Hosea 2:8 - Wunta Mempori

⁸ Onaemo pu'uno Aku wali umalao gandu-Ku i tempono ka anggoro-Ku i tempono, Aku wali sumintakio sawu wulu bimba ka sawu lena-Ku anu tumutuwio anuno.

Hosea 2:8 ပူးပေါင်းရင်းမြစ်များ

1 Tawarika 29:16

Oo Ue, Ue Alamami, luwuno hadio ntu'u anu kimempatindaomo wanguno raha-Miu, po'iangano nee-Miu anu mempori tepu'u inso a ngkae-Miu ka Omiumo me'ueo luwuakoano.

Ayubi 19:8

Pesalaaku Do'onsoiakono rere watu, ranta nahi kupokontelaloio, ka luwuno pesalaaku atuu Doweweuo wongi-wongi.

Yesaya 1:3

Sapi tumo'orio ueno, sine to Isaraeli naahi; kalide tumo'orio dulano ueno, sine bawaa-Ku naahi.”

Yesaya 46:6

Mia morawo wulaa inso a ngkotikano ka mongkati salaka mompake neraca. Ondae mpotambo puu mpo'angga wulaa ka ipoweweu pinesombai susua inso a mparewa atuu, ka do'amba mpesombaio, ka mpenggolontu ndi onae.

Yeremia 7:18

Nana'ote mpobini keu ponahu, luwuno ama mpopokomelanga api ka luwuno beine mposalo tarigu weweuado kukisi pesomba tiano mokole beine suruga, ka mia mpopesombaako pesomba tinawa a mpinesombai susua saru tinoodo mpokomahakia-Kune aroa-Ku.

Yehesikieli 23:41

Omue pentoro a mpoturia anu tekosi ka i arono tetinda meda. A wawo meda atuu naao dupa-Ku ka lana-Ku.

Danieli 3:1

Mokole Nebukanesa moweweu asa tinaha wulaa, mantandeno nomo pulu hiku ka maluano onoo hiku anu pinontadeno i lembono Dura i wita Babeli.

Danieli 5:23

Omiu ueku mompelangka-langkai ndi Ondae Anu Pabawa i suruga. Parewa inso a Raha-Do domewawao mia ndi omiu, ka i'amba omiu ueku saru anu langkai potorono a poparentaamiu, luwuno kombiamiu ka samburuemiu mpo'inu anggoro inso a mparewa atuu; omiu ueku umunde-unde ira pinesombai inso a nsalaka ka wulaa, inso a mala, labu, keu ka watu, anu nahi pongkita, moronge ke monto'ori. Omiu ueku nahi pelangkai Ira Ue Ala, anu kumungkuo penaamiu ka tumantuio luwuno pesalaamiu ueku.

Hosea 10:1

Isaraeli onaemo keu anggoro anu tuwu mewalo, anu mehasiliako wua. Kohadi-hadiono wuano, kohadi-hadiono meda pontunua pesomba wineweuno. Komoi-moikono witano, komoi-moikono wineweuno luwuno tugu lahumoa.

Hosea 13:1

Mansano mepau i Eparai, mpondidi-ndidi iramo mia; onae inunde-unde i Isaraeli, sine onae saala hangano Baala, umarino atuu mateomo.

Hosea 13:2

Maupo kanandio-andio tepahe ira ntehala, ka moweweu tiano koroino tinaha tinawa inso a nsalaka saru luwuno lahumoa, montonda saru ponto'orido; luwuno atuu wineweudo mia mpande mpoweweu. Pesombaakonomo pesomba ndi ondae!, paudo mia. Moikoomo mia woo-wooo ana nsapi!

Hosea 2:5

Onaemo pu'uno, menteeano Aku umolotiakono ewo rui salano, ka mompontade rere watu umukoo, ranta nahi pokompohawe salano.

Hosea 4:11

Anggoro ka uwoi anggoro mokontetadio pinewowolo mentee.

Hosea 8:4

Mpopotoro iramo mokole, sine nahi dompesikeno ndi Ongkue; mpopotoro ira mia pinemota'u, sine nahi Kuto'orio. Inso a wulaa ka salaka domeweweuo luwuno lahumoa tiado ondaedo, ranta ka domempinokotampula.

Habaku 1:16

Onaemo pu'uno ka ipesombaakono pesomba tiano buanino ka itunuo pesomba tiano salano. Hangano luwuno parewa atuu hinaweno hadio ntu'u ka urano tedoa hadio.

I LUKASI 15:13

Ba opia oleo umarino atuu tompasusu atuu umasao luwu tiano atuu ka i'amba lumako a wita anu olai. I ra'ai ipesala-salao arataa tiano atuu a ntuwua nahina mentuduano.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

Winali 8:18

Sine asalakono impewowolo Ira i Ue, Ue Alamiu, hangano Ondaemo anu moweeakomiu roso kai mpohawe pompolia, anu tinoo-Do mokorosoo pedandia anu pinau-Do saru sumpa ndi ondae uempu'umiu, kana kanandio-andio.

Puu Mpobitara 9:27

Melako iramo ia lere mpopumpu wua anggorodo, domelandao kai tepuro'i, ka do'amba mpogawe. Melako ira a raha mpelahumoaado, mpongkaa ka mpo'inu saru mentotonaao i Abimele.