mpopesombaako iramo pesomba tinunu ka pesomba tekaduduia. Ka do'amba tongku atuu mpentoro mpongkaa ka mpo'inu, umarino atuu mpentade pada mpewoo-woo.

Penani Maramba 2:5

Pokorosoakunemo kukisi kisimisi, pokomadooakunemo wua apeli, hangano mahaki ntekewoi aku.

Yesaya 45:22

Impepokulemo ndi Ongkue ka imengkinadudui, hei luwuno tompano tolino! Hangano Ongkuemo Ue Ala ka nahina anu susua.

Yeremia 3:20

Kahinaano, kana asa beine anu nahi petenunu a ntamano, kanatuu koa mbo'u omiu nahi mpetenunu ndi Ongkue, hei suku Isaraeli, kanandiomo pau-Do i Ue.

Yeremia 31:20

Kombake i Eparai ana pinehohawa, kombake onae ana anu inehe-eheako? Hangano sompo Kutekudaakono, wela Aku rumambeo; onaemo pu'uno aroa-Ku mondende hangano onae; maupo kana'umpe Aku mehohawao, kanandiomo pau-Do i Ue.

Hosea 11:8

Kana'umpe nahi Aku merioko, hei Eparai, meweengakomu, hei Isaraeli? Kana'umpe nahi Aku merioko kana i Adima, weweuko kana i Seboimi? Aroa-Ku mepokule a ngkoroi-Ku, pompehohawa-Ku mansa haweako.

Hosea 2:5

Onaemo pu'uno, menteeano Aku umolotiakono ewo rui salano, ka mompontade rere watu umukoo, ranta nahi pokompohawe salano.

Hosea 4:11

Anggoro ka uwoi anggoro mokontetadio pinewowolo mentee.

Hosea 7:5

A mpogaweado mokole, ontae mia pinemota'u pinokomokolili ulu, molanguako anggoro; onae tepo'asaako ira puu mpopasinggiri.

Amosi 2:8

Ondae mpepombole i horino sompo meda pontunua pesomba a wawo sangka ginadedo mia, ka me'inuo anggorodo mia anu medinenda a raha-Do Ue Alado.

Amosi 6:6

anu mo'inu anggoro inso a loea kodei, ka mehahiako lana anu lalu moiko, sine nahi pompemasusa a nterawono inuleno i Yusupu!

Mika 7:7

Sine ongkue andio sumisikori Ira i Ue, momperorohi ndi Ondae Ue Ala anu kumadudui aku; Ondae Ue Alaku Ira rumonge aku!

Sakaria 1:16

Onaemo pu'uno, kanandiomo pau-Do i Ue, Aku wali mehohawao Yerusale. Raha-Ku ta pinontade mbo'u i ra'ai, kanandiomo pau-Do Ueno luwuakoano, ka koloro posongka ta pinadindi mbo'u i Yerusale.’

I MATIU 26:50

Sine Dopotaeakono i Yesu, ”Hei Sambe'e, onaemoke u'aiwaako?” Ka me'aiwa iramo me'ini Ira i Yesu ka domerako Ira.

1 KORINTI 10:21

Nahi komiu mpokompo'inu inso a ntonde-Do i Ue ka inso mbo'u a ntondedo onitu nsa'o. Nahi komiu mpokompohawe tia a mpelimbua-Do i Ue ka a pelimbuado mbo'u onitu nsa'o.

1 KORINTI 10:7

ka si tomegagi mia mpesomba a lahumoa, mengkena kana ba opia mia inso ndi ondae, kana hinao teburi, ”Ka mpentoro iramo tongku atuu ira mpongkaa ka mpo'inu; ka do'amba mpentade ka memawongko.”

1 PETURU 4:3

Hangano hadioomo ntu'u tempo pinakemiu meweweuo po'ehedo mia anu nahi domento'ori Ira Ue Ala. Mentuwu komiumo a mperupa-rupa po'eheno koroi, mosisiria, molangua, mpogawe langkai, pelimbua mpo'inu ka pompesombaia lahumoa anu inonto.

Puu Mpobitara 10:16

Ka do'amba imeliahakono luwuno anu pinesombaido mia hawe atuu ka dowali mpesomba ndi Ondae i Ue, ranta kanami dopokotahao i Ue aroa-Do kumitao masukarado to Isaraeli.

Puu Mpobitara 9:27

Melako iramo ia lere mpopumpu wua anggorodo, domelandao kai tepuro'i, ka do'amba mpogawe. Melako ira a raha mpelahumoaado, mpongkaa ka mpo'inu saru mentotonaao i Abimele.